3. बाइढ़

ढेर नेडा लो:ढो, धारती ते ढेर जुघय कि आवता कि। होकि मुरुक दुष्ट ओडो बाईमान आओखो कि। होकि मुरुक बाइमान आवखो:कि नो पोनोमोसोर महाँ बाईढ़ बुन्ग ऊ धरती ते डुबाय गोडना थोम सोचायडोगोठो।

मुदा पोनोमोसोर नूह बुन्ग लेरेना ला:खो। होकड़ दुष्ट जुघय किया मो:झिते आवना वाला धरमी जुघय आवखो:। पोनोमोसोर नूह ते गामो: नो इञ मोन्ज महाँ बाइढ़ते ओलना वाला आईञडिन्ग। होवाथोन्ग, आडि नूह ते महाँडु डोन्गा बायनाथोम गामो:।

पोनोमोसोर नूहते लगभग 140 मीटर लाम्बा, 23 मीटर चाकार ओडो 13.5 मीटर तोभलुन्ग बायनाथोन्ग गामो:। नूहते डोन्गा दारुया बायना आओखो: ओडो होते उफे खोहड़ा, जघायबो कोठरी, मोन्ज तेलोन्ग ओडो मोन्ज खिड़की बायना आवखो:। हो डोन्गा नूह या परिवार ओडो उसलोया बनेकिते हो बाईढ़ बोन्ग बनचायो।

नूह पोनोमोसोर या कायोम ते मानेयो। आडि रो आडि या कुन्ड़ुकि होघायगा डोन्गा बायोकि जेलेखे पोनोमोसोर गामसिखो:। उवाथोन्ग हो डोन्गा महाँजबार आवखो: होवाथोन्ग बोनेनागढ़ ढेर मेमोन ला:खो। नूह जुघयकिते डेनावाला बाईढ़ या बारे चेतायो ओडो होकिते पोनोमोसोर तिञ इन्गनाथोम गामो, मुदा होकि होकड़ा तोबलुन्ग ते विश्वास उम कारायो।

पोनोमोसोर नूह ओडो आडिया परिवार ते आडकियाथोम रो डन्गेईर किया थोम जुघायगा ञो:ना सामान ते ठुरायना हुकुम तेरो। जे भेरे सोउब चीज पूरा होईगोडकि ला: पोनोमोसोर नूह ते गामो ऊ समय आमा आडिया कोनसेलडु: रो उफे कुडु:कि ओडो होकिया कोनसेलडु: कि –सोउब मिलाय कोन थोमसिन्ग जन डोन्गा ते चोना।

पोनोमोसोर सोउब डन्गाईर ओडो कोन्थेड: किया बें:जार ओडो किं:तुर किते नूह या सोरि डोन्गा ते चोना पालेकि रो बाईढ़या ते बेस आवना पालेकि। पोनोमोसोर उघायगा थोम बें:जार ओडो थोम किं:तुर किते डान्गो नो बलि उबडेबना कामुते डेना। झाडिन्गा सोउब डोन्गा ते डामगोडकि सेभेरे पोनोमोसोर डोन्गा या दुरा ते सनगोडो।

ला: डा:आ डेना सुरु होइकि रो डा:आ होइगा चोलकि। एनेम मेलाय ईफोन एकड़ी नेडा ओडो इडिब डा:आ डेलकानकि। धरती या सोउब जिनिस रो महाँ महाँ बिरुकि डा:आते डुबेगोडकि मोय।

कोसोर उसलो:ते आवना वालाते सोउब गोजगोडकि मोय, हो जुघयकि रो पोसकिते मेलाय कोन जे डोन्गाते आओखो: मोय। हो डोन्गा डा:आते पाँवरेकानकि रो डोन्गाते आवना वाला किते बेस बो:उनो:।

डा:आ उम डेना लो:ढो मोलोय महिना डोन्गा डा:आते पाँवरे कानकि रो हो नेडाते डा:आ कामति होईगा‍ चोलकि ला: मोञ नेडा हो डोन्गा बिरुआ तोबलुन्गते ठाहरे गोडकि। ला:जो धरती डा:आ बुन्ग डालडोम आवखो:। उफे महिना या लो:ढो बिरुया उँगुलकि योना ला:कि मोय।

ओडो इंफोन एकड़ी नेडाया लो:ढो नूह मोञ कौआते उ योनाथोम डान्गो नो डा:आ कोसोर गोडकि। हो कौआ कोसोर उसलो लामना: थोम हानति:ज उति:ज लेन्कि तेउ जो उघाय ठाँड़ो उमकुयो।

लो:ढो नूह मोञ पेरेवाँते बाहरे डानगो: होकड़तेजो कोसोर उसलो उम कुईकि होवाथोम नूहया बो:ते एन्गकोन डेलकि। मोञ एतवारा: लो:ढो हो पेरेवाँते ओडोगा डान्गो: ओडो होकड़ ठोरते मोञ जेतूनया बालक डाइर ओलकोन डेलकि। डा:आ आजोड ना ला:कि रो बुदाकि पोढना ला:कि मोय।

नूह मोञ एतवार बो:सुकोन उफे बेर हो पेरेवाँते बाहरे डान्गो ऊ बेरा होकड़ते आवनाथोम ठाँड़ो कुई गोडकि रो एन्गकोन उम डेलकि डा:आ कोसोरना ला:खो।

उबर महीना लो:ढो पोनोमोसोर नूहते गामो:, “अब आम ओडो आमा: परिवार ओडो सोउब पोसकि डोन्गातय मु:के आयपे। जुघाय कुड़ुकि नति नतिन कि जानमायपे रो धरतीते भो:रे गोड़ेपे।” ला: नूह आडिया परिवार डोन्गातय बाहरे डेलकि मोय।

नूह या डोन्गातय बाहरे डेना लो:ढो मोञ बेदी बायो रो बलिथोम डेनावाला पोस मेसे थोरेक ते बलि ओडेफप। पोनोमोसोर हो बलि बुन्ग लेरे: कि मोय रो नूहया परिवार ते आशीष तेरो मोय।

पोनोमोसोर गामो:, “इन्ज प्रतिज्ञा काराय तेज डिन्ग नो मानवा किया आनेस कामुया चालते इन्ज ओडो उसलोते स्राप उमिन्ज तेरे: रो बाईढ़ बुन्ग जो नष्ट उमिन्ग काराय, मुदा मानवा कुड़ुतयगा पापी हेके।”

ओडो पोनोमोसोर आडिया कारार या चिन्हा पोहिला मेघधनुषते बायो:। जहाँ भेरे जो तोबलुन्ग ते मेघधनुष योना ला” पोनोमोसोर याइद काराय नो इन्ज ई कारार कारायेसि:खोज होघायगा आडिया जुघयकि जो याइद काराय मोय।