36. ३६. येसुओ रुप परिवर्तन
कायाक, येसुये होसकुङ सोमजना चेलाको पत्रुस, याकुब र युहन्नाकी लाहाखाटा आल्हा। (इसे युहन्ना येसुकी बप्टीसमा याछ भर्मी होइन।) होखुरीक काट घाङ्च पहाडमीटाक प्रार्थना जाट्की नुङा।
जब येसु प्रार्थना जाट्न न लेया, होसुङ अनुहारीङ नाखान लेखान चम्किलो छाना र होसकुङ बढिन ज्योति लेखा न बोच छाना।
होसन्हुइङ होला मोसा र एलिया अगमबक्ता देखा पर्या। इसे भर्मीको होसे घटना छान्की डेनाङ सयौ वर्ष अगाडी जीवामन्या। होखुरीकै येसुखाटा होसकुङ मीरीट्युओ बारेयाङ कुरा जाटा, जुन छिटो न यरुशलेमाङ छान्च लेया।
जब मोशा र एलीया येसुखाटा कुरा जाट्न न लेया, टब पत्रुसै येसुकी डेया, “काल्हाकी इलान ङुकी सेम्ह ले। काल्हा सोम ङुच ठाउको खासिङ, काट नाकुङ लागी, काट मोशौ लागी, र काट एलियौ लागी।” होडीक बेला ही डेमन ले होसे थाहा मालेया।
जब पत्रुस ङाक्ङन लेया, काट ट्याङ्छ डेबु म्हाका राहार होखुरीककी छेक्डीया र डेबुलकीङ परमेसोरौ आवाजै इट डेया, “इसे ङौ प्रिय लेन्जा मीजा हो इसकी ङा प्रेम जाट्ले। ङा होसे खाटा प्रसन्न ले। होच्यो कुरा सेकी।” होसे सोम चेलाको बीर्हीयार झाङ कुर्हुवा।
अनि येसुये होखुरीककी छुवा र डेया, “माबिर्हीनी, सोनी।” जब होखुरीकै वरिपरि ङोसा, होला केवल येसु मट्टै लेया।
येसु र होसे सोम चेलाको फेरी पहाडलकीङ म्हाका झाला। अनि येसुये होखुरीककी डेया, “इला छान्च घटनौ बारेयाङ चाहाँ सुकीर माडेकी। ङा छिटो न सिमन ले र होटै न्हुइङ फेरी जीवीत छान्ले। होटै नाखुरीकै भर्मीकोलाक डेकी ह्योक्ले।
बाइबलको कथा: मत्ती १७:१-९; मर्कूस ९:२-८; लूका ९:२८-३६ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।