19. १९. अगमबक्ताको
इस्राएलीकुङ इतिहास भरी नै, परमेसोरै होखुरीक लेठाङ अगमबक्ताको बिर्न्हका। अगमबक्ताकै परमेसोरलकीङ सन्देशको सेमन्या र होसकुङ सन्देशको भर्मीकोलाक डेमन्या।
आहाब राजै इस्राएलाङ शासन जाट्न ङुच बेलाङ एलिया काट अगमबक्ता लेया। आहाब काट दुष्ट भर्मी लेया होचे भर्मीकोलाक बाल म्यार्मीन जाट्च देवतौ मुर्तिपुजा जाट्की प्रोत्साहन जाट्नन्या। एलिये आहाबकी डेया, “ङौ बचन बिना पट्ट न इस्राएल भरी न त सित झाल्ले न त नामास न राल्हे।” इसे कुरै आहाब खुप मीरीस ख्योवा।
परमेसोरै एलियाकी आहाबलकीङ आर्च्युक्की उजाड ठावाङ काट खोल्सा लेच ठावाङ नुङ्की डेया, होसे होसकी साट्की पामन्या। गोराक नाबेलाङ न कागये आसकी रोटी र स्या राक्ङयाम्हन्या। आहाब र होच्यौ सैनिकै एलियाकी पाकी ठाला तर होखुरीकै होसकी डुप्की माह्योका। होलुङ सुख्खापन इडीक लेया की होसे खोल्सा आखीरीयाङ छोकार नुङा।
होटबाटै एलिया काट छिमेकी देसाङ नुङा। होसे देसाङ काट जना विधवा र होच्यो लेन्जा मीजा अनिकालै जाट्नाङ ज्याच कुरा च्याकी माडुप्की डाला। तर होखुरीकै एलियौ ख्याल डा, र परमेसोरै होखुरीकुङ लागी जुटडीम याहा। होखुरीकुङ आर्हीयुङ पिठा र ढुङ्ग्रुङ सिडी सेन्र माभ्या। पुरै अनिकालौ समय भरी होखुरीक खाटा ज्याज कुरा लेया। एलिया होला कालाप बर्ष ङुवा।
साढे तिन वर्ष, परमेसोरै एलियाकी इस्राएलौ राज्याङ ल्हेसार नुङ्की र आहाबखाटा कुरा जाट्की डेया हिजैडेनाङ होसकै फेरी बृस्टि बिर्न्हकाकी पा। जब आहाबै एलियाकी डाङा, होचे डेया, “नाङ न हो इसे पट्ट न समस्या राक्छ?”
एस्राएल राज्युङ भर्मीको र बालौ ४५० जना अगमबक्ताको समेत लार पट्ट जनै कर्मेल पहाडाङ राहा। एलियै भर्मीकोलाक डेया, “नाखुरीक सेन सम्म लहो मीमन बदलीम ङुले? इडीक याहोवे परमेसोर ले डेनाङ, होसकुङ सेवा जाट्नी
अनि एलिये बालौ अगमबक्ताकोलाक डेया, “काट साढे साट्नी र होसकी बलियो रुपाङ तयार जाट्नी, तर होसकी म्हेये मासिकाक्की। ङा र होटन जाट्ले। जुन परमेसोरै म्हेये जवाफ याल्हे, होसे न परमेसोर सत्य ले।” होटबाटै बालौ पुजाहारीकै बलि तयार जाटा तर म्हे चहीँ मालैडीया।
अनी बालौ अगमबक्टाकै इट डेचै प्रार्थना जाटा, “हे बाल, कानकी सेनी
डीनौ अन्टीम पटीक, एलिये परमेसोरौ लागी बली तयार जाटा। अनी होचे भर्मीकोलाक बाह्र गाग्री डी राकार बली याछ स्या मीटाक, सीङको र झा समेत जाटार बेदि वारीपारीयुङ पट्ट न भाग पुरा रुपाङ माछिम्ठर ह्वाक्की लैडीया।
अनी एलियाये प्रार्थना जाटा, “याहोवे अब्राहाम, इसहाक र याकुबौ परमेसोर, छीनी कानकोलाक नाकै न इस्राएलुङ परमेसोर ले र ङा नाकुङ दास हो डेम टान्हाक्नी। ङाकी उत्तर यान्ही हीजैडेनाङ इसे भर्मीकै इसे वार्ख्यो की नाको न काट मट्टै सट्य परमेसोर हो।”
