12. १२. प्रस्ठान
इस्राएलीको मिश्रदेश डासार नुङ्की डुप्नाङ साफ्फी मार्हाङा। होखुरीक अब दास छान्की लकीङ छुटकरा डुपा र होखुरीक प्रतिग्या जाट्च देसाङ नुङ्ङ न लेया।
परमेसोरै नाम्सीन डेबुओ घाङ्च खाबालकीङ होखुरीककी डोरीया, होसे होखुरीकुङ अघी-अघी नुङ्न्या, ग्याहोट नाबीक म्हेओ खाबा छान्नन्या। परमेसोर सधै होखुरीकखाटा लेया अनी ह्वानाङ होखुरीककी लाम टान्हाक्न्या। इस्राएलीकै जाट्की पर्च काट मट्टै काम होसकोकी डुट्की लेया।
होच्यो हीर समय न्हुइङ, फारो र होच्यो भर्मीकैलहो बिचार परिवर्तन जाटा र इस्राएलीकोलाक फेरी लहो दासको खास्की मीमन जाटा। परेसोरै फारोकी हठी खासा ताकी भर्मीकै होसको न काट सट्य परमेसोर हो डेम डाङ्ख्यो र इसे वार्ख्यो की होसको अर्थात याहोवे, फारो र होसकुङ देवको डेनाङ वास्टै शक्तिशालि ले।
होटबाटै फारो र होच्यो फौजकै इस्राएलीकै फेरी लहो दास खास्कीयो लागी खेडीचै राहा। जब इस्राएलीकै मिश्री फौज राछ डाङा, होखुरीकै लाहाकी न फारोओ सेनाको र लाल समुद्रओ मीघ्याङ फसडीस्च थाहा डुपा। होखुरीक साफ्फी बिर्हीया र इट डेचै च्याका, “कानै हीजै मिश्रदेश डासा? अब कान सीले
मोशै इस्राएलीकोलाक डेया, “माबीर्हीयो
अनी परमेसोरै डेबुओ खाबाकी इस्राएली र मिश्रीकुङ मीघ्याङ डामयाहा ताकी मीश्रीकै इस्राएलीकोलाक डाङ्की माह्योख्यो।
परमेसोरै मोशाकी मेन मीहुट समुन्द्र पटिक गाराङार डीकी नीस भाग खासा। अनी परमेसोरै डोर र डेब्रेपटिक शक्तिशाली नाम्सु क्योटार समुद्रओ मीघीङ काट लाम खास्न याहा।
इस्राएलीको सुख्खा भुमीमीटाक डीयो पर्खालौ मीघीङ लाम कार ह्वा।
अनी परमेसोरै होसे डेबुकी लामलकीङ हटडीया हीजैडेनाङ मिश्रीकै इस्राएलीको भोग्डीस्चै जाट्च डाङ्ख्यो। मीश्रीकै होखुरीक न्हुङ न्हुङ ह्वाच नीर्नय जाटा।
होटबाटै होखुरीक समुद्रओ लाम छानार इस्राएलीकुङ न्हुङ न्हुङ लक्डीसा, तर परमेसोरै मिश्रीकोलाक अटालीमयाहा र होखुरीकुङ घोडा काल्छकोलाक अड्कडीम याहा। होखुरीकै च्याकार डेया, “भोग्डीसो
पट्ट इस्राएलीको सकुसल समुनद्रओ पार्च छेउवाङ टार्हखीङ, परमेसोरै फेरी मोशाकी लहो मीहुट पसारीकी डेया। जब होचे होट जाटा, फेरी समुद्र जस्ता को तस्टै छाना। पट्ट न मिश्री फौजको डाहा।
जब इस्राएलीकै पट्ट न मिश्रीको सीच डाङा, होखुरीक परमेसोराङ भर पर्या र मोशा काट अगमबक्ता लेया डेम बीस्वास जाटा।
इस्राएलीकै वास्टै उट्साहौ साथ आनन्द मन्डीया हिजैडेनाङ परमेसोरै होखुरीककी सिकी लकीङ र दासत्वलकीङ जीवाका।
इस्राएलीकोलाक परमेसोरै मिश्रीकुङ बिरुढाङ बिजय याहा र होखुरीककी दासत्वलकीङ जीवाक्च सम्झनौ लागी हरेक बर्स निस्तार चाड मन्डीकी डेया। होखुरीक होसे चाड काट निस्खोट थुमा साटार खमिर माकाच रोटीखाटा ज्यार मन्डीया।
बाइबलको कथाः प्रस्थान १२:३३-१५:२१ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।