25. २५. शैतान यीशुक परीक्षा करैय

यीशु के बपतिस्मा भेलाके तुरन्त बाद, पवित्र आत्मा हुनका जंगल मे लगेलखिन्ह। यीशु ओतऽ चालीस दिन आ चालीस राति रहलखिन्ह। ओहि समय ओ उपवास कएलखिन्ह, आ शैतान यीशु लग आबि कए पाप कराएबाक लेल हुनक परीक्षा कएलनि।

पहिने, शैतान यीशु के कहलनि, “यदि अहाँ परमेश्वरक पुत्र छी तऽ एहि पाथर के रोटी बना दियौ जे अहाँ खाय सकी।”

मुदा यीशु शैतान के कहलखिन्ह, “परमेश्वर के वचन मे ई लिखल अछि, ‘जीवित रहबाकलेल मनुष्य के केवल रोटीए के आवश्यक्ता नहि होएत अछि, मुदा हुनक मुह सँ निकलक ओहि बातक आवश्यक्ता अछि जे परमेश्वर ओकरा सँ कहएत छथि।’”

तब शैतान यीशु के मन्दिर के सभ सँ ऊँचगर स्थान पर लगेल। ओ हुनका कहलनि, “यदि अहाँ परमेश्वर के पुत्र छी तऽ एहिअ सँ नीच्चा कुदि जाऊ, कियाक तऽ लिखल अछि, ‘परमेश्वर तोरा उठाबएलेल अपन स्वर्गदूतसभ के आज्ञा देथिन्ह जे तोहर पैर पाथर मे ठेस नहि लागए।’”

परन्तु यीशु ओ नहि कएलखिन्ह जे शैतान हुनका करबाकलेल कहलनि। बल्की, ओकरा कहलखिन्ह, “परमेश्वर हरेक एक सँ कहैत छथिन्ह, ‘तो प्रभु अपन परमेश्वरके परीक्षा नहि करिहए।’”

फेर शैतान हुनका संसार के सारा राज्य देखयलनि। ओ हुनका ओ देखयलनि जे ओ कतेक शक्तिशाली छलाह आ ओ कतेक सम्पन्न छलाह। ओ यीशु के कहलनि, “हम अहाँ के ई सभ दऽ देब यदि अहाँ ठेहुनियाँ दऽकए हमर उपासना करब।”

यीशु जवाफ देलखिन्ह, “ए शैतान, हमरा लग सँ चलि जोह! परमेश्वरक वचन मे ओ लोकसभ के आदेश दैत छथि जे ‘मात्र अपन प्रभु परमेश्वरेटाके आराधना करह।’”

यीशु शैतानक परीक्षा सऽ हारि नहि मानलखिन्ह, एहिलेल शैतान हुनका लग सँ चलि गेल। तब स्वर्गदूत आबिकए यीशु के सेवाटहल करए लागल।