43. कलीसिया या शुरु

यीशु या किथुंग ईग गोडना लोढो,चेलकि यरुशलेम तेगा आवगोटकिमय ज ेलेखे नो यीशु होकिते होकुम तेरसिखो।होवा विश्वासी लेबुकि मोञग सोरी सेनेलना थोंग जुमेना लाखोकि।

सोब मेमोन,पसका परबा या उबर एकडी घोल नेडा या लोढा,यहूदी लेबुकि पिन्तेकुस्त ञीमी या मोञग जुघय बेस नेडा ते मानेन लाखोकि। पिन्तेकुस्त हो नेडा आवखो जे नो यहूदी कि गोहोम डेञन ते मनायना लाखो कि सोब उसलो या लेबुकि पिन्तेकुस्त या नेडा ते मोञग सोरी मानैन थोंग यरुशलेम ते डेना लाखोकि। उ मेमोन पिन्तेकुस्त मानैन नेडा यीशु या किथुंग चोना थोडेमोडे मोंग सप्ताह लोढो डेलकि।

जे भेरे विश्वासी लेबूकि मोेंग सोरी आवखोकि, ला होकि आता ओः ते आवखोकि अचकागा जुघ कायो या आवाज बुंग भेरे गोटकी। हो भेरे तमसोंग या तरदी या लेखे सोब विश्वासी या बोेकोब ते उबयोडोकि। होकि लोरेंग जातोम बुंग भोरे कन होडोम होडोम कायोम कायोमबुंग पोनोमोसोर या स्तुति करायोकि। उ हो कायोम आवखो नो लोरेंग जातोम गा सक्षम करायासिखों।

जे बेरे यरुशलेम ते आवनावाला लेबु कि जिबरेन ते ओडोरोकि, ला होकि दोड़ो गा उ ञोना थोंग डेलकि मय नो ई होईतै। होकि विश्वासी किते पोनोमोसोर या महामहा कामुया बखैन करयाना ते ओडोरकि। होकि चाकित आवखोकि उवाथोंग ना हो कामु किते अडकिया कायोम बुंगा ओन्डोरोन लाखोकि।

उ मेसे थेरेक लेबूकि गामो कि नो हो चेला कि बुलसिखोकि। लेकिन पतरस तोमोन कि रो होकिते गामो,’’ ईञा कायोम ते ओनडोरेपे उकि उमय बुलसिकि। उकड़ा औजिते,आमपे योतेपे नो होकड होगा हेके जे योएल भविष्यवक्ता गामासिखो कि नो होईनः पोनोमोसोर गामासि,’’ अंत या नेडा ते,ईंग ईंया लोरेंग जातोम ते छिरियाईंग।’’

"हे इस्राएली लेबुकि, यीशु मोंईंग उघाय लेबु अवखो जे ओबयोना थोंग नो आडि बेहर आवखो जुघयगा अनोखे कामु करयासी। आडि पोनोमोसोर या पाडोम बुंग आडि जुघगा अद्भुत कामु कारायों। आमपे उजे कोंगतेपे उवाथोंग नो आमपे उ कामुते योंसिपे ला जो आमपे होकड़ते क्रश ते उडेप गोठोपे।’’

यीशु गोंज गोठकि लेकिन पोनोमोसोर होकड़ ते गोंजगोंज तै बोबरोलो। उकड़ हो कामुते पुरा करय गोठो आजे नो मोईग भविष्यवक्ता लिखासिखोः ’अम आमा लोरेंग लेबुते लोरोंन उम तेरे।’ येले गवाह आईले नो पोनोमोसोर यीशु ते ओडो बोबरोल गोठो।’’

"पोनोमोसोर अब्बा तमा यीशु ते आडिया ञोञो रोक्षोप डोपकोकोन होकड़ ते आदर तेरसि।ओडो यीशु आनियाथांेंग लोरेंग जातोम डांगो जे नो आडि करार करयसिखो नो ईंगा डांग गोडिंग। लोरेंग जातोम हो कामुकित होईन तेरेतै आजे नो आमपे योतै पे रो ओडोतेपेे।’’

"आमपे हो लेबु, यीशु ते क्रश ते उडेपोपे। ला निश्चित रुप बुंग कोंग डोडेपे ना पोनोमोसोर यीशु ते सोब जिनिष तोभलुग ते प्रभु ओडो मसीह उबारगा ठहरायगोठो।

पतरस या ओन्डोरना वाला लेबुकि होकडा कायोम बुंग भीतर तय हिले गोठकिमय। हवाथोंग होकि पतरस ओडो चेल कि ते जुंगोकि,’’ हे भाई कि, येले ते ई कारयाना चाहि ?’’

प्तरस होकिते गामो,’’ आमपे सोब मे से आमपसा पाप तय पश्चाताप कराएपे ला पोनोमोसोर आमपा पाप ते क्षमा कराये,रो यीशु या ञीमि बुंग बपतिस्मा डोडेपे। ला आमपे ते वरदान स्वरुप लोरेंग जातोम जो तेरे।’’

पतरस जे गामो होकड़ा तोभलुंग ते लगभग 3000 लेबु कि विश्वास कारयोकि रो यीशु या चेल बोने गोठकि मय।होकि बपतिस्मा डोठोकि रो यरुशलेम कलीसिया ते सम्मिलित होयगोठकि मय।

ल प्रेरित कि होकि ते शिक्षा तेरो कि ला विश्वासी की लगातार ओडोरोकि।होकि सोभ भेरे जूमेना लाखोकि रो मोईग सोरी भोजन करयना लाखोकि रो सोबगा सेनेल ना लाखोकि। होकि जूमेकोन पोनोमोसोर या स्तूति करयकोन जेगा होकियाबोते आवखो होजे साझाकरयना लाखोकि। नगर या सोब लेबुकि होकिया थोंग बेस विचार उनालाखो मय। रोजगा, जुघजुघ लेबुकि विश्वासी बोनेगा चोलकि मय।