18. १८. विभाजित छान्च राज्य
वास्टै वर्षपछि, दाउद सीया र मेन मीजा सोलोनै इस्राएलिको मीटाक शासन जाट्की ठाला। परमेसोर सोलोमनखाटा ङाका र होसकी पट्ट डेनाङ वास्टै ही कुरौ चाहना ले डेम गीना। सोलोमनै ग्यान र बुड्ढी ङेहा अनी परमेसोर मार्हाङा र होसकी सन्सारुङ न पट्ट डेनाङ बुद्धिमान भर्मी खासा। सोलोमनै वास्टै कुराको पाहा र काट बुद्धिमान न्यायकर्ता छाना। परमेसोरै होसकी वास्टै सम्पन्न र खासा।
यरुसलेमाङ सोलोमनै होसे मन्डीर खासा र जुन होच्यो बोय दाउदै खास्च योजना जाट्नन्या र होच्यो लागी सामानको जम्मा जाट्नन्या। भर्मीकै अब परमेसोरकी पुजा जाट्च र भेट छान्च पालौ सट्टाङ मन्डीराङ बलिडानको याहा। परमेसोर होसे मन्डीराङ राम्हन्या। अनी होसको लहो भर्मीकोखाटा ङुवा।
तर सोलोमनै अरु देसुङ मास्टोकोलाक माया जाटा। होचे करिब १००० जना मास्टोको खाटा ब्याहा जाटा र परमेसोरौ अनाग्याकारी छाना। होसे मास्टोको मढ्याङ वास्टै जना अरु देसलकीङ राछ लेया अनी लाहाखाटा न लहो देविदेवताको र लार राम्हन्या होसे होखुरीकै पुजा जाट्न न ङुवा। जब सोलोमन बुढा छाना, होचे र होखुरीकुङ देवीदेवताकोलाक पुजा जाट्की ठाला।
परमेसोर सोलोमनखाटा मीरीस ख्योहा अनी होच्यो अवीस्वानीयतौ कारण दन्ड सोरुप, होसकै सोलोमन सिचपछि पश्चत इस्राएल राष्ट्रकी नीस राज्याङ बिभाजन जाट्न याछ प्रतिग्या जाटा।
सोलोमन सीच पछि मेन लेन्जा मीजा, रहोवाम, इस्राएलुङ राजा छाना। रहोवाम काट मुर्ख भर्मी लेया। इस्राएल राष्ट्रौ पट्ट न भर्मीको आसकोकी राज्यभिशेक जाट्की काठोवाङ भेला छाना। होखुरीकै रहोवामकी सोलोमन राजै कडा परिश्रम जाट्की लैडीच र वास्टै कर टेरीकी लैडीच डेम गुनासो जाटा।
रहोवामै मुर्ख छानार होखुरीककी जवाफ याहा, “ङौ बोये कडा परिश्रम जाट्की लैडीच डेयार नीये आर्मीट्नने, तर ङा नाखुरीककी होसकै डेनाङ वास्टै परिश्रम जाट्की लैडीले र होसकै डेनाङ वास्टै सजाय याल्हे।”
इस्राएल राष्ट्रौ कुलको मढ्याङ दश कुलकै रहोबामौ बिरुढाङ बिद्रोह जाटा। तर नीस कुल मट्टै आसको प्रति बिस्वासयोग्य छाना। इसे नीस कुलको नै यहुदौ राष्ट्रको छाना।
रहोबामौ बिरुढाङ जाट्च इस्राएलुङ अरु दश कुलै, यरोबाम म्यार्मीन जाट्च काट जना भर्मीकी लहो राजा छान्की नीयुक्ति जाटा। होखुरीकै लहो राज्य देसुङ उतर पटिक खासा र होसकी इस्राएलौ राज्य डेया।
यरिबामै परमेसोरौ बिरुढाङ बिद्रोह जाटा र भर्मीकोलाक पाप जाट्की लैडीया। यहुदौ राज्याङ लेच मन्डीराङ नुङार परमेसोरौ आरधना जाटाक्कीयो सट्टा आसकै भर्मीकुङ लागी आरधना जाट्की नीस वटा मुर्तिको खास्न याहा।
यहुदा र इस्राएलुङ राज्यको दुस्मन छाना र घरी घरी काटै काटौ बिरिढाङ लडाइ जाट्न ङुवा।
इस्राएलौ नयाँ राज्याङ, पट्ट न राजाको दुष्ट लेया। इसे राजाको मढ्याङ वास्टै जना अरु इस्राएलीको लकीङ सीया अनी सीचको चही होखुरीकुङ ठावाङ राजा छान्की पामन्या।
इस्राएल राज्यौ पट्ट न राजाको र वास्टै जसो भर्मीकै मुर्ति पुजा जाटा। होखुरीकुङ मुर्ति पुजाकुङ कामकोवाङ वास्टै जसो ब्याभिचार र सेन सेन च बाल बलि समेत जाटा।
यहुदुङ राजाको दाउदौ सन्तानको लेया। इसे राजाको मढ्याङ कोइ असल भर्मी लेया होचे न्याय खाटा राज्य जाटा र परमेसोरकी पुजा जाटा। तर यहुदुङ वास्टै जसो राजाको दुष्ट र भ्रष्ट लेया अनी होखुरीकै र मुर्ति पुजा जाटा। कोइ राजाकै च झुटो देवताकुङ लागी लहो न मीजाको समेत बलि याहा। यहुदुङ वास्टै जसो भर्मीकै र परमेसोरौ बिरुढाङ बिद्रोह जाटा र अरु देवताकोलाक पुजा जाटा।
बाइबलको कथा: १ राजा १-६; ११-१२ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।