49. ४९. परमेसोरौ नयाँ करार
काट स्वर्गदुतै मरियम म्यार्मिन जाट्च काट कन्याकी डेया, कि होचे परमेसोरौ मीजाकी जन्म याल्हे। होटबाटै होसे अझ काट कन्या न लेया, होचे काट लेन्जा मीजा डीन्हा र होसकुङ म्यार्मीन येसु डा। तसर्थ येसु परमेसोर र भर्मी नीस न हो।
येसुये वास्टै अचच्मौ कामको जाटा, होचे न प्रमाणीत जाट्ले की होसको परमेसोर लेया। होसको डी मीटाक ह्वा आँधीकी शान्त पार्या, वास्टै रोगी भर्मीकोलाक गेपाका, दुष्टआत्माको छ्युका, सिच भर्मीकोलाक जीवीत खासा र बाङा रोटीयो टुक्रा र नीस माछालकीङ ५००० डेनाङ वास्टै भर्मीकोलाक प्रशस्त जाटार कासार लाहाकी प्रमाणित जाटा।
येसु महान शिक्षक लेया, अनी होसको अधिकार साथ ङाक्ङ्न्या हिजैडेनाङ होसको परमेसोरौ पुत्र लेया। होसकै पाहाका कि नाकै अरु भर्मीकोलाक होजाट्नन प्रेम जाट्की पर्लेकुजाट्न नाकै लाहाकी पेरेम जाट्ले।
होसकै इसे र पाहाका कि नाकै परमेसोरकी अरु कुराकोलाक डेनाङ वास्टै प्रेम जाट्की पर्ले नाकुङ धन सम्पत्तिकी डेनाङ र वास्टै
येसुये डेया कि परमेसोरौ राज्य संसाराङ लेच कुसेर कुरा डेनाङ वास्टै मुल्यवान छ। कुच्यौ लागी पट्टडेनाङ महत्वपुर्ण कुरा डेच न परमेसोरौ राज्यौ हकदार लेकी हो। परमेसोरौ राज्याङ प्रवेश जाट्की, नाकै लहो पापलकीङ उद्धार डुप्की पर्ले।
येसुये पाहाका कि कोइ भर्मीकै होसकोकी डुप्ले र जीवाक्ले, तर अरूये माडुप्ले। होसकै डेया कि कोइ भर्मीको असल भुमि लेखा हो। होखुरीकै येसुओ सेछ समाचार डुप्ले र जीवाले। अरु भर्मीकै चहीँ येसुओ बारेयुङ सन्देशकी इन्कार जाट्ले र होसकुङ राज्य भीट्री पर्की माडुप्ले।
येसुये पाहाका कि परमेसोरै पापीकोलाक वास्टै पेरेम जाट्ले। होसकै होखुरीककी क्षमा याकी मीमन ले र होखुरीकककी लहो सन्तान खास्की मीमन ले।
येसुये इसे र डेया कि परमेसोरै पापकी घृणा जाट्ले। अब आदम हव्वै पाप जाटा, इचे होखुरीकुङ पट्ट न सन्तानकोलाक असर पार्या। फलस्वरुप, सन्साराङ पट्ट भर्मीये पाप जाट्ले र परमेसोरलकीङ अलग जाट्नने। पट्ट
तर परमेसोरै संसाराङ लेच पट्टकी इडीक वास्टै प्रेम जाटा कि होसकै लहो काट मट्टै मीजा याहा, हिजैडेनाङ येसुमिटाक बिस्वास जाट्च सुयेर होखुरीकुङ सजाय भोक्डीकी मापर्ख्यो, तर परमेसोरखाटा सधै जीवाम ङुख्यो।
नाखुरीकुङ पापै जाट्नाङ, नाको दोषि र साट्की योग्यौ ले। परमेसोर नाकोखाटा झोक ख्योखी पर्छ हो, तर होसकै लहो झोक नाकुङ सट्टाङ येसुमीटाक ह्वाका। जब येसु क्रुसाङ सीया, होसकै नाकुङ सजाय भोग्डीया।
