35. ३५. डयालु बोयो कथा
कायाक, येशुये कर सोट्चकोलाक र अरु पापी भर्मीकोलाक शिक्षा याम्हङुमन्या। होखुरीक होसकुङ कुरा सेकी भेला छान्नन्या।
होला भेला छान्च धार्मिक अगुवाकै येशुये पापीकोलाक र लाफाको लेखान ब्यवहार जाट्न ङुच डाङा, अनी होखुरीकै काटै काटकी होसकै आलोचना जाट्की ठाला। होटबाटै येशये होखुरीककीइसे कथा डेया।
“काट जना भर्मी लेया, होच्यो नीस लेन्जा मीजाको लेया। कान्छा मीजै लहो बोइकी डेया, “बोइ, ङाकी चाहा न ङै भाग सम्पति यान्ही।
“छिटो न कान्छा मीजै लाहा खाटा लेच पट्ट न ठोक जम्मा पार्या र होटै ह्वा अनी लहो पट्ट न पैसा जीवनौ मोज मस्तीयाङ खेर लोहा।”
“हिर समय पछि, कान्छा मीजा लेच होसे डेसाङ अनिकाल पर्या, र ज्याच कुराको लोकी होसे खाटा पैसा मालेया। होटबाटै होचे लाहाकी डुप्की ह्योका काट मट्टै काम जाट्की पा, वाककी चारो याछ। होच्यो इसे अबस्था दैनिय र मीटुक रहन्छिच लेया कि होचे वाकौ चारोको र ज्यामन्या।”
“अन्तिमाङ, होसे कान्छा मीजै लहाकी डेया, ‘ङा इसे ही जाट्न न ले? ङौ बोयो पट्ट न नोकरकोखाटा ज्याकी प्रशस्त ले, ङा चही इला मीटुङ रन्छियार सिकी पामने। ङा ङौ बोइ लेठाङ ल्हेसार नुङ्ले र होसकुङ काट मट्टै नोकर ल्हेस्की डुपीङ डेम ङा अनुरोध जाट्ले।”
“अनी होसे कान्छा मीजा लहो बोयो इमपटिक नुङा। होसे कान्छा मीजा लहो बु=यो इम पटिक राम्ह न लेया, होच्यो बोय होसकी लोसिङ न डाङा र होच्यो लागी डया टान्हाका। आस्को लहो मीजा लेच पटिक खेर्न नुङा अनी होसकी अगालो मारिया र चुम्बन जाटा।”
“होसे मीजै डेया, ‘बोइ, ङै परमेसोरौ र नाकुङ बीरुढाङ पाप जाट्नने। ङा नाकुङ सेछ मीजा छान्की ज्योस्च माले।’”
“तर होच्यो बोये लहो नोकरको मढ्याङ काट जनाकी डेया, ‘तुरुन्टै नुङ्ना र पट्ट न सेछ बढिन लार रान्हा अनी ङौ मीजाकी बील्हाक्ङ योहो।”
होसे भर्मीकै उट्सव मन्डीकी सुरु जाटा। हीर समय न्हुइङ, जेठा मीजा बारीयाङ का जाटार इमाङ ल्हेसार राहा। होचे नाचगान छान्न ङुच सेया अनी ही छान्नन ले डेम छक्क पर्या।”
“जब होसे जेठा मीजै लहो भाइ ल्हासार राछ कारण होखुरीक खुसी मन्डीमने डेच थाहा डुपा, होसे नीकै मीरीस ख्योहा र इम भीट्री नुङ्की मामन्डीया। होच्यो बोइ बाहिर राहा र होसकी भिट्री राहार पट्ट खाटा खुसी मन्डीकी डेम आर्घा, तर होचे होसे कुरा मामन्डीया।”
“जेठा मीजै लहो बोइकी डेया, ‘पट्ट न बर्सको ङै बीस्वासखाटा नाकुङ लागी काम जाट्नने।
“बोये डेया, ‘ङौ मीजा, नाङ च सधै भरी न ङा खाटा न ले, नी ङाखाटा लेच पट्ट न ठोक नुओ न हो। तर काल्हा खुसी छान्की ठिक न हो, हिजैडेनाङ नुओ भाइ सिमन्या, तर अब जीवीत छान्नने। होसे म्हाट्नन्या, तर अब डुप्मने।”
बाइबलुङ कथा: लूका १५:११-३२ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।