23. २३. येसुओ जन्म
योसेफ म्यार्मिन लेच काट जना धर्मि भर्मीखाटा मरियमौ मगनी छान्नन्या। जब मरियम गर्भवति छान्च होचे थाहा डुपा, होच्यो गर्भाङ लेच बालक लहो होइन डेच कुरा होसकी थाहा लेया। योसेफ मरियमकी काराम सेयाक्की मीमन माजाटा, होटबाटै होचे गुप्त रुपाङ मरियमकी डास्च योजना खासा। तर होचे होट जाट्की डेनाङ अघी, होच्यो सपनाङ काट सोर्गडुत होसे लेठाङ राहा।
होचे सोर्गडुटै डेया, “योसेफ, मरियमकी लहो मास्टोओ रुपाङ स्वीकारीकी माबिर्हीयो। हिजैडेनाङ होसे भिट्री लेच बालख पवित्र- आत्मालकीङ राछ हो। होचे काट लेन्जा मीजा डीन्ल्हे। होसकुङ म्यार्मीन येसु डा (इच्यो अर्थ ‘याहोवये जीवाक्ले’), हीजैडेनाङ होचे भर्मीकोलाक होखुरीकुङ पाप लकीङ जीवाक्ले।”
होटबाटै योसेफै मरियमखाटा ब्याहा जाटा र होच्यो मास्टोओ रुपाङ लहो इमाङ आल्हा, तर बालख माडीन्ठर योसेफ मरियमखाटा मामिसा।
मरियमौ मीजा डीन्छ समय खेरेप राछ बेला, रोमी सरकारै पट्टकी जनघणनौ लागी लहो पुर्खाको ङुच सहराङ नुङ्च आदेश जारी जाटा। योसेफ र मरियमै होखुरीक ङुच ठाउँ नासरतलकीङ बेथलेहेम सम्मौ लोक्च यात्रा जाट्की पर्च लेया, हिजैडेनाङ होखुरीकुङ पुर्खा दाउदौ शहर बेथलेहेम लेया।
जब होखुरीक बेथलेहेमाङ टाराहा, होला ङुकीयो लागी ठाउँ न मालेया। होखुरिकै डुप्की य्होक्च काट मट्टै ठाउँ बस्तुभाऔ गोठ लेया। बालक होला न डीन्हा र मरियमै होसकोकी डुँडाङ डा, हिजैडेनाङ बालखकी डाकी होखुरीकखाटा ठाउँ न मालेया। होखुरीकै बालखौ म्यार्मिन ‘येसु’ डा।
होसे नाबिक, खेरेपुङ बारीयाङ गोठ्लाको लहो गोठको रखवाली जाट्न न लेया। अचानक, चम्कडीस्न ङुच काटजना सोर्गडुट होखुरिक लेठाङ डाङा र इसे डाङार होखुरीक बिर्हिया। सोर्गडुटै डेया, “माबिर्हीयो, हिजैडेनाङ ङाखाटा नाखुरीकुङ लागी हिर खुसीयो समाचारको ले। नाखुरीकुङ मसिह बेथलेहेमाङ जन्मडीस्नने
“बालखकी पाकी नुङ्नी र नाखुरीकै होसकोकी बढीनाङ बेर्हडीच र डुँडाङ मिस्नङुच डुप्ले।” अचानक, सर्घाको परमेसोरौ प्रशंसा जाट्न ङुच सोर्गडुटको लकीङ इट डेचै न्हेपा, “सर्वोच्चोवाङ परमेसोरकी महिमा र पृथ्वीयाङ जुन भर्मीको खाटा होसको प्रसन्न ले होखुरीककी शान्ति
हिर समयपछि गोठलाको येसु जन्मडीस्च ठाउँवाङ टाराहा र सोर्गडुटै डेनाङ लेखा न होसकोकी डुँडाङ मिस्न ङुच डुपा। होखुरीक अति उत्साहित लेया। मरियम र वास्टै खुसी लेया। गोठलाको, होखुरीकै डाङा- सेया पट्ट न कुराकुङ लागी परमेसोरकी प्रशंसा जाट्चै लहो भेडाको लेच बारी पटिक नुङा।
हिर समयपछि लोस पुर्बउङ ग्यानी भर्मीकै सर्घुङ अनौठो तारा डाङा। होच्यो अर्थ यहुडीकुङ काट जना नयाँ राजौ जन्म छान्लेसा डेम होखुरीकै थाहा डुपा। होटबाटै होसे राजाकी ङोस्कीयो लागी होखुरीकै लोक्च यात्रा जाटा। होखुरीक बेथलेहेमाङ राहा अनी येसु र होसकुङ मोइ बोइ ङुमङुच ठाउँ पत्ता लैडीया।
जब होसे ग्यानी भर्मीकै येसुकी होसकुङ मोइखाटा डाङा होखुरीकै घोप्टो पर्यार दण्डवत जाटा र होसकुङ आर्धना जाटा। होखुरीकै बहुमुल्य उपहारको चढडीया। होटै होखुरीक लाहा लहो इमाङ ल्हेसा।
बाइबलको कथा: मत्ती १; लूका २ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।