34. ३४. येशुये अरु कथाको पाहाक्च
परमेसोरौ राज्यौ बीसयाङ येसुये अरु वास्टै कथाको डेया। उडाहरनौ लागी, होसकै डेया, “परमेसोरौ राज्य काट राइगानौ छोयो लेखा न हो, जुन काट जनै लहो बारीयाङ रोप्डीया। नाकुरीककी थाहा न ले, कि राइगानौ छोयो छोयोको मढ्याङ पट्ट डेनाङ मार्जा छान्ले।”
“टर जब राइगान गीट्ले, तब होसे बगैचुङ बीरुवाकोवाङ पट्ट डेनाङ बाड्को छान्ले, इडीक बाड्को की ग्वाजाकै र राहार होच्यो हाँगाकोवाङ आराम जाट्ले।”
येसुये अर्को कथा डेया, “परमेसोरौ राज्य खमिर ल्याक्च न हो जुन काट मास्टोये रोटी खास्च पिठौ ठल्लाखाटा मोल्होका र होसे खमिरै पट्ट न ठल्लाकी खमिर खास्न याहा।”
“परमेसोरौ राज्य काट गाढधन ल्याक्च न हो, जुन कसेर भर्मीये झा भिट्री आर्चुकार डामन्या। कुसेर काट जना भर्मीये होसे गाढधन डुपा र फेरी होसकी ठाका। अनी होसे खुसिये मार्हाङा, कि होचे नुङार लहा खाटा लेच पट्ट न ठोक आर्ला र होसेलकीङ राछ पैसै होसे होसे बारी लोवा।”
“परमेसोरौ राज्य शुद्ध मुल्यवान मोती लेखा न हो। जब कुसेर काट मोती ब्यापारीये होसकी डुपा, होचे लहाखटा लेच पट्ट न ठोक आर्ला र होसेलकीङ राछ पैसा होसे मोती लोकी खर्च जाटा।”
अनि येसुये कुडीक भर्मीकोलाक काट कथा डेया, होचे लहो असल कामकोवाङ भरोसा जाट्नन्या र अरु भर्मीकोलाक घीर्ना जाट्नन्या। होसके डेया, “नीस जना भर्मीको मन्दिराङ पार्थना जाट्की राहा। होसे मड्ये काट कर सोट्च भर्मी लेया, र अर्को चही काट जना धार्मिक अगुवा लेया।”
“होसे ढार्मीक अगुवाकै इट डेचै प्रार्थना जाटा, “धन्यवाद, परमेसोर, ङा अरु भर्मीको लेखा पापी माले (जस्तै: लुट्डीचको, अन्याय जाट्को, ब्याभिचारीको, अथवा अझ होसे कर सोट्च ल्याक्च।”
“ङा हरेक हप्ता नीस खेप उबास ङुले र ङै डुप्च पैसा र पट्ट न ठोकको डसौ अङ्स नाकोकी याल्हे।”
“तर होसे कर सोट्च भर्मी चहीँ धार्मिक अगुवा डेनाङ लोस न ङुवा, र सोर्गलाक लहो मीमीक मासोटा। बरु होचे मुड्कीये लहो छातिकी हीड्कडीया अनी प्रार्थना जाटा, “परमेसोर, कीरपाया ङा मीटाक डया टान्हाक्नी हीजैडेनाङ ङा काट पापी हो।”
होसन्हुइङ येसये डेया, “ङा नाखुरीककी साँच्ची न डेले, परमेसोरै होसे कर सोट्च भर्मीयो प्रार्थना सेया र होसकी धर्मी ठहरीया। तर होसकोकी होसे धार्मिक अगुवौ प्रार्थना मन मापर्या। जुनै लाहा की उच्च आर्मीट्ले, परमेसोरै होस्की होचडीले, तर सुये लाहाकी होचडीले होसकी उच्च पार्ले।
बाइबलुङ कथा: मत्ती १३:३१-३३, ४४-४६; मर्कूस ४:३०-३२; लूका १३:१८-२१; १८:९-१४ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।