4. अब्राहम या सोरि पोनोमोसोर या कारार

बाइढ़या जुघाय मेमोन या लो:ढो धरती ते जुघाय लेबुकि आवना ला:खोकि ओडो होकि पोनोमोसोर या ओडो सोउब गा पाप कारायोकि उवाथोम नो होकि मोन्जग कायोम कयोम ना ला:खोकि हिनाथोंग होकि मोन्ज बो:ते ठुरेकि मोय ओडो धरतीते भोरेनाया पोनोमोसोर या हुकुमया ओवजीते मोन्ज नगर बायोकि।

होकि मुरुक घमण्डी आवकिमोय होडो होकिते इघय जीवन बितायना चाहि पोनोमोसोरया हुकुमते उमाय लामो:। ऊ लेखे उघाय जबार मीनार बायना सुरुयोकि नो होकड़ कि:थुन्गतय डामना। पोनोमोसोर योयोनो होकि मोन्ज सोरि होइकोन आनेस कामु कारायकानेकिला जुघाय पाप जो कारायकि।

होवाथोम पोनोमोसोर होकिया कायोमते जुघाय कायोम बुन्ज बादलयगोठो ओडो होकिते धरती ते भोहरे गोठो। आता कामुते होकि जुमेकोन बायोकि होकड़ बावेल गमडोमकि। होकड़ा अर्थ “गड़बड़”।

ढेर मेमोन लो:ढो, पोनोमोसोर अब्राम ञिमिया मोन्ज लेबुबुन्ज कायोमकि। पोनोमोसोर होकड़ते गामो आमा: राइज ओडो आमा: परिवार ते मेलायकि हो राइजते धाँय जे इन्ज आमते बाताइन्ग। इन्ज आमते आशीष तेरेन्ज रो मोन्ज महाँ जाति बाइन्ज। इन्ज आमा ञिमि महा कारायन्ग। बेहार आमते आशीषतेरे होकड़ते इन्ज आशीष तेरिन्ज। बेहार आमते स्राप तेरे होकड़ते स्राप तेरिन्ज आमा: मध्यमबन्ग सोउब कुल आशीष कुयेकि।”

ला:आ अब्राम पोनोमोसोर या कायोमते मानेयो आडि आडिया धांगर ओडो आडिया बोहते जेगा आओखो आडिया बुढ़िया ढोडकोन कनान राइज चोलगोडकि आजे नो पोनोमोसोर योबयो सि:खो।

जे बेरा आबरहम कानन राइज डामकी पोनोमोसोर आडिते गामो: आमा: सोब तिईज योये ईज आमते हो सोउब राइज तेरेईज। ओडो आमा: खनदन सोउबघरी या थोंङ। होते आधिकार उनेकी। अबरहम हो राइज ते आवगोडकि की।

मलिकिसिदक ञिमी या मोंज महाकलो पोनोमोसोर या आवखो मोंज नेडा ते अब्राम लोडोइय तय डेना ल:खो ला होकड रो आबरहम भेटोठो किकियार मलिकिसिदक अब्राम ते आशिस तेरो रो: गामो: सोउब तय महा पोनोमोसोर जे धारती ओडो किईथुङ या मालिख हके होकड आमते आशिस तेरे हो भेरे अब्राम लाडोई तय जीते सि:खो होकडा दशमंश मलिकिसिदक ते तेरोअ।

जुघय मेमोन बितेना या जोउ साराया कुडु: उमय आवओखो: पोनोमोसोर आबरहम बुङ कयोम की रो करार करायो नो होकड़ तय मोन्ज बेटा होइना रो तोबलुन्ग तरेनग लेखे जुघाय खन्दानकि होइना। अब्राम पोनोमोसोर या कायोम ते काडिछो। पोनोमोसोर कारार काराययो नो अब्राम धरमी लेबु आओखो उवाथोम नो होइड़ पोनोमोसोरया कायोमते काडिछो।

पोनोमोसोर अब्राम बुन्ज कारार कारायो। कारार दुइझाना: मो:झिते कामुते कारायना होइता ऊ कारार पोनोमोसोर अब्राम लेमेडना ला:खो। हो भेरे जो पोनोमोसोर या कायोमते ओन्डोरना ला:खो:। इन्ज आमा: येरितय आमा: निज बेटा तेरिन्ज। इन्ज आमा: खन्दान ते कनान राइज तेरतेजडिंग। ला:आ जओ अब्राम या कुड़ु: उमाय आवखो।