50. ५०. येसु फेरी राल्हे
करिब २००० वर्षलकीङ, सन्सारभरीयुङ वास्टै डेनाङ वास्टै भर्मीकै येसु मसिहौ बारेयाङ सेछ समाचार सेचै राम्हने। मन्डलीयो वृद्धि छान्नन ले। येसुये प्रतिग्या जाट्नन्या की सन्सारौ अन्याङ होसको ल्हेसार राल्हे। होसको अझ सम्म माल्हेस्नने, तर होसकै लहो प्रतिग्या पुरा जाट्ले।
जब कान येसुओ आगमनौ प्रतिक्षा जाट्ले, कान पवित्रतौ लामाङ जीवन जीवइङ डेम परमेसोर मीमन जाट्ले, सुये होसकुङ आडर जाट्ले। कानै अरुकी र होसकुङ राज्यौ बारेयाङ डेइङ डेम होसको मीमन जाट्ले। जब येसु सन्साराङ लेया, होसकै डेया, “ङौ चेलाकै परमेसोरौ राज्यौ बारेयाङ पट्ट न सन्सारुङ भर्मीकोलाक सेछ समाचार प्रचार जाट्ले, अनी होटै न्हुइङ मट्टै अन्यौ दिन राल्हे।”
वास्टै भर्मी जाटीये अझै र येसुओ बारेयाङ मासेमे। सोर्गाङ ल्हेसार नुङ्की डेनाङ अघी होसकै ख्रिस्टियनकोलाक होसे भर्मीकोलाक सेछ समचारौ घोषणा जाट्की डेया, होचे सेन्र इच्यौ बारेयाङ मासेमन्या। होसकै डेया, “नुङ्ना र पट्ट जाटीयुङ भर्मीकोलाक चेला खाँसो
येसुये इसे र डेया, “कुसेर डास लहो मालिक डेनाङ बाड्को छान्की माय्होक्ले। इजाट्न इसे सन्सारुङ अधीकारीकै ङाकी घृणा जाटा, होखुरीकै ङौ खाटिर नाखुरीककी कष्ट याल्हे र साट्ले। इसे संसाराङ नाखुरीकै कष्ट भोग्डीकी पर्नाङ र उत्साहित छान्नी, हिजैडेनाङ ङै इसे सन्सारौ शासन जाट्च शैतानकी हारीमने। इडीक नाखुरीक अन्त्यसम्म न बिस्वासयोग्य छाना डेनाङ परमेसोरै नाखुरीकुङ उद्धार जाट्ले
येसये मेखोलौ चेलाकोलाक संसारौ अन्त्य छान्च पछि कुङ्च छान्ले डेम बुझडीकीयो लागी काट कथा डेया। होसकै डेया, “काट जना भर्मीये लहो बारीयाङ असल छोयोको भेरेटा। जब होसे मिस्नङुमन्या, होच्यो शत्रु राहार गहौँ मीघ्याङ सामा भेरेट्न याहा र होटै ह्वा।”
“जब छोयो गीटा, होसे भर्मीयौ दासकै डेया, “मालिक, नाकै च होसे बारीयाङ असल छोयोको लैडीमन्या। तर कुटै होला सामाको राहा त? होसे मालिकै जवाफ याहा, “कुसेर शत्रुये होसे भेरेट्च छान्की पर्ले।”
“होसे दासकै होखुरीकुङ मालिककी डेया, “ही कान होसे सामाकोलाक हुटीङ?” मालिकै डेया, ‘होइन’। नाखुरीकै होट जाटा डेनाङ, नाखुरीकै होसेखाटा गहुँ र हुट्ले। काटनीयो समयसम्मौ लागी लेन्नी अनी होटै सामानको बटुलियार सीकाक्कीयो लागी बीटा-बीटा खासो, तर गहुँ चहीँ ङौ ढुकुटीयाङ राको।”
चेलाकै होसे कथौ अर्थ माबुझडीसा, होटबाटै होखुरीकै येसुकी बुझडीम याखी आग्रह जाटा। येसुये डेया, “असल छोयो भेरेट्च भर्मीकै मसिहौ प्रतिनिधित्व जाट्ले। बारीये सन्सारकी जनडीले। असल छोयोये परमेसोरौ राज्यौ भर्मीकुङ प्रतिनिधित्व जाट्ले।”
