49. परमेश्वरो को नय्या वादा

एक स्वर्गदूत ले एक कुँवारी लड़की मरियम थैं क्योछ कि उ परमेश्वरा का च्याला स जन्म देलि। और उमें पवित्र आत्मा आछ और वह गर्भवती भैछ। उले एक च्याला स जन्म दीछ जैको नाम उले यीशु रखछ्य। येक कारण यीशु परमेश्वर ले छै और आदीमी ले।

यीशु ले भौत सा चमत्कार कर्यान जो दिखूना कि उ परमेश्वर छै। उ पानी में हिटछ्य और आँधी स शान्त करछ्य। उले भौत सा बीमार लोगून चंगो करछ्य और भौत लोगून में भटे दुष्टात्मान निकालछ्य। उले मरीना का लोगून ज्यून कर दीछ, और उले पाँच रोटा और द्वी मछा ले पाँच हजार लोगून खिलाछ।

यीशु एक महान शिक्षक ले छ्यो। जो कुछ ले उले सिखाछ, उ उले सिद्धता का दगाड़ सिखाछ। जो उ लोगून करून खिन कुछोउ उनून करून चैछो क्याखिन उ परमेश्वरो को च्योलो छै। उदाहरण खिन, उले सिखाछ कि तुमून हरेका लोगून का दगाड़ उसीकैं तरीका प्रेम करना की जरूरत छै जसकैं तुम खुदै स प्रेम करछा।

उले यो ले सिखाछ कि तुमून सब चीजून है ज्यादा और अपूनी संपत्ति है ले ज्यादा परमेश्वरे स प्रेम करून चैछो।

यीशु ले क्योछ कि संसार में कोई ले चीज स प्राप्त करून है ज्यादा निको यो छै, परमेश्वरा का राज्य में प्रवेश करूनो। उक राज्य में तुमून खिन प्रवेश करून खिन जरूरी छै कि परमेश्वर तुमून तुमारा पापून भटे बचौ।

यीशु ले क्योछ कि जो लोग ऊस ग्रहण कराला। परमेश्वर उन लोगून बचालो। लेकिन जो लोग ऊस ग्रहण नी कराला। उले यो ले क्योछ कि कुछ लोग निकी जमीनै की नियाति छन, क्याखिनकि उन यीशु का बारिमें शुभ संदेश स स्वीकार कर लीनान, और परमेश्वर उनून बचूछो। लेकिन कुछ लोग बाँटा वाली बंजर जमीन जसा छन। परमेश्वरो को वचन बी जसो छै जो बाँटान में पड़छो, लेकिन वाँ केले नै जामूनो। इन लोग यीशु का बारिमें संदेश स स्वीकार नै करना। उन उक राज्य में प्रवेश करून है इंकार कर दीनान।

यीशु ले सिखाछ कि परमेश्वर पापिन भौत प्यार करछो। उ उनून माफ करून चाछो और उनून अपुनि संतान बनून चाँछो।

यीशु यो ले बताछ कि परमेश्वर पाप भटे नफरत करछो। क्याखिनकि आदम और हव्वा ले पाप करछ्य, येक कारण उनार पूर वंशजून ले पाप करछ्य। यो संसार में रूनवालो हरेक जन पाप करछो और परमेश्वर है दूर छै। हरेक जन परमेश्वरो को दुशमन छै।

लेकिन परमेश्वर ले यो संसार में रून वाला हरेक जन स इसा तरीका ले प्रेम करछ्य: उले अपून एकलौते च्याला स दी दीछ ताकि जो कोई ले उमें विश्वास करछो परमेश्वर ऊस दण्ड नै दे। बल्कि येक बजाय, उन उक दगाड़ हमेशा खिन रौल।

तुम मरना का लायक छा, क्याखिनकि तुमूनले पाप करीना को छै। तुमूनथैं परमेश्वरो को नाराज हुन ठीक छ्यो, लेकिन येक बजाय, उ यीशु परमें नाजार भ्योछ। और उले यीशु स सूली में मौते की भेरन दण्ड दीछ।

