25. २५. शैतानलकीङ येसुओ परिक्षा

येसुओ बप्‍टिसमा छान्‍चपछि, तुरुन्‍तै पवित्र आत्‍मै होसकोकी उजाड ठाउँ पटिक डोरीया, र होला होसकै चालिस याक र चालिस नाबिक सम्‍म उपवास ङुवा। होटै शैतान येसु लेठाङ राहा र होसकोकी पापाङ पर्‌कीयो लागी परिक्षा जाटा।

शैतानै इट डेया येसुओ परिक्षा जाटा, “इडीक नाको परमेसोरौ मीजा ले डेनाङ, इसे ल्‍हुङकी रोटी खासार ज्‍याकी य्‍होक्‍ले।

येसुये जवाफ याहा, “परमेसोरौ वचनाङ याङ्‍च रीक्‍ङने, ‘जीवाकीयो लागी भर्‌मीकी केवल रोटी मट्‍टै होइन, तर परमेसोरौ हरेक वचन चाडीस्ले

होटै सैतानै येसुकी मन्‍दिरौ पट्‍ट डेनाङ घाङ्‍च भाकाङ आल्‍हा र डेया, “इडिक नाको परमेसोरौ मीजा हो डेनाङ, म्‍हाका फाल ङाप्‍नी, हिजैडेनाङ रीक्‍ङने, परमेसोरै नाकुङ बिषयाङ लहो दुतकोलाक आग्‍या जाट्‍ले, अनी कुटै र नाकुङ लहो मीखुट्‍या ल्‍हुङाङ बजारीस्‍लेकी डेम होखुरीकै नाकोकी मीहुटाङ सोट्‍च लेया।”

तर येसुये सैतानकी वचनकोलकीङ जवाफ याहा। येसुये डेया, “परमेसोरौ वचनाङ, होसकै लहो भर्‌मीकोलाक आग्‍या जाट्‍नने की, “परमप्रभु लहो परमेसोरौ परिक्षा माजाट्‍की।”

होटै शैतानै येसुकी संसारुङ पट्‍ट न राज्‍यको र होच्‍यो सारा महिमाको डाङा र डेया, “इडीक नाकै घोप्‍टो पार्‌न ङाकी डण्डवत जाटा डेनाङ पट्‍ट न ठोक ङा नाकोकी याल्‍हे।”

येसुये जवाफ याहा, “ए शैतान

येसुये शैतानकी परिक्षाकोवाङ लाहाकी न मासुम्‍पडीया, होटबाटे सैतानै होसकोकी डासार नुङा। अनी सोर्‌गडुटको राहा र येसुओ स्‍याहार जाटा।