येसये सेन्र पाप माजाटा, तर होसकै सजाय भोग्डीकी र नाकुङ र सन्सारुङ हरेक भर्मीकुङ पाप सोटार आल्खी सिद्ध बलियो रुपाङ सीकी मीमन जाटा। येसुये लाहाकी समर्पण जाट्चबाटै परमेसोरै कुन्च पापकी क्षमा याखी ह्योक्ले।
असलल कामकै नाकोकी जीवाक्की माह्योक्ले। परमेसोरखाटा सम्बन्ध डाकी नाकै जाट्की ह्योक्च हीर कुरा माले। येसये मट्टै नाकुङ पापको हुर्की ह्योक्ले। नाकै इसे बिस्वास जाट्की न पर्ले कि येसु न परमेसोरौ मीजा ले कि नाकुङ साटो होसको कुरुसाङ सीया, र परमेसोरै फेरी होसकोकी जीवीत पार्यार सोटा।
येसुवाङ बिस्वास जाट्च र होसकोकी लहो मुक्टीदाता डेम ग्रहण जाट्च पट्टकी परमेसोरै जीवाक्ले। तर होसकोमीटाक बिस्वास माजाट्च सुकीर होसकै माजीवाक्ले। नाको धनी छान्नी वा गरीब, लेन्जा वा मास्टो, बुढा वा रेन्जा, अथवा नाको कुला ङुले, हिर फरक मापर्ले। परमेसोरै नाकोकी प्रेम जाट्ले र नाकै येसवाङ बिस्वास जाट्ख्यो डेम मीमन जाट्ले, हिजैडेनाङ नाकोखाटा घनिष्ट सम्बन्ध छान्ख्यो।
येसुये नाकोकी होसकोवाङ बिस्वास जाट्की र बप्टिसमा लाकी निम्टो याल्हे। ही नाको येसु न मसिह, परमेसोरौ काट मट्टै मीजा हो डेम बिस्वास जाट्ले? ही नाको लाहाकी पापी र परमेसोरौ दण्डओ भागिदार ले डेम बिस्वास जाट्ले? नाकुङ पापको सोटार आल्खी येसु क्रुसाङ सिया डेम ही नाको बिस्वास जाट्ले?
इडीक नाकै येसुवाङ र होसकै नाकोकुङ लागी ही जाटा डेम बिस्वास जाट्ले हो डेनाङ नाको काट ख्रिष्टियन हो।
इडीक नाको काट ख्रिष्टियन हो डेनाङ येसुये जाट्च कामै जाट्नाङ परमेसोरै नाकुङ पापको क्षमा जाट्न याम्हने।परमेसोरै अब नाकोकी काट शत्रु होइन, बरु काट घनिष्ट लाफा आर्मीटले।
इडीक नाको परमेसोरौ लाफा हो डेनाङ र येसु प्रभुओ दास हो डेनाङ नाको अब येसुये पाहाक्च कुराकुङ आग्यापालन जाट्की मीमन जाट्ले। नाको काट ख्रिष्टियन छान्नाङ र अझै नाको पाप जाट्की परिक्षाङ पर्ले। तर परमेसोर बिस्वास योग्य ले अनी डेले कि इडीक नाकै लहो पापकुङ पश्चताप जाट्ले डेनाङ होसकै नाकोकी क्षमा याल्हे। पापौ बिरुढाङ सामना जाट्की होसकै नाकोकी शक्टी याल्हे।
परमेसोरै नाकोकी प्रार्थना जाट्की होसकुङ बचन परेस्की, अरु ख्रिष्टियनकोखाटा न आरधना जाट्की अनी होसकै नाकुङ लागी ही जाटा डेम अरुकी सेटाक्की डेले। इसे पट्ट न कुराकै नाकोकी होसकोखाटा अझ घनिष्ट सम्बन्ध डाकी मदत जाट्ले।
बाइबलको कथा: रोमी ३:२१-२६, ५:१-११; यूहन्ना ३:१६; मर्कूस १६:१६; कलस्सी १:१३-१४; २ कोरन्थी ५:१७-२१; १ यूहन्ना १:५-१० बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।