तब तुरुन्तै, सर्घालकीङ म्हे झाला र स्या, सीङ, ल्हुङको, झा र बेदि वारीपारी लेच डी समेत सीका। जब भर्मीकै इसे डाङा, होखुरीक झाङ घोप्टो पर्यार डेया, “याहोवे परमेसोर हो
अनी एलियै डेया, “बालौ सुर अगमबक्ताकोलाक उम्कडीस्की मायान्ही
अनी एलिये राजा आहाबकी डेया, “तुरुन्तै सहराङ ल्हेसार नुङ्नी, हीजैडेनाङ नामास राम्हन ले।” काटछिनाङ सर्घा कालो छानार राहा र बाड्को नामास राखी पा। याहोवे खरेडी अन्त्य जाट्न याम्हन्या र होसको न काट मट्टै सट्य परमेसोर हो डेम प्रमाणीत जाटा।
एलियो समय पछि परमेसोरै एलिशा म्यार्मीन जाट्च भर्मीकी होसकुङ अगबक्तौ रुपाङ भाका। परमेसोरै एलिसा लकीङ वास्टै अच्चमौ कामको जाटा। होसे मढ्याङ काट अच्चमौ काम नामान लेठाङ छान्की राहा, सत्रुकुङ काट सैन्य उच्चधिकारी लेया र काट बिर्हीमसेच छालौ रोगै ग्रस्ट लेया। होचे एलिसौ बारेयाङ सेच बाटै हे लेठाङ नुङा र लाहाकी गेपाक्ङ यान्ही डेम बिन्ति जाटा। होचे एलिसौ बारेयाङ सेच बाटै आसको लेठाङ नुङा र लाहाकी गेपाक्ङ यान्ही डेम अनुरोध जाटा। एलिसै नामानकी सात खेप सम्म यर्दन नडीयाङ ठाखी डेया।
पहिले च नामान मीरीस ख्योवा र इट जाट्की राजी माछाना हीजै डेनाङ इसे च मुर्खता लेखा न लेया। तर पछि होचे लहो मीमन परिवर्तन जाटार लाहाकी सात खेप सम्म यर्दन नडीयाङ ठाहा। जब नामान अन्तिम खेप ढेनाङ ख्योहा, होच्यो छाला पुर्ण रुपाङ गेप्म भ्यामन्या।
परमेसोरै अरु वास्टै अगमबक्टाको बिर्न्हका। होखुरीक पट्टये भर्मीकोलाक मुर्तिपुजाकी डास्की र अरु मीटाक न्याय र दया टान्हाक्की बिन्टी जाटा। अगमबक्टाकै भर्मीकोलाक इडीक होखुरीकै दुस्ट काम जाट्की माडासा र परमेसोरौ अनाग्याकारी छाना डेनाङ, परमेसोरै होखुरीककी दोसी ठहरीच र होखुरीककी दण्ड याछ चेतावनी याहा।
वास्टै जसो, भर्मीकै परमेसोरौ कुरा मासेया। होखुरीकै अक्सर अगमबक्टाकुङ दुरब्यावहार जाटा र सेन सेन च होखुरीककी साटा पनि। काटखेप, यर्मिया अगमबक्टाकोलाक सुख्खा इनाराङ डा र सिकी डास्न याहा। होसे इनारौ म्यार्सानाङ लेच होलोवाङ भासडीसा, तर राजै होखुरीक मीटाक टान्हाका र लहो नोकरकोलाक यर्मिया सिकी डेनाङ अघी इनार लकीङ डोन्की लैडीया।
भर्मीकै अगमबक्टाकोलाक घृणा जाट्नाङ र होखुरीकै परमेसोरौ बारेयाङ ङाक्ङ न ङुवा। पस्चताप माजाटा डेनाङ परमेसोरै भर्मीकोलाक नाश जाट्न याल्हे डेम होखुरीककी चेतावनी याम्हन ङुवा। होखुरीकै भर्मीकोलाक परमेसोरौ मसिह राछ प्रतिग्या आर्मीटाका।
बाइबलको कथा: १ राजा १६-१८; २ राजा ५; यर्मिया ३८ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।