30. ३०. येसुये बाङा हजार भ्रर्‌मीकी कासा

भर्‌मीकोलाक प्रचार जाट्‍की र शिक्षा याखी येसुये लहो चेलाकोलाक विभिन्‍न ठाँउकोवाङ बिर्‍न्‍हका। जब होखुरीक येसु लेच ठाउँवाङ ल्‍हेसार राहा, होकूरीकै काम जाट्‍च येसुकी सेटाका। होसन्‍हुइङ येसुये होखुरीककी लाहाखाटा समुन्‍डरौ पार्‌च छेउ, काट शान्‍त ठाँवाङ नुङार कालाप आराम जाट्‍की आर्‌घा। होटबाटै होखुरीक काट डुङ्‍गाङ काल्‍हा र समुन्‍डरौ पार्‌च छेउ पटिल ल्‍हेसा।

तर होला वास्‍टै भर्‌मीको लेया, होखुरीकै चहिँ येसु र होसकुङ चेलाकोलाक डुङ्‍गाङ काल्‍हार अरु न ठाँवाङ नुङ्‍च डाङा। होसे भर्‌मीको र येसु र चेलाको डेनाङ पहिला न समुन्‍डरौ पारी टाछ दाउ जाटार किनारै किनार छानार खेरा। होटै जब येसु र चेलाको होसे ठाँवाङ टाहा, भर्‌मीकुङ बाड्‍को भिड होला पहिले नै होसको र चेलाकोलाक लेनार ङुमङुमन्‍या।

होसे भिडाङ मास्‍टो र बालखकोलाक माहिल्‍न न करिब ५,००० डेनाङ बढि लेन्‍जाको लेया। येसुओ लागी होसे भर्‌मीको गोठलाबिनुङ भेडाको सरह न लेया। होटबाटै होसकै होखुरीककी शिक्षा याहा र रोगी भर्‌मीकी गेपाका।

डिनौ अन्‍तिमपटिक , चेलाकै येसुकी डेया, “अब च ढिलो छान्‍न भ्‍या र इला खेरेप कुसेर बस्‍ति माले। इसे भर्‌मीकोलाक अरु न ठावाङ बिर्‌न्‍हकाकी पर्‌ले ताकि इखुरीकै ज्‍याच कुराको डुप्‍ख्‍यो।”

तर येसुये चेलाकोलाक डेया, “नाखुरीकै न इखुरीकुङ लागि ज्‍याच कुरौ बन्‍दोबस्‍त जाट्‍न यान्‍ही।

येसुये भिडाङ लेच भर्‌मीकोलाक पाचास पचास जनौ झुन्‍डाङ ङुकी लैडीनी डेम चेलाकोलाक अह्रडीया।

अनी येसुये होसे रोटो र नीसवटा माछा ला, ढेनाम सोर्‌गलाक ङोसा अनी ज्‍याचकुरौ लागी परमेसोरकी धन्‍यवाद याहा।

होसन्‍हुइङ येसुये रोटो र माचाकी टुक्रा-टुक्रा पार्‍यार ग्‍याका। होसकै होसे टुक्राको भर्‌मीकी पुङ्‍ङ याखीयो लागी चेलाकोलाक लैडिया। चेलाकै ज्‍याच कुरा पुङ्‍ङ न ङुवा र होसे सेन्‍र माभ्‍या।

होसन्‍हइङ, चेलाकै ओबारीस्‍च ज्‍याच कुरा जम्‍मा पर्‍या, अनी होसे चहीँ लगभग बाह्र डालो छाना