21. २१. परमेश्वरै मसिहौ प्रतिज्ञा जाटा

पट्टन कुरा सुरु लकिङ न, परमेस्वरै मसिहकी बिर्न्हकाच योजना जाटा। मसिह राछ बारेयाङ पट्ट डेनाङ पहिला प्रतिग्या आदम र हब्बा लेठाङ राजा। परमेसोरै प्रतिग्या जाटा कि हब्बौ वंशलकीङ काट जना सन्तान जन्मडीस्ले होचे बुलौ सिर कुचडीले। हब्बाकी झुक्डिच जोसे बुल नै सैतान लेया। होसे प्रतिग्यौ अर्थ चाहि मसिह रान्हाङ सैतानकी पुर्ण रुपाङ परास्त जाट्की लेया।

परमेश्वरै अब्राहामकी प्रतिग्या जाटा कि होसे लकीङ सन्सारुङ पट्ट न जातियुङ भर्मीकै आसिस डुप्ले। जोसे आसिस मसिह राछ पछि न पुरा छान्च लेया। होसकै सन्सारकी पट्टन जातियुङ भर्मीकोलाक उद्धारौ लाम याछ लेया।

परमेस्वरै मोशाकी भबिस्याङ होसकै मोशा ल्याक्च न अर्को काट जना अगमवक्ता खडा जाट्च प्रतिग्या जाटा। इसे मसिह र होस्कुङ आगमनौ सम्बन्धाङ अर्को काट प्रतिग्या लेया।

परमेस्वरै दाउद राजाकी प्रतिग्या जाटा कि जोडे मेन वंशौ सन्तानै परमेसोरौ भर्मिको मीटाक सदा-सर्वदा राज्य जाट्ले। होच्यौ अर्थ मसिह दाउदौ न वंशअो काट जना छान्ले।

यर्मिया अगमवक्ता लकीङ, परमेसोरै प्रतिग्या जाटा कि होसकै काट नयाँ करार स्थापित जाट्ले, जुनचहिँ होसकै सिनै पर्वताङ स्थापित जाट्च ल्याक्च मालेया। इसे कराराङ, परमेसोरै लहो ब्यावस्थाको भर्मिकुङ मिमनाङ रिक्ङ याल्हे, भर्मिकै पर्मेसोरकी ब्यक्तिगत रुपाङ वार्ल्हे होखुरिक होसकुङ भर्मीको छान्ले, र परमेसोरै होखिरीकुङ पापको क्षमा याल्हे। मसिहये नयाँ करारौ शुरूवात जाट्ले।

परमेश्वरौ अगमवक्ताकै इट र डेया कि मसिह काट अगमवक्ता, काट पुजाहारी र काट राजा छान्ले अगमवक्ता होसे भर्मी हो होचे परमेस्वरौ वचनको सेले र परमेस्वरौ वचनको भर्मिकुङ मिघ्याङ घोषणा जाट्न याल्हे। परमेसोरै बिर्न्हकाले डेम प्रतिज्ञा जाट्च मसिह चहिँ काट मट्टै अगमवक्ता लेया।

इस्राएली पुजाहारीकै भर्मीकुङ टर्फलकीङ होखुरीकुङ पापौ खातिर दन्डअो सट्टा क्षमौ लागि बलिको चढडीच जाट्न्या। पुजाहारीकै भर्मीकुङ लागि परमेसोरखाटा प्रार्थना र जाट्न याम्हन्या । मसिह काट सिद्ध प्रधान पुजारी लेया आस्कै लाहाकी न काट सिद्ध बलियो रुपाङ परमेस्वरखाटा अर्पण जाटा।

राजा होसे हो कुसेर राजा मिटाक शासन जाट्ले र भर्मीकुङ न्याय जाट्ले। मसिह काट मट्टै सिद्ध राजा लेया होसे लहो पुर्खा दाउदौ सिंहसानाङ ङुच लेया। होसकै सदा-सर्वदौ लागि पट्ट न संसारमिटाक राज्य जाट्च लेया, र सदैव इमान्दारी र सहि निर्णयौ साथ न्याय जाट्च लेया।

परमेसोरौ अगमवक्ताकै मसिहौ बारेयाङ अरु वास्टै कुराको भविष्यवाणी काटा। मलाकी अगमवक्ताकै मसिह राखिडेनाङ अघि काटजना महान् अगमवक्ता राल्हे डेम भविष्यवाणी जाटा। यशैया अगमवक्तै मसिह कन्यालकिङ डिन्ल्हे डेम भविष्यवाणी काटा। मिका अगमवक्तै होसको बेथलेहेमुङ लाङ्घाङ जन्मडिस्ले डेया।

यसैया अगमबक्‍टै डेया कि, मसिह गालिलाङ ङुले, मन ग्‍याछकोलाक छ्‍याक्‍ङ याल्‍हे। मसिहये रोगी बिरामीकालाक र सेकी, डाङ्‍की, ङाक्‍की वा ह्‍वाकी माय्‍होक्‍चकोलाक गेपाक्‍ले डेम भविष्‍यवाणी जाटा।

यसैया अगमबक्‍टै इसे र भविष्‍यवाणी जाटा कि मसिहकी बिनाकारण घृणा र तिरस्‍कार जाट्‍ले। अरु अगमबक्‍टाकै मसिहकी साट्‍चकै होसकुङ बढिनाङ चिठ्‍ठा काले र काट जना मित्रये होसकोकी ढोका याल्‍हे डेम भविस्‍यवाणी जाटा। जकरीया अगमबक्‍टै होसे मित्रकी, मसिहकी धोका याछ बापत तीस चाँदियो सिक्‍का भुक्‍टानी सोरुप टेरेले डेम भविष्‍यवाणी जाटा।

अगमबक्‍टाकै मसिहौ मृत्‍यओ सम्‍बन्‍धाङ र भविष्‍यवाणी जाटा। यसैये भविष्‍यवाणी जाटा को भर्‌मीकै मसिहकी ठोक्‍ले, गिजडीले र डुङ्‍ले। होखुरीकै होसकोकी भालै झ्‍योक याल्‍हे र वास्‍टै कष्‍ट र पिडाखाटा होसको सिले, होसकै हीर कसुर माजाटा।

अगमबक्‍टाकै इसे र डेया कि होसको कुसेर पाप बिना न सिद्ध छान्‍ले। होसको अरु भर्‌मीकुङ पापै दण्‍ड बुकीयो खातिर सिले। होसकुङ दण्‍डये भर्‌मी र परमेसोर मीघ्‍याङ शान्‍ति राक्‍ले। होटबाटै, मसिहकी पिचिकी परमेसोरौ न इच्‍छा लेया।

अगमबक्‍टाकै भविष्‍यवाणी जाटा कि मसिह सिले र परमेसोरै न होसकोकी सिच लकीङ जीवाटाक्‍ले। मसिह सिच र सियार जीवाचलकीङ परमेसोरै पापीकोलाक जीवाटाक्‍च र नयाँ करारौ थालनी जाट्‍च होसकुङ योजना पुरा जाट्‍ले।

परमेसोरै मसिहौ बारेयाङ अगमबक्‍टाकोलाक वास्‍टै कुराको प्रकट जाटा तर मसिह होसे कुसेर अगमबक्‍टाकुङ समयाङ माराहा। इसे अनसतिम भविष्‍यवाणीको याछ ४०० वर्ष डेनाङ वास्‍टै समयपछि परमेसोरै मसिहकी संसाराङ बिर्‌न्‍हका।