14. किनिरते सिडना

पोनोमोसोर इसराइलीकिते हो नियमते बातायना ओबोन्ग गोठो जेम नो होकिया सोरि तोलसि:खो होकड़ा कारारया कारण पालन कारायना आओखो:। ओडो होकड़ सीनै बिरुते होकिते आन्जोरो। होकड़ होकिते प्रतिज्ञा या राइजते‍ डोडना लामना ल:खो। हो राइज कनान जो गामडोमना ला:खो: पोनोमोसोर तिरिबया खम्बाते होकिया मुगम मुगम चोलकि ओडो होकि होकड़ा कुड़ब कुड़ुब चोलकि मय।

पोनोमोसोर अब्राहम, इसहाक ओडो याकूब बुन्ग प्रतिज्ञा कारायसि:खो नो होकड़ प्रतिज्ञा या हो राइज होकिया वंशज तेतेरे मुदा उ नेडा होते ढेइर जातिकि आवना ला:किमय। होकि कनानी गामडोमना ला:किमय। उ कनानी लेबुकि पोनोमोसोरया आराधना उमाय कारायना ला:खो ओडो होकड़ा आज्ञाते उमाय मानेना ला:खो। होकि झूठा देवताकिया उपासना कारायना ला:खो ओडो मुरुक अनेस कामु कारायना ला:किमय।

पोनोमोसोर इसराइली जब आमते हो कारार काराल राइजते धाँयते ला:होवा सोउब कनानी किबुन छुटाकारा कुइ गोड़ेम। होकड़ा सोरि संधि अबु कराम ओडो होकिबुन्ग बिहा आबु कराम आमते होकिया मुर्तिकिते पुरा रीति बुन नाश काराय गोड़ा। मुदा आम इन्जा आज्ञा उम मानेयेम ला आम इन्जा बनाए होकिया देवताकिया उपासना कारायना ला:नाम।”

जे भेरे इसराइली कनानया सीमानते डामकिमय ला: मूसा इसराइलीया सोउब गोत्र मेसे मोन्ज मोन्ज कारायके घोल उबार कोपुडुकिते चुनायो। होकड़ होकिते चोलके हो राइजया भेद डो:नया निर्देश तेनो नो योयोपे होकड़ इघाय राइजे। होकड़ होकिते हो कनानी किया भेद जो डोडना होकि नो योयोकि नो होकि पाड़ोमदार आवखोमय या कमजोर आवखोमय।

हो घोल उबार कोपुड़ुकि पुरा कनानते होइ केन बर एकड़ी नेडा गो:झुङ सांगोडकिमय ओडो होकि एनडिलकिमय। होकि लेबुकिते बातायोकि, “हो राइज मुरुक उपजाउ आइज ओडो खेती मुरुक आइज!” मुदा घोल भेदियोकि गामो:कि, “ होकिया नगर मुरुक दृढ़ आइज ओडो लेबुकि झेलोक चाकर आइजमय अगर आनिन होकिया तुबलुन्गते हामला कारायतेनिन्ग ला: निश्चित रुपबुन्ग होकिया आनिनते हरुवाय गोड़ेमय ओडो आनिनते तार गोड़ेमय।”

मुदा हो कालेब ओडो यहोशू ओडो होडोम उबार भेदीयो गामोकि, “उ सो:तो हेके नो कनानय लेबुकि झलब ओडो पाड़ोमदार आइजमय, मुदा निश्चित बुन्ग आनिन होकिते हरुवाय साकेतेनि! पोनोमोसोर आन्याथोन्ग लाड़ेना!”

मुदा लेबुकि कालेब ओडो यहोशू या उमाय ओन्डोरो। होकि मूसा ओडो हारुनया तोबलुन्गते खिसाय गोठकिमय ओडो गामोकि आम एलेते उ भयानक ठाँड़ोते इ ना ओलकेडेलसिडेम? एलेते मिस्र हिनतेगा आवना आओखो। मुदा एले हो राइजते चोलतारे ला: लाड़ोईबुन्गो गोजगोडनाले ओडो कनानया लेबुकि एला कोनसेलडुते ओडो कुड़ुकिते धांगर बाय गोड़ेमय। हो लेबुकि होकिते घुराय केन मिस्र हिनते डोडकोन चोनाथोम मोन्ज होडोन्ग आगुवाते चुनायना लामना ला:खोमय।

जे भेरे हो लेबुकि उघाय गामोकि ला: पोनोमोसोर मुरुक खिसाय गोठकि। होकड़ मिलापवाला तम्बु ते डेलकि ओडो गामो आमपे इन्जा बिरुद्ध बालवा कारायसिखे होवाथोम आमपे सोउबते उ भातराते भटकेना होइन। हर मोन्ज लेबु जे एकड़ी मेमोनया होकड़ा ते बागरा उमइरया आन्ज ला: होकड़ गोजगोडना ओडो कहियो जो हो राइजते डियार ना उमपाले जे इन्ज आमपे तेरतिन्ग। मुदा कालेब ओडो यहोशू होते डियारना कियार।”

