40. यीशु या क्रुसते ओडेब डोमना

यीशुया ठाठा कारायना लो:ढो पालटनकि होकड़ते क्रुसते ओडेबनाथोम डोठोकि। होकि हो क्रुसते होकड़ातेगा बेबरुठोकि आते नो आडि गोजकि।

हो पालटन कि यीशु ते हो ठाँड़ोते ओलकोन डेलकि मोय जे “बोकोब जन्ग” गामडोमता रो होकड़ा ती: रो काटाते क्रुस हिनते ठोकाय गोठोकि। ला: यीशु गामो:, “हे आबा, उकिते क्षमा काराय उवाथोम नो उकि उमाय कोन्गते नो ई कारायतेज मोय।” होकि मोन्ज ताख्ति जो आडिया बोकोम तोबलुन्गते टान्गाय गोठोकि होते लिखा आवखो: , “यहूदी किया कोलेन।” पिलातुस होकिते उगा लिखाना गामो:।

ला: पालटन कि यीशुया लुतुई या चिट्ठी डलययोकि। जे भेरा होकि उघाय कारायोकि ला: हो भविष्यद्वाणीते पूरा कारायोकि जे गामते “होकि इन्जालुतुइते आपस तेगा ताछो:कि, ओडो इन्जा लुतुईया थोम चिट्ठी डालायोकि।”

होते उबार डाकू जो आवखो:कि होकिते पालटनकि होभेरेगा क्रुसते ओडेबयो:कि। होकिते यीशुया उबार तिजगा उनखो:कि। हो मेसे मोन्ज डाकू यीशु या लाडा कायोमकि मुदा होडिमकाड गामो:, “ई आम उम बोतोंग ताम नो पोनोमोसोर आमते दण्ड तेरे? आनन्ग जुघायगा आनेस कामु काराय को दोषी आइज नन्ग। मुदा उलेबु निर्दोष आइज।” ओडो होकड़ यीशुते गामो: जे भेरे आम आमा: राइजते डेनाम ला: कृपा काराय कोन इन्जते याइद कारायेम।” यीशु गामो: “मुसागा आम इन्जा सोरि स्वर्गलोक ते होइनाम।”

यहूदी आगुवाकि रो भीड़या होडोम लेबुकि यीशुया लाडाकायोम कि मोय होकि होकड़ते गामो:कि “यदि आम पोनोमौसोर या बेटा डोम हेकेम ला: क्रुसतय तुता आरे:कोन आय रो आपनेतेगा बनचाय ला: एले: आमा: ते विश्वास कारायले।”

ला: हो राइजया सोउब धरती मोघेर गोडकि, जबकि नो तुनबो: आवखो: उकाड़ उलटी बेरा मोघेरकि रो उफे नेडा जो उघायगा आओखो:।

हो भेरे यीशु गुल काराय कोन गामो: “पुरा होईकि! हे आबा इन्ज इन्जा जातोम ते आमा: ति:ते सोमपे ति:डिन्ज।” रो आडिया बोकोब ते नेवराय कोन आडिया प्राणते मेलाय गोठो। जे भेरे गोजकि भूइडोल डेलकि हो महाँ परदा जेनो लेबुकिते पोनोमोसोरया उपस्थितितय छिनगायना ला:खो तोबलुन्गतय तुता पिज गोठकि रो दुई भाग होई गोडकि।

आडिया गोजना खतिर यीशु या लेबुकियाथोम पोनोमोसोर या बो:ते चोना:थोम गो:झुन्ग खोलाय गोठो। यीशु या योनाकोगना कारायना वाला मोन्ज पालटन जेगा होईसिखो: यो:कोन गामो:, “निश्चित रुप से उ लेबु निर्दोष आवखो: उकाड़ पोनोमोसोर या बेटा डोम आवखो।

ला: यूसूफ ओडो नीकुदेमुस ञिमिया बोरिया यहूदी आगुवा डेलकि मोय। होकियार विश्वास कारायना ला:खो कियार नो यीशुगा मसीह आवखो। होकियार पिलातुसया तय यीशुया येरिते बोरो:कियार। होकियार होकड़ा येरिते लुतुईबुन्ग लोपटायोकियार रो होकियार होकड़ते मोन्ज चाँटड़ेते डेजकोन बायबाय आवखो कबुरते डोडकोन भी:तारते उनगोठोकियार। रो हो कबुरया दुराते सन्गोडना थोम महाँडु: सोरेन डालगोठोकियार।