47. फिलिप्पी में पौलुस और सीलास

जब शाऊल ले पूरा रोमी साम्राज्य में यात्रा करछ्य त उले अपूनो रोमी नाम "पौलुस" को इस्तमाल करून शुरू करछ्य। एक दिन, पौलुस और उको मित्र सीलास फिलिप्पी नगर में यीशु का बारिमें शुभ संदेश सुणुन खिन ग्यान। उन नगरा का भ्यार नदी का किनारा एक जागा में ग्‍यान जाँ लोग प्रार्थना करून खिन जामा हुछ्या। वाँ उन लुदिया नाम की एक स्यैनिथैं मिल्यान जो एक व्यापारी छी। उ परमेश्वर स प्रेम करछी और उकी आराधना कछीँ।

लुदिया ले यीशु का बारिमें संदेश में विश्वास करछ्य। पौलुस और सीलास ले ऊस और उक परिवार स बपतिस्मा दीछ। उले पौलुस और सीलास स अपून घर में ठहरून खिन क्योछ, येक कारण उन वाँ ठहर ग्या।

पौलुस और सीलास लोगून अक्सर उ जागा में मिलछ्या जाँ यहूदी लोग प्रार्थना करछ्या। हर रोज जब उन वाँ जाछ्या त एक दासी लड़की जो दुष्टात्मा समरथ ले भविष्यवाणी करछी और अपूना मालिकून खिन भौत धन कमूछी।

उ पौलुस और सीलास पछिल आभरेन चिल्लान लागछी, “इन लोग परमप्रधान परमेश्वरा का सेवक छन, जो तुमून मुक्ति बॉटाको संदेश सुणून खिन आर्यान!” उ हर रोज इसोई करछी, जैले पौलुस नाराज़ हो ग्यो।

उ भौत दिनून भटे इसो करूनमरेछी, आखरी एक दिन पौलुसले तंग हो भेरन पछिल मुड़भेरन उथैं क्योछ, “मैं यीशु मसीह का नामेंले तैंस हुकुम दीछूँ तैं यो चेलि में भटे भ्यार निकल!” और भूत उ बखत उमें भेट भ्यार निकल ग्यो।

उ दासी लड़की का स्वामी भौत गुस्सा भ्यान। क्याखिनकि उनूनले देखछ्य, कि हमोरो रूपाया कमूनाको जरिया खतम है ग्योछ,

येक कारण उन लोग पौलुस और सीलास स रोमी अधिकारीन का पास ली ग्यान। उनूनले पौलुस और सीलास स पीटभेरन उनून जेलखान में डाल दीछ।

उनूनले पौलुस और सीलास स जेलखान में उ जागा में राखछ्य जागा और ले भौत कैदी छ्या और उनार खुटान लाकड़ाक साचान में ठोकभरेन जकड़ दीयान। लेकिन पौलुस और सीलास आध राता बखत परमेश्वर की स्तुति का भजन का गीत गान मरेछ्या।

तब एकाएक इदुक जोरदार भूचाल आछ, याँ तक कि जेल की नींव हिल ग्यै। और सब द्वार खुलि ग्या; और उनार दगाड़ सब कैदीन का जंजीर लै खुलि ग्या।

यो देखभेन जेलर सोचछ्य कि सब कैदी भाजि ग्या होला, त उले अपूनास मारून खिन तलवार निकालछ। लेकिन पौलुसले क्योछ, “खबरदार, तैं अपनास जन मार, क्याखिनकि हम सब याँई छा!”

उ जेलरे डरले काँपनैई पौलुस और सीलास का पास आभेरन पूछो, "उद्धार पान खिन मैं कि करूँ?" पौलुस ले जवाब दीछ, "प्रभु यीशु में विश्वास कर, त तू और तेरो घराना उद्धार पालो।" तब उ जेलरे ले पौलुस और सीलास स अपने घर ली ग्योछ और उनार घौ में दवाई पट्टी करछ्य। पौलुस ले उक घरा का सब लोगून यीशु का बारिमें शुभ संदेश सुणाछ।

जेलरे ले और उक पूरा परिवारले यीशु में विश्वास करछ्य, येक कारण पौलुस और सीलास ले उनून बपतिस्मा दीछ। तब जेलरे ले पौलुस और सीलास स लिजाभेरन खान खवाछ, और अपूनो पुर परिवाराक दगाड़ परमेश्वर में विश्वास करभेरन उन सब खुश छ्या।

दुसार दिन नगरा का अगुवान ले पौलुस और सीलास स जेलखान है आजद कर दीछ और फिलिप्पी भटे जाने खिन क्योछ। पौलुस और सीलास लुदिया और कुछ दुसार मित्रून का दगाड़ मिलना का बाद उ नगर न्हैजान। यीशु का बारिमें शुभ संदेश फैलनै ग्योछ, और कलीसिया बढ़नै गैछ।

पौलुस और अन्य मसीही अगुवान ले भौत जागान की यात्रा करछ्य। उनूनले लोगून का यीशु का बारिमें शुभ संदेश सुणाछ। उनूनले कलीसियान का विश्वासीन उत्साहित करून और शिक्षा दीन खिन कई चिट्ठी ले लिख्यान। इनून में भटे कुछ चिट्ठी बाइबल की किताब बन ग्या।