11. ११. निस्तार चाड
परमेसोरै फारोकी इडीक अझै र आसकै इस्राएलीकोलाक मिश्रदेसलकीङ नुङ्की माह्याछ खण्डाङ भर्मी र पसुओ जेठा लेन्जा मीजाकी साट्न याछ चेटावनी याहा। जब फारोये इसे सेया, अझै र परमेसोरकी बिस्वास जाट्की र होसकुङ आग्या मन्डीकी आसकै इन्कार जाटा।
परमेसोरै होसको लेठाङ बीस्वास जाट्चकुङ लागी लहो जेठा मीजाकी जीवाक्की ह्योक्च काट लाम याहा। हरेक परिवारै काट खोट मालेच थुमाकी भाकार होसकी साट्की पर्च लेया।
परमेसोरै इस्राएलीकोलाक होसे थुमौ हीउ होखुरीकुङ इमौ मुल गालामाङ काकी, अनी होच्यो स्या जोवार खमिर माकाच रोटी खाटा ज्याकी पा। अनी फेरी होसे ज्यामभ्याच पछि होखुरीककी मिश्रदेश डास्की तयार छान्की र होसकै डेया।
इस्राएलीकै परमेसोरै डेच लेखा न जाटा। मध्यराटाङ परमेसोर मिश्र छान्चै नुङा र पहिले जन्मडीस्च लेन्जा मीजा पट्टकी साटा।
पट्ट इस्राएलीकुङ इमौ गालामाङ हीउ लाम्हन्या, होटबाटै परमेसोरै होसे इमकोलाक डासार नुङा। होसे भीट्री लेच पट्ट न सुरक्षित लेया। थुमौ हीऔ कारण होखुरीक जीवा।
टर मिश्रीकै परमेसोरमीटाक बीस्वास माजाटा होसकुङ आग्या न मन्डीया। होटबाटै परमेसोरै होखुरीकुङ इम माडासा। परमेसोरै मिश्रीकुङ पहिला जन्मडीस्च लेन्जा मीजाको पट्टकी साटा।
सारा मिश्रिकुङ जेठा मीजाको सीया, कैदिकुङ जेठा मीजालकीङ फारोओ जेठा मीजासम्म पट्ट न सीया। मिश्रदेसाङ वास्टै भर्मीको वेडनौ कारन रापा र च्याका।
होसे न नाबिक फारोये मोसा र हारुनकी आर्घा र डेया, “इस्राएलीकोलाक राको, अनी तुरुन्तै मिश्रदेश डासार नुङ्नी।
बाइबलको कथाः प्रस्थान ११:१-१२:३२ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।