जे भेरे लेबुकि पोनोमोसोर ते उघाय गामना ला: होकि रागोमकिमय इनानो होकि पाप कारायसिखोमय। होवाथोम होकि कनानया लेबुकि तुबलुन्ग हामला कारायना थोन्ग सोंचायोमय। मूसा होकिते उम चोनाथोन्ग चेतावनी तेरो इ नानो पोनोमोसोर होकिया सोरि उम चोना। मुदा होकि होकड़ा उमाय ओन्डोरो।

पोनोमोसोर उ लाड़ोइते होकिया सोरि उम चोलकि, होवाथोम कनानी कि होकिते हरुवाय गोठो ओडो हो ढेइर मेसे ओबगोजगोठोमय। तब इसराइली लेबकि कनानतय इन्ग डेलकिमय। मुगम बर एकड़ी मेमोन खो:तय होकि भादरा हिनते हान्ति उति: भटकेना ला:किमय।

इसराइली लेबुकि द्वारा भादरा ते भटकेनया बर एकड़ी मेमोन या नेडा पोनोमोसोर होकिया जरुरतते पुरा कारायो। होकड़ होकिते कि:थुन्गतय “मन्‍ना” गामडोम वाला कोलोन्ग तेरो। होकड़ कोनथेड किया झुन्ड जो (जेकि माध्यम साइजया कोनथेड हेके मय) होकिया लोन्गोय डान्गे ताकि होकिया पासेयोनाथोन्ग गोस होइना। हो पुरा नेडाते पोनोमोसोर होकिया लुतुई ओडो जूता ते गा:ना बुन्ग बनचाय केउनो।

उ तखनो पोनोमोसोर होकिया उडनाथोन्ग चमत्कारी रुप बुन्ग सोरेन्ग हिनतय डा:आ ओछो। मुदा उ सोउब या उपरान्त इसराइली लेबुकि पोनोमोसोरया बिरोध ओडो मूसा या बिरुध सिकायत कारायोकि ओडो कुड़कुड़ायकिमया ला:जो पोनोमोसोर विश्वासयोग्य आवकि। होकड़ जे प्रतिज्ञा कारायसि:खो नो होकड़ अब्राहम, इसहाक ओडो याकूबया वंशज याथोन्ग काराय होकड़ उघाय कारायो।

मोन्ज ओडो नेडा जे भेरे हो लेबुकिया बो:ते डा:आ उम आवखो, पोनोमोसोर मूसाते गामो, “चाँटड़ी बुन्ग कायोम ना ओडो होकड़ाते डा:आ मो:ना।” मुदा मूसा चाँटड़ी बुन उम कायोमकि। उकड़ा बजाए होकड़ डाँड़ा बुन‍ चाँटड़ीते उबार बेर तारो:। उ रीति बुन होकड़ पोनोमोसोर या निरादर कारायो। सोउब या उमनाथोन्ग चाँटड़ी ते डा:आ को कुमु:कि मुदा पोनोमोसोर मूसाते खिसायकि। होकड़ गामो: “इ नानो आम उघाय कारायो, होवाथोन्ग आम प्रतिज्ञा या राइज हिनते डियारना उमपालेम।”

जे भेरे इसराइली लेबुकि बर एकड़ी मेमोन खो:ते भादरा हिनते भाटके चुकेसिखोमय, तब होकि पोनोमोसोर या बिरुध बलवा कारायसिखोमय। होकि सोउब गोजगोडखोमय। से भेरे पोनोमोसोर हो लेबुकिते ओडो हो प्रतिज्ञा काराल राइज हिनते सीमान्त खो:तय डोडगोठो। अब मूसा ढेइर बूढ़ा होइ गोठो होवाथोम पोनोमोसोर लेबुकिते आगुवा कारायन ओडो होकिया मदइत कारायनाथोम यहोशूते चुनायो। पोनोमोसोर मूसा उ प्रतिज्ञा जो काराय कोन नो मोन्ज नेडा होकड़ लेबुकिया सोरि मूसाय लेखे मोन्ज भविष्यद्वक्ता डान्गे।

से भेरे पोनोमोसोर मूसा ते मोन्ज बिरुया उनगुलते चोनाथोन्ग गामो: ताकि होकड़ प्रतिज्ञा काराल राइजे ते योना पाले मूसा हो प्रतिज्ञा काराल राइजते योयो मुदा पोनोमोसोर होकड़ते होते डियार ना:थोन्ग अनुमति उमतेरो तब मूसा गोजगोडकि ओडो इसराइलीकि एकड़ी घोल नेडा खो:तय दु:ख मानायोकि। यहोशू होकिया तोनमे आगुवा बोनेकि। यहोशू मोन्ज बेस आगुवा आवखो इननो होकड़ पोनोमोसोरया तोबलुन्ग ते भरोसा कारायो ओडो होकड़ा कायोमते मानेयो।