20. २०. निर्वासन र फीर्ता
इस्राएलौ राज्य र यहुडुङ राज्य, दुबैले परमेसोरौ बिरुढाङ पाप जाटा। होखुरीक खाटा सिनै पर्वताङ छ्याक्च करार होखुरीकै भङ्ग जाटा। परमेसोरै होखुरीककी पस्चाताप जाट्की र पुन: होसकोकी पुजडीकी डेम चेतावनी याखीयो लागी लहो अगमबक्टाको बिर्न्हका तर होखुरीक आग्याकारी छान्की इन्कार जाटा।
होटबाटै परमेसोरै पट्ट न राज्यकोलाक होखुरीकुङ सत्रुकोलकीङ नस्ट छान्की याहा। काट सक्टीसाली र क्रुर राष्ट्र अश्शुरी साम्राज्ये इस्राएलुङ राज्य ध्वास्ट पार्या। अश्शुरीकै इस्राएल राष्ट्रुङ वास्टै भर्मीकोलाक साटा, होखुरीकुङ बहुमुल्य सामानको पट्ट न आल्हा र देसुङ वास्टै ठाउको सीकाक्ङ याहा।
अश्शुरीकै पट्ट अगुवाको, धनी भर्मीको र सी लेच भर्मीकोलाक जम्मा पार्न र होखुरीककी अश्शुरौ देसाङ लार नुङा। मासाट्च अति गरीब इस्राएलीको मट्टै इस्राएलौ राज्याङ बाकी ङुवा।
अनी अश्शुरीकै इस्राएलौ राज्याङ बिदेसीकोलाक राकार डा। बिदेसीकै भट्कडीच सहरको फेरी खासा इस्राएलीको खाटा ब्याहा जाटा, कुडीक होला डास्चको लेया। बिदेसीकोलाक ब्याहा जाट्च इस्राएली सन्ततीकोलाक ‘सामरी’ डेया।
यहुडुङ भर्मीकै परमेसोर मीटाक बीस्वास माजाट्च र होसकुङ आग्याकारी माछान्च बाटै कुजाट्न होसकुङ इस्राएलीकुङ राज्यकी दन्ड याहा डेम डाङा। र पनि होखुरीकै अझै कनानी देवताकुङ मुर्तिको पुजा जाटा। परमेसोरै होखुरीककी चेतावनी याखी अगमबक्टाकोलाक बिर्न्हका, तर होखुरीकै सेकी मामन्डीया।
अश्शुरीकै इस्राएल नस्ट जाट्च १०० बर्सपछि परमेसोरै बेबिलोनुङ राजा, नबुकदनेसरकी यहुडौ राज्याङ आक्रमण जाट्की बिर्न्हका। बेबिलोन काट सक्टीसाली साम्राज्य लेया। यहुडुङ राजै नबुकदनेसरौ दास छान्की र हरेक बर्स होसकी वास्टै पैसा टेरेकी सहमत छाना।
तर हीर वर्षपछि, यहुडुङ राजै बेबिलोनौ बिरुढाङ बिद्रोह जाटा। होटबाटै, बेबिलोनीको फेरी राहा र यहुदुङ राज्यकी आक्रमण जाटा। होखुरीकै यरुशलेमुङ शहर कब्जा जाटा, मन्दिर भट्कडीम याहा, अनी शहर र मन्दिराङ लेच पट्ट न सम्पत्तिको आल्हा।
बिद्रोह जाट्च कारण यहुडुङ राजाकी दण्ड स्वरुप नबुकदनेसरकौ सिपाहीकै होच्यो मीजाकोलाक होच्यो न मीहासाङ साट्न याहा अनी होसकी अन्धा खास्न याहा। होटै होखुरीकै राजाकी झ्यालखानाङ न सीकीयो लागी बेबिलोन आल्हा।
नबुकदनेसर र होच्यो फौजै बाली रोप्डीकीयो लागी गरीब डेनाङ गरीबकोलाक बाहेक यहुदुङ राज्यौ प्राय: पट्ट न भर्मीकोलाक बेबिलोनाङ आल्हा। समयौ इसे अवधी जहाँ परमेसोरौ भर्मीको प्रतिग्यौ मुलुक डास्की बाध्य छाना, इसेकी निर्वासन डेच हो।
परमेसोरै भर्मीकोलाक होखुरीकुङ पापौ कारण निर्वासनाङ लोस आल्हार दण्ड यान्हाङ र होसकै होखुरीककी र लहो प्रतिग्याकोलाक भुलिस्की माछान्ले। परमेसोरै निरन्तर रुपाङ अगमबक्को लकीङ लहो भर्मीकोलाक रेखदेख जाट्की र ङाक्च काम जारी डा। सट्री बर्स पछी होखुरीक प्रतिग्यौ मुलुकाङ ल्हेस्ले डेम होसकै प्रतिग्या जाटा।
करिब सट्टरी बर्स न्हुइङ फारिसीकुङ राजा, कोरेसै बेबीलोनकी परास्त जाटा, होटबाटै फारसी साम्राज्ये बेबिलोनी साम्राज्यकी प्रतिस्थापित जाटा। अब इस्राएलीकोलाक यहुदिको डेमन्या र होखुरीक मढ्याङ वास्टै जसोये लहो पुरै जीवन बेबिलोनाङ बिटडीमन्या। केवल बुढा छान्च यहुदिकोलाक मट्टै मुलुकौ ख्याल लेया।
फारसी साम्राज्य काट सक्तिसाली साम्राज्य लेया तर होखुरीक लहे कब्जा जाट्च भर्मीको प्रति कृपालु लेया। कोरेस फारसीकुङ राजा छान्च केही समय पछि होचे सुर यहुदिको यहुदा ल्हेसन नुङ्की चहडीस्ले डेनाङ फरीसी साम्राज्य डास्न ल्हेस्की ह्योक्च आदेश याहा। होचे होखुरीककी मन्दिर फेरी खास्की पैसा याहा।
जब भर्मीको यरुशलेमाङ टाराहा, होखुरीक मन्दिर र शहरौ वरीपरी पर्खालको फेरी खासा। होखुरीक मीटाक अझै र अरु राज्यये शासन जाट्न ङुच लेनाङ र पनि काटखेप फेरी होखुरीकै प्रतिग्यौ मुलुकाङ ङुकी र होसे मन्दिराङ आरधना जाट्की डुपा।
बाइबलको कथा: २ राजा १७; २४-२५; २ इतिहास ३६; एज्रा १-१०; नेहम्याह १-१३ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।