13. इसराइलीकिया सोरि पोनोमोसोरया कारार

इसराइलीकिते रुसुन्ग समुन्दर तय पारोकोन होकिते तिनिर होइ कोन सीनै बिरु रोछोब डोठो हो बिरु होकड़ आवखो आते नो मूसा सालगेनावाला झुंड़ते यो:सि:खो। हो लेबुकि हो बिरुया तुताते तम्बु बायो मोय।

पोनोमोसोर मूसा ओडो इसराइलीया सोउब लेबुते गामो, आमपेते सोउब नेडायोथोम इन्जा कायोमते ओन्डोरना रो जे कारार इन्ज आमपे बुन्ग सिडिन्ग होजे बायके उनना आइज उघायगा काराय पेला बेस इनाम किमती बा:रुमकुब, कालोकिया राइज रो लोरेन्ग जाइत ठहरेनापे।”

पोनोमोसोर या बो:ते डेनाथोम लेबुकिते उफे नेडा अपनेतेगा तेयार कारायोकि। ला: पोनोमोसोर सीनै बिरुया उनगुलतय तुताते डेलकि। ला: होकि डेलकि मोय धरती हिलेकि, बिजली चमकेकि, मो:ह मुडकि ओडो बिगुल बाजा बाजेकि। ला: मूसा तोबलुन्ग बिरुते डेब गोडकि।

ला: पोनोमोसोर लेबुकिया सोरि मोञ कारार कारायो। होकड़ गामो, “इन्ज आमपा पोनोमोसोर, यहोवा हेकिन्ज। इन्जगा बेहार नो आमपेते मिस्रया गुलामतय छोड़ायो। होडोन्ग देवताकिया उपासना आ:पे काराय।”

“मूर्तिया आ:पे बाय रो होकड़ा उपासना आ:पे काराय होवाथोम नो इन्ज यहोवा आमपा: मोन्जगा पोनोमोसोर हेकन्ज। होडोम लेखे इन्जा ञिमिते आ:पे डोड़े टिबरु दिनते कामु कारायपे रो थाम दिनोते आराम काराय कोन इन्जते याइद कारायपे।

“आमपा आयो ओडो आबा या आदर कारायपे। बेरतेजो आ:पे डेजे। व्यभिचार आ:पे काराय। आ:पे चोराय। होडोमकिया कोनसिलड़ु, हो:, होकिया जिनिसकिते आ:पे डोड़े।”

ला:आ पोनोमोसोर हो घोल आज्ञाते सोरेन्गया ताख्ती ते दस आज्ञा लिखाकोन मूसाते तेर गोठो। पोनोमोसोर लेबुकिते ओडो मोन्ज व्यवस्था तेरो:। ला: होकि हो व्यवस्था ते मानेयेकिला पोनोमोसोर जुघायगा आशीष रो बनचायना थोम प्रतिज्ञा कारायो। मुदा होकड़ गामो यदि होकि उजे पालन उमाय कारायला होकिते साजाय कुइना।

पोनोमोसोर इसराइलीया मोन्ज महा तम्बु बायनाथोम गामो:– मिलापवाला तम्बु। होकिते होकिते बेस बो: बातायो नो उ तम्बुते इघाय बायना रो होकड़ा भी:हतरते इ कि उनना आइज; होकड़ होकिते हो तम्बुते उबार कमरा बुन्ग ताजनाथोम मोन्ज महा परदा बायनाथोम गामो:। पोनोमोसोर हो परदाया कुनडबवाला कमरा ते डेना रो होते आवना। आते नो पोनोमोसोरया आवना कमराते केवलते महा कालोते चोना आनुमति आवखो।

हो लेबुकि हो मिलापवाला तम्बुया मुगमते मोन्ज वेदी बायना आवखो। होते पोनोमोसोर या नियमते उम मानेयये ला: मोन्ज पोसते ओले। ला: कालो होजे बलि काराय ओडो वेदीते बलिया रुप बुन्ग पोनोमोसोरया थोम ओबगेबे। पोनोमोसोरया गामो: हो पोसया इयाम हो लेबुया पापते डाल गोड़े। उ लेखे पोनोमोसोर हो पापते उमलेयोते। हो लेबु पोनोमोसोरया योना बुन्ग “शुद्ध” होइना। पोनोमोसोर मूसाया भाई हारुनते रो हारुनेया वंशकिते आडोया कालो होइनाथोम चुनाययो।

पोनोमोसोर होलेबुकिते जे नियम तेरखौ: होकड़ा पालन कारायना थोम राजीकि मोय। होकि केवल पोनोमोसोर या लेबु होइना रो केवला होकड़ा आराधना कारायना थोम राजीकि मोय।

जुघाय नेडा जो मूसा सीनै बिरुया उन्गुल पेडा आवगोडकि। होकड़ पोनोमोसोरया सोरि कायोमनाला:खो। ला: लेबुकि मूसाया डेना:आगुर कोन थाकेगोडकि मोय। होवाथोम होकि हारुनया बो:ते सोना डोडकोन डेलकि मोय। ओडो होकि मोन्ज मुर्ति बायनाथोम गामोकि ताकि होकि पोनोमोसोरया ओवजीते होकड़ा उपासना कारायकि। उ लेखे होकि भंयकर रुप बुन्ग पोनोमोसोर या बिरुद्ध पाप कारायोकि।

हारुन ओरेजया लेखे सोनाया मोन्ज मुर्ति बायो। हो लेबुकि हो मुर्तिया उपासना कारायना सुरु गोठोकि रो होकड़ते बलि ओडेफोकि! होकिया पापया कारण पोनोमोसोर होकि बुन्ग खिसाय गोठकि। होकड़ होकिते तारना गोडना लामो:। ला:आ मूसा होकिते उम तारनाथोम पोनोमोसोरते बिनती कारायोकि। पोनोकोसोर होकिया बिनती ते ओन्डोरो रो होकिते उम तारो।

मुदा मूसा सीनै बिरुया तुतातेआरे:कि। होकड़ हो उबार सोरेन्गया तख्ती ते डोडसि:खो आते नो पोनोमोसोर दस आज्ञा लिखासि:खो। रो होकड़ हो मुर्तिते योयो। होकड़ हेबने खिसायसि:खो नो होकड़ हो तख्तीते पाटका कोन पिज गोठो।

ओडो मूसा हो मुर्तिते रि:न कोन होकड़ा बुकनी बाय कोन तेरो, हो बुकनी डा:आ ते मेसा कोन हो लेबुकिते हो डा:आ ते ओबुड गोठो। पोनोमोसोर हो लेबुकियाते मोन्ज बिपाइत डान्गो रो हो मेसे जुघाय लेबु गोजगोडकि मोय।

जे तख्तीकिते मूसा पिजसि:खो हो ठाँड़ोते डोडनाथोम मूसा हो घोल आज्ञाया सोरेन्गमेया तोनमे तख्तीकि बायो। ला: होकड़ ओडो बिरुते डेबगोडकि रो सेनेलेयो नो पोनोमोसोर हो लेबुकिते क्षमा काराय। पोनोमोसोर मूसाया ओन्डोर कोन होकिते क्षमा तेरो। तोनमे तख्तीकिते घोल आज्ञाते डोडकोन मूसा बिरुतय तुता डेलकि। ला: पोनोमोसोर हो सीनै बिरुते प्रतिज्ञाया राइज पिज इसराइलीकिते अन्जोरो।