22. २२. युहन्नौ जन्म
विगताङ, परमेसोर लहो भर्मीकोखाटा लहो सोर्गदुत र अगमबक्टाकुङ माध्यमलकीङ ङाक्च जाट्नन्या। तर ४०० वर्ष सम्म होसको होखुरीक खाटा माङाका। अचानक काट सोर्गदुत जकरीया म्यार्मिन जाट्च पुजाहारी लेठाङ परमेसोरौ सन्देश लार राहा। जकरिया र होच्यो मास्टो एलिशिबा, परमेसोरौ भक्ट भर्मीको लेया, तर होचे कुसेर सन्तान डुप्की माय्होक्ङन्या।
होसे सोर्गदुतै जकरियाकी डेया, “नुओ मास्टोओ काट लेन्जा मीजा छान्ले। निये होच्यो म्यार्मिन युहन्ना डाकी। होसे पवित्र आट्मै न्हेप्ले र मसिहौ लागी लाम तयार खास्ले
सोर्गडुटै जकरियाकी जवाफ याहा, “ङा परमेसोरलकीङ नाङ लेठाङ इसे खुशियो समाचार सेटाक्की बिर्न्हकाच हो। नीये ङाकी बिस्वास माजाट्च कारनै बालक माडीन्ठर नाङ ङाक्की माय्होक्च चान्ले।” तुरुन्तै, जकरीया ङाक्की माय्होक्च छाना। अनी होसे दुतै जकरीयाकी डासार नुङा। होटै जकरीया ल्हेसा र होच्यो मास्टो गर्भवति छाना।
जब एलिशिबा गर्भवति छान्च ६ महिना छान्नन्या, होसे न सोर्गदुतै अचानक एलिशिबौ लहो भर्मीको लेठाङ डेखा पर्या, होच्यो म्यार्मीन मरियम लेया। होसे काट कन्या लेया। होच्यो योसेफ म्यार्मीन जाट्च भर्मीखाटा मगनी छान्न्या। सोर्गडुटै डेया, “नाङ गर्भवति छान्ले र काट लेन्जा मीजा डीन्ल्हे। नाखुरीकै होसकुङ म्यार्मीन येसु डाले। होसको परम प्रदान परमेसोरौ पुत्र छान्ले र सदा-सर्वदा राज्य जाट्ले।”
मरियमै जवाफ याहा, “इसे कुजाट्न छान्ले, ङा च कन्या न ले?” सोर्गदुतै डेया, “पवित्र आट्मा नाङ लेठाङ राल्हे र पवित्र आट्मौ पुत्र छान्ले।” मरियमै सोर्गडुटै डेच कुराङ विस्वास जाटा र होसे सुइकारीया।
मरियमै सोर्गदुतखाटा बातचित जाट्च हिर समय पछि न होसे एलिसिशा लेठाङ डुप्की नुङा। एलिशिबै मरियमौ अभिवादन सेच बितिकै होच्यो मिटुकाङ लेच बालक फोर्जोहा। परमेसोरै होखुरीकुङ लागी जाट्न याछ कामाङ होसे मास्टोको मार्हाङा। एलिशिबा लेठाङ सोम महिनासम्म ङुच पछि, मरियम इमाङ ल्हेसा।
एलिशिबा बालक लेन्जा मीजा डीन्छ पछि, सोर्गदुतै आग्या जाट्च अनुसार जकरिया र एलिशिबै होच्यो म्यार्मीन ‘युहन्ना’ डा। अनि परमेसोरै फेरी जकरीयाकी ङाक्की ह्योक्च खास्न याहा। जकरीये डेया, “परमेसोरौ प्रशंसा छान्ख्यो हिजैडेनाङ लहो भर्मीकोलाक आर्मीट्नने।
बाइबलको कथा: लुका १ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।