यीशु ले कभै पाप नै कर्यो, लेकिन परमेश्वरे ले ऊस दण्ड दीछ। उले मरीजानो स्वीकार करछ्य। इसीकैं, तुमारा पापून और यो संसार में सबून पापून माफ करून खिन यो एक सिद्ध बलिदान छ्यो। यीशु ले खुद स परमेश्वर खिन बलिदान कर दीछ, येक कारण परमेश्वर ले कोई ले पापी स, याँ तक कि भयंकर पापून ले माफ करछो।

भले ही अगर तुम भौत निका काम करना हो, त येक द्वारा परमेश्वर तुमून नी बचालो। उको मित्र बनून खिन इसो केले नाहातिन जो तुम कर सकछा। येक बजाय, तुमून यो विश्वास करून छै कि यीशु परमेश्वरो को च्योलो छै, और उ तुमार बदाला सूली में मर ग्यो, और यो ले कि परमेश्वरे ले ऊस मरीन में भटे ज्यून करछ्य। अगर तुम यो बात में विश्वास करा, त परमेश्वर तुमार पापून की क्षमा द्योलो।

परमेश्वर उ हरेक जन स बचालो जो यीशु में विश्वास करछो और ऊस अपूनो प्रभु मानछो। लेकिन उ उनून नी बचालो जो उमें विश्वास नै करना। यो कोई मायने नै रखनो कि तुम धनी छा या गरीब छा, आदिमी छा या स्यैनि हो, बूढ़ा छा या जवान, या तुम काँ रूछा। परमेश्वर तुमून प्यार करछो और चाँछो कि तुम यीशु में विश्वास करा कि उ तुमोरो मित्र बन सकछो।

यीशु तुमून बुलून मर्योछ कि उमें विश्वास करा और बपतिस्मा ली। क्या तुम विश्वास करछा कि परमेश्वर का एकलौता च्योलो, यीशु ही मसीह छै? क्या तुम विश्वास करछाई कि तुम एक पापी छा और यो कि तुम परमेश्वर द्वारा तुमून सजा दीन जाई योग्य छा? क्या तुम विश्वास करछा कि तुमार पापून मिटून खिन यीशु सूली में मरछ्य?

और जो उले तुमून खिन करछ्य उमें विश्वास करछा, त तुम एक मसीही छा! शैतान अब अपूना बुरा काम ले तुमून राज्य में नै कर सकनो। अब परमेश्वर अपून भला कामून ले तुमून में राज्य करछो। उले तुमून पाप करून है रोक दीछ, जैस तुम करनै रूछ्या। उले तुमून एक नया, उचित जीवन दी रैछ।

अगर तुम एक मसीही छा त जो यीशु ले करछ्य उक कारण परमेश्वर ले तुमार पापून माफ कर दीयान। अब, परमेश्वर एक दुशमन नै बल्कि तुमून एक घनिष्ठ मित्र मानछो।

अगर तुम परमेश्वरा का मित्र छा और प्रभु यीशु का सेवक छा त तुमून उन बातून को पालन करना की इच्छा करला जो यीशु तुमूनको सिखूछो। भले ही तुम एक मसीही छा, शैतान एक ले पाप करून खिन तुमरी परीक्षा करोलो। लेकिन परमेश्वर हमेशा उ करछो जो उ कुछो कि उई करलो। उ कुछो कि अगर तुम अपून पापून मान ली, त उ तुमून माफ कर द्योलो। उ तुमून पाप क खिलाफ लडड॰ऊन खिन ताकत द्योलो।

परमेश्वर तुमूनथैं प्रार्थना करून और उक वचन स पढ़ून खिन कुछो। और तुमून दुसार विश्वासीन का दगाड़ मिलभेरन उकी आराधना करून खिन ले कुछो। तुमून दुसार अन्य लोगून ले बतून छै कि उले तुमून खिन कि करछ्य। अगर तुम इन सब कामून करा, त तुम उक एक पक्का मित्र बन ज्याला।