26. २६. येशुये लहो सेवाकाइ सुरु जाटा

सैतानौ परिक्षाकोवाङ विजय छान्‍रखिङ, येसु पवित्र आट्‍मौ सक्‍टीयाङ गालीलुङ प्रान्‍ताङ ल्‍हेसा, जहाँ होसको ङुमन्‍या। येसु पाहाक्चै काट ठाँउलकीङ अर्को ठाँउ पटिक नुङा। पट्‍टकै होसकुङ बारेयाङ सेछ ङाक्‍ङन्‍या।

येशु नासरतुङ लाङ्‍गाङ नुङा, होला होसकै लहो बाल्‍यकाल बीटडीमन्‍या। सबाठौ डीनाङ, होसको आरधना जाट्‍च ठाँवाङ नुङा। भर्‌मीकै परेस्‍कीयो लागी होसकुङ मीहुटाङ यसैया अगमबक्‍टौ चीठी याहा। येसुये चिठि खोलिया अनी होच्‍यो काट भाग भर्‌मीकुङ लागी परेस्‍न याहा।

येशुये परेसा, “परमेसोरौ आट्‍मा ङा मीटाक ले, हिजैडेनाङ गरीबकोलाक सेछ समाचार सेटाक्‍कीयो लागी होसकै ङाकी अभिसेक जाटा मन ग्‍याछकोलाक गेपाक्‍की, कैदीकोलाक छुटकरा याखी, अन्‍धाकोलाक डीरीस्‍टी याखी, थोचोमीचोवाङ पर्‌चकोलाक छुटकरा याखी, र पर्‌भुओ ग्रहण योग्‍य वर्षओ प्रचार जाट्‍कीयो लागी होसकै ङाकी बिर्‌न्‍हकाच हो।”

अनी येशु म्‍हाका ङुवा। पट्‍टओ मिमिक होसको मिटाक पर्‍या। होखुरीककी थाहा लेया, कि होसकै चाहा जा परेस्‍च खन्‍डये मसिहओ बारेयाङ डेमन्‍या। येसुये डेया, “पवित्रशास्‍त्रओ इसे बचन छिनी नाखुरीकै सेच पुरा छान्‍नने।” पट्‍ट न भर्‌मीको छक्क पर्‍या। “ही इसे योसेफौ मीजा होइन र?” होखुरीकै डेया।

अनी येसुये डेया, “ङा नाकोकी साच्‍ची न डेले, कुसेर भबीस्‍यबक्‍टाकी लहो डेसाङ ग्रहण माजाट्‍ले।” एलीयौ समयाङ, इस्राएलाङ कुडीक विधुवाको लेया। तर जब साढे सोम बर्‌स सम्‍म नामास माराहा, परमेसोरै एलियाकी इस्राएलाङ लेच बिधवाकोलाक सहायता जाट्‍की बिर्‌न्‍हमाका, तर बरु अरु राष्‍ट्‌रुङ बिढुवाको लेठाङ बीर्‌न्‍हका।

येशुये डेचै नुङा, “अनी एलिसा अगमबक्‍तौ समयाङ, छालौ रोग लेच वास्‍टै भर्‌मीको इस्राएलाङ लेया। तर एलिसै होखुरीक सुकीर मागेपाका। होचे काट जना इस्राएलुङ नामानुङ छाला रोगी की गेपाका।” येसुकी सेम ङुच भर्‌मीको यहुडीको लेया। होटबाटै जब होखुरीकै होसकै इट डेच सेया, होखुरीक होसको खाटा साफी मीरिस ख्‍योहा।

नासरतुङ भर्‌मीकै येसुकी आरधनौ स्‍थानलकीङ घिसारीयार बाहिर छ्‍युका र डाडुङ डीलाङ आल्‍हार होसकोकी होटै झालाकार साट्‍की पा। तर येसु भिडौ मीघीङ ख्‍योहार नासरत डासार ह्‍वा।

होस न्‍हुइङ गालीलुङ प्रान्‍तकोवाङ नुङा, अनी बाड्‍को भिड होसको लेठाङ राहा। होखुरीकै वास्‍टै भर्‌मीको राका होखुरीक रोगी अवस्‍थाङ लङ्‍गडा लेया, होला होखुरीक र समेट्‍डीस्‍नन्‍या जो चही डाङ्‍की, ह्‍वाकी, वा ङाक्‍की माह्‍योक्‍च लेया, अनी येसुये होखुरीककी गेपाका।

वास्‍टै भुतआत्‍मा लक्‍डीस्‍च भर्‌मीकोलाक येसु लेठाङ राका। येसुओ आग्‍याङ, होसे भुतआत्‍माको भर्‌मीको लेठिङ ख्‍योहार राहा, अनी होखुरीक इट डेचै च्‍याका, “नाको च परमेसोरौ मीजा हो।”

होसन्‍हुइङ येसुये बाह्रजना भर्‌मीकोलाक भाका होखुरीककी होसकुङ चेला डेया। होसे चेलाको येसुखाटा ह्‍वामन्‍या र होसकोलकीङ पाम्‍हन्‍या।