13. १३. इस्राएलखाटा परमेसोरौ करार
इस्राएलीको ग्याच समुन्द्र पार जाट्च पछि परमेसोरै होखुरीककी उजाड ठाउलकीङ छान्चै सिनै पर्वताङ आल्हा। इसे होसे न पर्वत लेया होला चही मोशै धाम ङुच पोथ्रा डाङ्न्या। भर्मीकै लहो पालको पर्वतौ म्हाका पटीक न टङ्गडीया।
परमेसोरै मोशा र इस्राएलुङ भर्मीकोलाक डेया, “इडीक नाखुरीकै ङौ आग्या मन्डीया र ङौ करार पालना जाटा डेनाङ, नाखुरीक ङौ सम्पति, पुजाहारीकुङ काट राज्य र काट पवित्र जाति छान्ले।”
सोमयाक पछि, भर्मीकै लाहाकी आत्मिक रुपाङ तयार छान्च पछि, परमेसोर गर्जन, चट्याङ, धुवा र चर्को बिगुलौ सोर खाटा सिनै पर्वतौ टाकुराङ झाल्न राहा। होसे पर्वताङ काल्खी मोशाकी मट्टै अनुमटी लेया।
अनी परमेसोरै होखुरीककी होसे करार याहा र डेया, ङा “याहोवे हो, नाखुरीकुङ परमेसोर, जुनै नाखुरीककी मिश्रदेशलकीङ दासत्वलकीङ जीवाका। नाखुरीकै अरु कुसेर देवताकोलाक पुजा माजाट्की
“कुसेर किसिमुङ मुर्तिको माखास्की वा होखुरीककी पुजा माजाट्की, हिजैडेनाङ ङा, याहोवे, डाही परमेसोर हो। ङौ म्यार्मीन ब्यार्थाङ मालाकी। म्हुङबाट्च याक पवित्र डाकी माम्याक्की। होसे चहीँ, पट्ट न कामको छ याकाङ जाट्की, तर सातौ दिन चहीँ नाखुरीकुङ लागी म्हुङबाट्च र ङाकी आर्मीट्च डीन हो।”
“लहो मोइ बोइकी आदर जाट्की। हत्या माजाट्की। ब्याभिचार माजाट्की। माखुस्की। झुट माङाक्की। लहो छिमेकीकुङ मास्टो, होच्यो इम अथवा होसकुङ हीर कुराकुङ लोभ माजाट्की।”
अनी परमेसोरै इसे दश आग्याको नीस ल्हुङौ पाटीयाङ रीका र होसे मोशाकी याहा। परमेसोरै अरु वास्टै ब्यावस्था र कानुनको पालन जाट्की याहा। इडीक होखुरीकै इसे आग्याको भङ्ग जाटा डेनाङ होखुरीकी परमेसोरै दन्ड याल्हे।
परमेसोरै इस्राएलीकोलाक लहे चहडीस्च लेखा न पाल खास्की डेम पट्ट न नमुना र याहा। होसकी भेट जाट्च पाल डेमन्या र इला नीस वाटा कोठा लेया, इसे काट बाड्को पर्दै भाक्ङन्या। प्रधान पुजाहारी मट्टै होसे पर्दा पछाडीयो कोठाङ नुङ्की डुप्मन्या हिजैडेनाङ परमेसोर होला लेया।
सुयेर परमेसोरौ आग्या भङ्ग जाटा डेनाङ होचे काट पशु भेट छान्च पालौ अगाडी लेच बेदियाङ परमेसोरकी बलियो रुपाङ बली याम्हन्या। काट पुजाहारीये होसे पशुकी साटा र बेदियाङ डार सिकाक्न्या। बलि याछ पशुओ हीवै होसे भर्मीयो पाप हुप्च लेया र परमेसोरौ नजराङ होसे भर्मी सुड्ढ छान्नन्या। परमेसोरै मोशौ भाइहारुन र होच्यो सन्तानकोलाक लहो पुजाहारी छान्की भाका।
पट्ट भर्मीकोलाक परमेसोरै याछ आग्या केवल काट न परमेसोरकी पुजा जाट्की र होसकुङ बिशेस भर्मीको छान्की डेम मन्डिकी राजी छाना। तर होखुरीकै वाचा जाट्च हीर समय पछी न, होखुरीकै बिर्हीम सेच पाप जाटा।
वास्टै डीन सम्म, मोशा परमेसोरखाटा बात चित जाट्कीयो लागी सिनै पर्वतुङ टाकुराङ नुङा। भर्मीको होसे आसको ल्हेस्ले डेम लेन्नाङ लेन्नाङ म्हुङा। होटबाटै होखुरीकै हारुनलेठाङ सुनको राका र होखुरीकुङ लागी काट मुर्ति खास्की लैडीया
हारुनै बाछौ आकाराङ सुनौ काट मुर्ति खासा। भर्मीकै होसे मुर्तिकी पुजा जाट्की र बलि याखी थाला
मोशा म्हाका रारखीङ जब आसकै होसे मुर्तिकी डाङा अनिआसको साफ्फी मिरिस खेह्वा कि परमेसोरै आसकोकी याछ दश आग्यौ पाटिको लोहार भासाका।
अनी मोशै होसे मुर्तिकी डुङार धुलो पार्या, होसे धुलोकी डीयाम का र भर्मीकोलाक र होसे गाकी लैडीया।परमेसोरै भर्मीको लेठाङ महामारी बिर्न्हका र होखुरीक मध्याङ वास्टै जना सीया।
मोशा फेरी पर्वताङ नुङा र होसे भर्मीकोलाक परमेसोरै क्षमा जाट्न याख्यो डेम पार्थना जाटा। परमेसोरै मोशौ बिनट् सेया र होखुरीककी क्षमा याहा। लहे भासाक्च पहिलेयुङ दश आग्यौ पाटीकोलाक मोशै फेरी ल्हुङौ नयाँ पाटियाङ रीकार फेरी खासा। अनी परमेसोरै इस्राएलीकोलाक सिनै पर्वतलकीङ प्रतिग्या जाट्च देशपटिक आल्हा।
बाइबलको कथाः प्रस्थान १९-३४ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।