12. निर्गमन

इसराइलीकि मिसरतय मु:हकोन इकुड लेरेडा: सोन आओखोकि। होकिया अब धांगर उमाय आओखो: रो होकिते प्रतिज्ञा काराल राइजते चोनाला:खो:। जहाँगा इसराइलीकि मिस्रीकिते बोरो:कि हो जिनिस ते तेरोकि सोना, चाँदी, ओडो जुघाय दामय जिनिस जो। होडोन्ग राइजया थोरेक लेबुकि पोनोमोसोरयाते विश्वास कारायोकि होकि इसराइलीया सोरि मिसरतय मु:हगोठकि मोय।

तुनबो:ते तिरिबया महा खुन्टो मुगाम मुगाम चोलकि। रो इडिबया भेरे तिमलोन्गया खुन्टो बोने कोन चोलकि। पोनोमोसोर हो तिरिबया खुन्टो रो तिमसोन्ग ते आवखो: ओडो होकि चोना सुरुगोठोकि होकिते केवल हेबने कारायना आवखो:नो होकड़ा कुन्डाबते चोना।

थोरेक नेडा या लो:ढो, फिरौम ओडो होकिया लेबुकिया मोन्ज बादले गोडकि। होकि इसराइलीकिते ओडो आडिकिया धांगर बायना लामोकि। होवाथोम होकि इसराइलीकिते पाछड़योकि। ला: पोनोमोसोरगा आवखो: जे होकिया मोनते बादलाय गोठो होकड़ उघाय उवाथोम कारायोनो सोउब कोन्गना पालेकि नो फिरौन तय ओडो मिस्रीकिया देवताकिया तय जो होकड़ यहोवा, जुघाय पाड़ोमदार आइज।

ला: इसराइलीकि मिसरया पालटन कि डेलताजकि होजे रो मुगमते फिरौनया पालटन मुगमते रुसुन्ग समुन्दर ते यो कोन मो:झिते फाँसे गोडकि मोय। होकि जुघाय बोतोन्ग कोन इयाम ना ला:कि मोय, “आनिन्ग मिसरते इना मेलाय गोठोनिग? आनिन गोज गोडनाकिन्ग!”

मूसा इसराइलीकिते गामो:, “बोतोन्ग मेलाय गोड़ेपे! पोनोमोसोर मूसा आमपाथोम लाड़े कोन आमपेते बनचाय। ला: पोनोमोसोर मुसाते गामो:, “उ लेबुकिते रुसुन्ग समुन्दर रोछोब चोना गामे।

ला: पोनोमोसोर हो तिरिब या खुनटोते इसरायली रो मिसरि किया मोझिते ते उन गोठो ताकि मिसरिकी इसरायली कि उमययोना पाले।

पोनोमोसोर मुसा ते सामुनदार ते आडिया तिअ:झेबलोबना गामो। ओडो पोनोमोसोर कोयोबुंग सामुदार या डा:ते भतखेया रो लेंगा रोछोब काराय गाठो ला: सामुदार ते मोंञ गोझुंग बोने गोडकि।

इसरायली लेबु की आडकिया उबार रोःछोब भीत या मोझि ते इसरायलि कि कोसोर उसलो सामुनदार ते होइकोन चोलकी मोय

ला: पोनोमोसोर हो गो:झुंग ते तिरिब ते बेबरुठ गोठो ताकि मिसरी लेबु कि इसरायली की ते बनचे कोन चोलतजकि होजे योना पाले की। मिसरिकि होकिते धोनाथोंङ होकिया पीछा कारायोकि।

ला: होकि सामुदार या मोझि हो गोझुंगते इसरायली किते पछडायोकि ला:पोनोमोसोर मिसरिकिते ओक बोकुवाय गो:ठो रो होकिया राथ डोमकि ते आटकाय गोठो।होकि गुलकरायोको,यारेपे इसरायलि किया ति:तय पोनोमोसोर लाडेतइज।

सोउब इसरायली कि सामुदार या होडोम रोछोब डामगोडकिमय। ल: पोनोमोसोर मुसा ते गामो आमओडो सामुदर ते ति:नोममते झेबलोबे। जे भेरे मुसा उघय कारयोला डा: मिसरी पालटान किया ते डेल गोडकि रो आडि इघय अवखो होघाय होइगोडकि।सोबमिसरिकि डुबे मायकि मय।

जेभेरे इसरायलि की योयोकि नो मिसरि की गोजगोडकिमय ला:होकि पोनोमोसोर या ते विसवास कारायोकि नो मुसा पोनोमोसोर या ति:तय भविषयवाकता अवखो।

इसरायली की उवाथोंड जो मुरुक लेरेना ला:खोकि नो पोनोमोसोर होकि ते गोजनातय रो धांगार होइना तय बनचायो। ला:होकि पोनोमोसोर या आराधना कारायना रो आडिय हुकुम ते मानेना थोंङ सवातंतर आवखो कि इसरायलिकी आडकिया सवतंतार होइना या लेरे: रो पोनोमोसोर या गुनाइन करायनाथों आलोंग कि मय उवाथोंग नो होकाड होकि ते मिसरि पालटान कि तय बनचाय सि:खो।

पोनोमोसोर इसराइलीकिते सोउब मेमोन मोञ परब मानेना हुकुम तेरो: याइद कारायोना थोम नो इघाय पोनोमोसोर किते हारुवायो रो धांगर होइना थोम बनचायो उजे फसह या परब गामोकि उ परबते मानेनाथोम बेस भेड़ीते बलि कारायना आओखो:। होजे गाजना आवखो होजे एनेम रोजोड वाला खमीर बुन्ग योजना आवखो।