5. प्रतिज्ञाया बेटा

अब्राम ओडो सारैया कनान डामना घोल मेमोन या लो:ढो जो उ होकिया कुड़ु उमाय आवखो:। होवाथोम अब्राम कोनसिलडोम होकड़ते गामो: इन्जते पोनोमोसोर कुड़ु जनमाय न थोम पाड़ोम उम तेरसि इन्ज कुड़ु जनमाय न थोम बढ़िया गोडसिडिन्ग थोम इन्जा धांगरिन हाजिरा उते आइज होकड़ गुमजो बिहाडोड़े रो इन्जाथोम कुड़ु जनमाय।

ला:आ अब्राम हाजिरा ते बिहायो। रो हाजिरातय मोन्ज बेटा होइकि रो होकड़ा ञिमि इश्माएल उनो:। सारै हाजिरा ते खिसायना ला:खो:। इश्माएल घोल उफे मेमोन या आओखो भेरे आडोगा पोनोमोसोर अब्राम बन्ग कायोमकि।

पोनोमोसोर गामो “इन्ज सोउब तय पडोम पोनोमोसोर हेकिन्ज इन्ज आमा सोरि मोन्ज कारार कारायइन“ हो भेरे अब्राम उसलोते गुरकोन दण्डवत कारायो पोनोमोसोर अब्रामते गामो “आम जुघाय खन्दानया आबा होइनाम। इन्ज आमते रो होकिया खन्दानकिते निइजया ठाँढ़ो होइना थोम कनान राइज तेरिन्ज रो सोउब नेडाया पोनोमोसोर होइनान्ज आमते झड़िओगा लेबुकिया खतना कारायना होइना।”

“आमा कोनसिलडुनोम मोन्ज बेटा कुड़ुये– होकड़ प्रतिज्ञाया कुड़ु होइना। होकड़ा इसहाक ञिमि उनेम इन्ज होकड़ा सोरि मोन्ज। इन्ज इश्माएल तेजो महाँ जाइत बाइन्ज ला: इन्जा कारार इसहाक या सोरि आवना पोनोमोसोर अब्राम ञिमि बदलाय कोन अब्राहम उनो: होकड़ा आराथ “जुघायकिया आबा।” पोनोमोसोर सारै या ञिमि बदलाय कोन सारा काराय गोठो होकड़ा अर्थ “सुरुया आयो”।

हो नेडा ते अब्राहम आडिया हो:गा सोउब लेबुकिया खतना कारायो। थोड़ेमोड़े मोन्ज मेमोन या लो:ढो अब्राहम 100 मेमोन या भेरे सारा 90 मेमोन या आओकि हो भेरे सारा अब्राहम बेटा जन्मायो, पोनोमोसोर गामसि:खो थोम होकड़ा ञिमि इसहाक होइकि।

जे भेरा इसहाक जवान होइकि हो भेरे पोनोमोसोर अब्राहम या परिछा कारायो, “आमा: मोन्ज बेटनोमते डोड़े रो होकड़ते इन्जा थोम बलि काराय।” अब्राहम पोनोमोसोर या कायोमते मानेयो रो बेटडोम ते बलिया थोम समपाड़ायो।

ला:आ अब्राहम ओडो इसहाक बलि उडेबना ठाँड़ो ते चोनाला:खो कियार भेरे इसहाक जुन्गो आनगा बो:ते सोनगोल को आइज मुदा बलिया थोम भेड़ि उम्बोडिज अब्राहम गामो: बलिया थोम पोनोमोसोर गा ओबयोये।”

होकियार बलि उडेबना ठाँढ़ो डामकिकियार ला: अब्राहम इसहाकते तोल कोन बेदिते गिबता गोठो आडिया बेडडोमते तारना भेरे पोनोमोसोर गामो आले: बेटाया नुकसन आबु काराये इन्ज कोन्ग गोठोज गो इन्जाते आम पेरेम कारायतेम उवाथोम नो आमा: मोन्ज बेटा ते जो उम उनोब।”

पासेतेग अब्राहम मोन्ज भेड़ीते योयो नो झुंड़ते बझेसि गोडसिखो:। इसहाकया बदलाते पोनोमोसोर भेड़ी तेरो। अब्राहम लेरेबो भेड़ीते बलि उडेफो।

ला:आ पोनोमोसोर अब्राहमते गामो, “इन्जते आम सोउब जिनीस तेरना थोम इच्छा कारायोब आमा बेटनोम तेजो होवाथोम इन्ज आमते आशीष तरेना प्रतिज्ञा कारायतेजडिंग, उमा: खन्दान तोबलुगया तरेगान कियातय जो जुघाय होइना आम इन्जा कारायते माने सिडेम होवाथोम धरती या सोउब कुलकि आशीष कुययेकि।”