सामाकै होसे दुष्ट भर्मीकुङ प्रतिनिधित्व जाट्ले। सामा भेरेट्न याछ होसे शत्रुये डुष्टौ प्रतिनिधित्व जाट्ले। कटनियो समये अन्त्य डीनौ प्रतिनिधित्व जाट्ले, र कटनी जाट्चकै परमेसोरौ सोर्गदुतकुङ प्रतिनिधित्व जाट्ले।”
“जब संसारौ अन्त्य छान्ले, स्वर्गदुतकै अधर्मि भर्मीकोलाक जम्मा पार्ले र होखुरीककी धाम ङुच म्हेयाङ लोम्हकाले, जहाँ होखुरीक राप्ले र भयानक कष्टाङ लहो मीस्याक जीक्ले। अनी धर्मि जनकै चहीँ होखुरीकुङ बोइ परमेसोरौ राज्याङ नाखान लेखान चम्कडीस्ले।”
येसुये इसे र डेया कि संसारौ अन्त्य छान्की डेनाङ ठीक अघी होसको पृथ्वीयाङ ल्हेसार राल्हे। होसकै डास्च न अवस्थाङ होसको ल्हेसार राल्हे, जुन चहीँ होसकुङ सरीर भौतिक छान्ले अनी सर्घाङ डेबुमीटाक राल्हे। जब येसु ल्हेस्ले, सीमभ्याच पट्ट ख्रिष्टियनको सीचलकीङ जीवार सोले अनी होसकोकी सर्घाङ डुप्ले।
अनी होडीक खेर जीवामङुच खीरीस्टीयनको मीटाक सर्घाङ गाराङ्ङ आल्हे र अरु सीचलकीङ जीवाम सोच खीरीष्टीनको खाटा खाट्ले। होखुरीक पट्ट जना येसुखाटा छान्ले। होटै न्हुइङ, येसु होसकुङ भर्मीकोखाटा सधैयो लागी शान्तिखाटा काठोवाङ ङुले।
येसुये होसकोमीटाक बिस्वास जाट्च पट्ट जनाकी मुकुट याछ प्रतिग्या जाट्नने। होखुरीक परमेसोरखाटा शान्तियाङ ङुले र राज्य जाट्ले।
तर परमेसोरै येसुमीटाक बिस्वास माजाट्च पट्टओ न्याय जाट्ले। होसकै होखुरीककी नरकाङ लोम्हकाले, जहाँ होखुरीक सधैयो लागी राप्ले र कष्टाङ मीस्याक जीका। सेन्र मासिच म्हेये सधैभरी होखुरीककी सीकाक्ले, अनी डुकै होखुरीककी जीक्की माडास्ले।
जब येसु ल्हेस्ले, होसकै सैतान र होच्यौ राज्यकी पुर्णरुपै परास्त जाट्ले। होसकै सैतानकी नरकाङ लोम्हकाले जहाँ होखुरीक सधैयो लागी सीक्ले र होखुरीकखाटा हौकूरीक र छान्ले जुनै परमेसोरौ आग्यापालन जाट्कीयो साटो होसे दुष्टकी डुट्की पा।
आदम र हव्वै परमेसोरौ आग्यापालन माजाट्च र इसे संसाराङ पापकी राखी याछ बाटै, परमेसोरै इसे संसारकी श्राप याहा र इसे नाश जाट्च नीर्णय जाटा। तर कायाक परमेसोरै काट नयाँ सोर्ग र नयाँ पृथ्वीयो सृष्टी जाट्ले जुन चहीँ सिद्ध छान्ले।
येसु र होसकुङ भर्मीको नयाँ पृथ्वीयाङ ङुले, अनी होसकै सधैयो लागी अस्तित्वाङ लेच पट्ट कुराको मीटाक राज्य जाट्ले। होसकै पट्ट मीराप डी सीट्न याल्हे अनी होला फेरी कुसेर कष्ट रुवाई दुष्टता बेदना वा मृत्यु माछान्ले। येसु शान्टि र न्यायौ लागी लहो राज्यौ शासन जाट्ले, अनी होसको सधैयो लागी लहो भर्मीको खाटा ङुले।
बाइबलको कथा: मत्ती २४:१४, २८:१८, यूहन्ना १५:२०, १६:३३, प्रकाश २:१०, मत्ती १३:२४-३०, ३६-४२, १ थेसलोनिकी ४:१३-५:११, याकूब १:१२, मत्ती २२:१३, प्रकाश २०:१०, २१:१-२२:२१ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।