48. यीशु ही वादा करिना को मसीह छै

जब परमेश्वर ले संसार स बनाछ त सब कुछ बड़िया छ्यो। कोई पाप नी छ्यो। आदम और हव्वा एक दूसरा स प्रेम करछ्या, और उन परमेश्वर स प्रेम करछ्या। कोई बीमारी या मौत नी छी। परमेश्वर इसाई संसार स चाँछ्यो।

शैतान ले स्यापा का जरियाले बगीच में हव्वाथैं बात करछ्य, क्याखिनकि उ ऊस ध्वाका दीन चाँछ्यो। तब हव्वा और आदम ले परमेश्वरा का खिलाफ कोई पाप नी करीना को छ्यो। क्याखिनकि पीर उनूनले पाप करछ्य येक कारण संसार रूनवाला सब लोग मरनान।

क्याखिनकि आदम और हव्वा ले पाप करछ्य, येक कारण कुछ और ले बुरो भ्योछ। उन परमेश्वरा का बैरी बन ग्या। जैका कारण, तब भटे हरेक जन ले पाप करछ्य। हरेकक जन जन्म भटेई परमेश्वरा का बैरी छन। परमेश्वर और लोगून का बीच में मेल नी छ्यो। लेकिन परमेश्वरे ले मेल करून चाँछ्यो।

परमेश्वरे ले वादा करछ्य कि हव्वा का एक वंशज शैताना का ख्वारा स कुचलला। उले यो ले क्योछ कि शैतान उकी एड़ी स डसोलो। दूसार शब्दों में, शैतान मसीह स मार डालोलो, लेकिन परमेश्वर ऊस फिर ज्यूनो कर द्योलो। येक बाद, मसीह शैतान की शक्ति स हमेशा खिन समाप्त कर द्योलो। कई सालून का बाद, परमेश्वरे ले प्रकट करछ्य कि उ मसीह यीशु छै।

परमेश्वर ले उ बाढ़ ले अपून परिवार स बचाछ जैस उ ल्यून वालो छ्यो। नूह थैं एक जहाज बनून खिन क्योछ। कि इसा तरीका ले परमेश्वर ले उन लोगून बचाछ जो उमें विश्वास करछ्या। इसा तरीकाले, सबा का सब परमेश्वर का द्वारा मार डाल जाना का योग्य छा क्याखिनकि उनूनले पाप करीना को छ्यो। लेकिन परमेश्वर ले उन सबून बचून ईन यीशु स भेजछ्य जो उमें विश्वास करनान।

कई सालून तक, याजक परमेश्वर खिन बलिदान चढ़ानै र्यान। यो देखूछो कि लोगून ले पाप करीना को छै, और यो कि उन परमेश्वरा का द्वारा उन दंडित दीईजाना का योग्य छ्या। लेकिन उन बलिदान उनार पापून माफ नी कर सकछ्या। यीशु सबून है ठूलो महायाजक छैऐ। उले उ करछ्य जो कोई याजक नी कर सकछ्यो। उले उ एकमात्र बलिदान हुन खिन खुद स दी दीछ जो हर कैका पापून मिटा सकछो। उले स्वीकार करछ्य कि परमेश्वर उन सबून का पापून खिन ऊस दंडित द्योलो। येक कारण, यीशु सिद्ध महायाजक छै।

परमेश्वर ले अब्राहमथैं क्योछ, "मैं त्यारा द्वारा संसारा का सब जातिन आशीष द्यूलो।" यीशु यो अब्राहम का वंश में भटे आछ। परमेश्वर अब्राहम का जरियाले सब जातिन आशीष दीछो, क्याखिनकि जो यीशु में विश्वास करछो परमेश्वर उन सबुन पापून है बचूछो। जब इन लोग यीशु में विश्वास करनान, त परमेश्वर उनून अब्राहम को वंशज मानछो।

परमेश्वर ले अब्राहमथैं क्योछ कि उ अपूना एखलौता च्याला, उखिन बलिदान करौ। अब्राहम बलि चढ़ूनखिन तैयार होग्यो लेकिन फिर परमेश्वर ले उक च्याला इसहाका का बदला में बलि करून खिन एक मेमना दीछ। हम सब अपून पापून खिन मार डालि जान लायक छ्या! लेकिन परमेश्वर ले हमार जाग में मरून खिन यीशु को बलिदान का रूप में दीछ। योई कारण ले हम यीशु स परमेश्वरो को मेमना कुंनू।

जब परमेश्वर ले मिस्र में आखरी विपत्ति भेजछ्य त उले हरेक इस्राएली परिवार थैं क्योछ कि उन एक मेमना की बलि करून। उ मेमना में कोई ले दोष नै हुन चैनो। तब अपून दरवाजान और मोलून का मलिमें उको खून स लगाछ। जब परमेश्वर ले उ खून स देखछ्य त उ उनार घरून छोड़नै ग्योछ और उनार जेयाठा च्यालान नै मार्यो। जब योभ्योछ त परमेश्वर ले यो फसह को पर्व क्योछ।

यीशु फसह का पर्वो को एक मेमना का नियाति छै। उले कभै पाप नै कर्यो, येक कारण उमें कैले गलत नी छ्यो। उ फसह का पर्व का बखत में मरछ्य। जब कोई यीशु में विश्वास करछो, त यीशु को खून उ आदिमी का पापून की कीमत चुकूछो। यो इसो छै जसकैं कि परमेश्वर उ आदिमी का छोड़ दीछो, क्याखिनकि उ ऊस दण्ड नै दीनो।

परमेश्वरे ले इस्राएली लोगून का दगाड़ एक वादा करछ्य, क्याखिनकि उन इसा लोग छ्या जिनून परमेश्वर ले अपूनो हुन खिन चुनिना को छ्यो।लेकिन अब परमेश्वर ले एक इसो वादा करछ्य जो कि सबून खिन छै। अगर कोई ले जाति का कोई ले आदिमी यो नय्या वादा स स्वीकार करछो, त उ परमेश्वरा का लोगून में शामिल हो जाछो। उ इसो येक कारण करछो क्याखिन उ यीशु में विश्वास करछो।

मूसा एक इसो भविष्यद्वक्ता छ्यो जैले परमेश्वराका वचन स बड़ी सामर्था का दगाड़ प्रचार करछ्य। लेकिन यीशु सब भविष्यद्वक्तान में सबून है ठूलो छै। उ परमेश्वर छै, येक कारण जो कुछ ले उले करछ्य और क्योछ, उ परमेश्वरा का काम और वचन छ्या। येक कारण पवित्र-शास्त्र यीशु स परमेश्वरो को वचन कुछो।

परमेश्वर ले राजा दाऊद थै बादा करीना को छ्यो कि राजा का रूप में उको एक वंशज परमेश्वरा का लोगून में हमेशा खिन राज करोलो। यीशु परमेश्वरो को च्योलो और मसीह छै, और उ राजा दाऊदो को वंशज छै जो हमेशा खिन राज्य करोलो।

दाऊद त इस्राएल को राजा छ्यो, लेकिन यीशु पूर दुनिया को राजा छै! उ फिर आलो और हमेशा खिन न्याय और शान्ति का दगाड़ अपून राज्य में रज करोलो।