42. यीशु किंतुग ते इंग गोटता।

जे नेडा ते पोनोमोसोर यीशु ते गोंज गोंज तय बोबरोलसिखो, होकड़ा बोरिय चेल पासेया मांञ खोढ़ी ते चोना लाखो कियार। होकियार यीशु या सोरि जे होईसखो होजे कायोमग गोझुग ते चोना लाखो कियार।,होकिते आशरा आवखो नो होकड़ मसीह आवखो ला जो होकड़ तरडोमगोडकि।ल हो कोनसेलडुकि गामतेकि नो होकड़ बोरोल गोड़कि। हाकि उमय कोंगना लाखो नो आत कायोम ते कंःड़ना होइना।

यीशु होकिया बोते डेलकोन हाकिया सोरी चोना शुरुयों लाः जो होकि होकड़ते उमय कोंगना पालो। आडि जुंगो होकि आत बारे कायोंम ताजकि। होकि कुंडबति जे यीशु याबारे होईकि सोभ घटना ते बातयोकि होकि सोचयोकिनो हाकि जहाँय परदेशि बुंग कयोमतय मय जे उम कोंगतेए नो यरुशलेम ते इ होईसि।

ला यीशु होकिते समझायों ना पोनोमसोर या वचन मसीह या बारे ईगमते। जुघय सेंग, भविष्यवक्ता कि गामसिखो किनो अनेष लेबुकि मसीह ते कोसू दुखो तेरे मय रो तारगोडेमोय। ला भविष्यवक्ता कि उ जो गामसिखो मोय नो उफे नेडा ते जियोम बेरोडना।

जे भेरे हो बोरिया हो नगर ते डामकि मय आते होकि आवना लामन लाखो मय,तब तक ञोलोंग होई गोड़सिखो। होकि यीशु ते आडिकिया सोरी आवनाथोंग नेवता तेरोकि रो होकड़ हाकिया सोरी मोञ ओः ते चोलकि। अडिकिया ईडिब या भोजन नोंञना थोंग डोको गोडकि मोय। यीशु मों´ग कोलोंग ते डोडकोन होकड़ थोंग पोनोमोसार धन्यवाद करयो रो होजे खड़ायों। अचकाग, कोंगगोठो किनो होकड़ यीशु आवखो। रो हो भेरेगा,होकिया मोड तय डिसागोडकि।

हो बोरिया मे से मुडुकड़ होडोम ते गामो,’’ वो यीशु आवखो। हनाथोंग जे भेरे आडि पोनोमोसोर या वचनते समझायो ल आनिंग जुघय लेरेकिनिंग।हाकि तुरथेगा,मुकोन यरुशलेम ते चोलकिमोय। हाकि डामकोन चेलाकिते बतायोकि,’’यीशु बोरोल आई। ऐले होकड़ते योसिले।’’

जे भेरे चेला की कायोमनालाखो मोय,’’ यीशु अचाकागा हो कोठरी ते होकिया बो ते उबयोंडकि रो गामो,’’आपे ते शान्ति कुईगुड़ु!’’ चेला कि सोचायो कि नो होकड़ जहाँय डुबोःय हेके ल यीशु गामो,’’ आमपे ई न बोतोंगतपे ? आमपे ई ना उ उमपे सोचाते नो उकड़गा सोतो ईंगा यीशु हेकिंग। ईञा ती ओडो काटा ते योऐपे। डुबोकिय बोते उघ ञेरी उम होईता जे लेख ईञा बोते आई।’’उ उबयोना थोंग नो ईञग डुबो न लगीन,आडि नोञयोन थोंग जहाँ बोरो। होकि होकड़ ते काडा़ेग या मो´ग खंड़ा तेरोकि ओडो होजे होकड़ ञो गोठो।

यीशु गामो,’’ ईया बारे बुंग पोनोमोसोर या वचन जहाँ गामते हो सोब घटेना। ईंग आमपे ते बताएगोडसिखोय नो उ सोब होईन ला यीशु होकिते पोनोमोसोर या वचन बेस बोंग समझायों। आडि गामो जुघय सेंग भविष्यवाक्तकि लिखासी मोय नो ईंग मसीह ते कोसु बेपरोडना होईन रो,गोंजना होईना ओडि उफे नेडा ते गोंजगोंज तै जियोम बेरोडन होईना।’’

"हो भविष्यवक्ताकि उजो लखासि मय नो ईंय चेला कि पोनोमोसोर या वचन ते घोषणा करायकि। होकि सोब ते पश्चाताप कारायना थोंग बताएकि। यदि हाकि उघय करायते मोय ला पोनोमोसोर हाकिते क्षमाए।ईंय चेला कि उ संदेश ते यरुशलेम तय शंरु कराय मय। रो होकि सोब ठाडो सोब जातिते चोना मोंय।आमपे सोब कामु या रो जे ईंग गामसिडिंग होकड़ गवाह हेके पे ओडो हो सोब जे ईंय सोरी होयकि।’’

मुगाम एकड़ी नेडा या भेरे यीशु आडिया चेला किते जुघय बेर उबयोडोमकि। मुसनि को 500 तै जुघय लेबुकिते उबयोडोमकि। आडि आडिया चेलकिते होडोम होडोम तरीका बोंग साबित करयोनो आडि बोरंोल आईं,ओडो आडि पोनोमोसोर या राईंज या बारे शिक्षा तेरों।

यीशु आडिया चेल किते गामो,’’ पोनोमोसोर ईंगा ते किंथुग ओडो उसलोय सोब लेबुकिते शासन करायना थोंग अधिकार तेरसी। होवाथोंग ईंग आमपेते गामतिंग चोलकोन सोब जातिया लेबु किते चेल बाऐपे उघय करायकोन आमपे होकिते पिता अब्बा,बेटा ओडो लोरेंग जातोम या ´ीमि बुंग बपतिस्मा तेरे पे।जहाँग ईंग आमपे ते हुकुम तेरसीडिंग हो सोब ते मानेना थोंगा होकिते सिखायना आईं।याइद करायपे,ईंग सोब भेरे आमपा सोरी आवनाईंग।’’

यीशु या गोंजगोंजतय जियोम बेरोडन उबर एकडी नेडा लोहड़ो, आडि आडिया चेलकित गामो,’’जे भेरे जो ईंया अब्बा आमपे सामर्थ उम तेरेते होजो आमपे यरुशलेम ते गा ठहरेकोन आवनापे। होकड आमपेते लोरेंग जातोम डांगकोन उघय कारय।रो यीशु किथुग चोल गोडकि,ओडो मोञग तीरिब डेलकि रो छेकायों ओडो होकि होकड़ ते ञोना उमयपालो।किथुंग ते यीशुु सोब जिनिष किते शासन करयानथोंग पोनोमोसोर या ञोञोती ती डोकागोटकि।