48. ४८. येसु प्रतिग्या जाट्च मसिह हो
जब परमेसोरै संसारकी सृष्टि जाटा, पट्ट कुरा सिद्ध लेया। होला काट र पाप मालेया। आदम र हव्वै काटै काटकी पेरेम जाट्नन्या, अनी होखुरीकै परमेसोरकी पेरेम जाट्नन्या। होला हिर रोग वा मृत्यु मालेया। परमेसोरै चहडीस्च संसार लेया।
बगैँचाङ हव्वाकी झुक्डीकीयो लागी शैतान बुललकीङ ङाका। अनी हव्वै र आदमै परमेसोरौ बिरुढाङ पाप जाटा। होखुरीकै जाट्च पापौ कारण नै सिच, रोग रपीडा इसे पट्ट सन्सारुङ पट्ट भर्मीकुङ जीवनुङ काट हीस्सा छाना।
आदम र हव्वै पाप जाट्च बाटै हीर कुरा अझ बढी भयानक छान्की नुङा। होखुरीक परमेसोरौ शत्र हो। परमेसोर र भर्मीकुङ मीघ्याङ सम्बन्ध पापै जाट्नाङ भा। तर होसे सम्बन्धकी फेरी पुनस्थापित जाट्की परमेसोरखाटा काट योजना लेया।
परमेसोरै प्रतिग्या जाट्नन्या कि हव्वौ काट जना सन्तानै शैतानौ शिर कुच्चडीले र शैतानै होच्यो कुर्कुच्चाङ जीक्ले। इच्यौ अर्थ इसे लेया की शैतानै मसिहकी साट्ले, तर परमेसोरै होसकोकी फेरी जीवीत तुल्डीले र मसिहये शैतानौ शक्तिकी सधैयो लागी कुच्चडीले। वास्टै वर्षपछि, परमेसोरै येसु न मसिह हो डेम प्रकट जाटा।
जब परमेसोरै पट्ट न पृथ्वीकी जलप्रलायलकीङ नास जाटा, होसकोमीटाक बिस्वास जाट्च भर्मीकोलाक होसकै जहाज प्रदान जाटा। ठिक होसे न ढङ्गये, पट्ट न जना लहो पापौ कारण नाश पार्की योग्यौ छान्ले, तर परमेसोरै होसको मीटाक बीस्वास जाट्च पट्टकी उद्धार जाट्कीयो लागी येसुकी बीर्न्हकाच हो।
वास्टै वर्षसम्म, पुजाहारीकै भर्मीकुङ लागी होखुरीकुङ पापौ खातिर होखुरीकै डुप्की पर्च दण्डओ साट्टा परमेसोरकी निरन्तर रुपाङ बलिको चढडीया। तर होसे बलिकै होखुरीकुङ पाप सोटार आल्खी माय्होका। येसु चहीँ प्रधान पुजाहारी ले। अरु पुजाहारीकुङ अगाडी, होसकै लाहाकी काट मट्टै बलियो रुपाङ सुम्पडीया होसकै सन्सारुङ पट्ट भर्मीकुङ पाप सोटार आल्खी य्होक्ले। येसु सिद्ध प्रधान पुजाहारी ले हिजैडेनाङ हरेक भर्मीये जाट्च पट्ट पापौ लागी होसकै दण्ड भोग्डीया।
परमेसोरै अब्राहामकी डेया, “पृथ्वीयुङ पट्ट भर्मी जातीको नाङ लकीङ आशिषित छान्ले।” येसु अब्राहामौ काट सन्तान लेया। पट्ट न भर्मी जातिको होसको लकीङ आशिषित छान्ले, हिजैडेनाङ पट्ट जना जुनै येसुवाङ बिस्वास जाट्ले, होखुरीकै पापलकीङ उद्धार डुप्ले र अब्राहामौ आत्मिक सन्तान छान्ले।
जब परमेसोरै अब्राहामकी होच्यो लेन्जा मीजा, इसहाककी, काट बलि स्वरुप चढडीकी डेया, परमेसोरै बलियो निम्ती मेन लेन्जा मीजा इसहाकौ सट्टाङ काट थुमा याहा। काल्हौ पट्ट जना काल्हौ पापौ खातिर साट्कीयो योग्य ले।
जब परमेसोरै मिश्रदेसाङ अन्तिम विपत्ति बिर्न्हका, होसकै हरेक इस्राएली परिवारकी काट सिद्ध थुमाकी साट्की र होच्यो हीउ होखुरीकुङ इमुङ गालामौ नीस पट्टीयुङ खम्बाको र ढेनामुङ भागाङ काकी डेया। जब परमेसोरै होसे हीउ डाङा, होसकै होखुरीकुङ इमकोलाक डासार नुङा र होखुरीकुङ जेठा सन्तानकोलाक मासाटा। इसे घटनाकी निस्तार चाड डेले।
येसु कानुङ लागी निस्तारौ थुमा ले। होसको सिद्ध र पापरहीत लेया र निस्तारचाडौ उत्सवौ समयाङ साटा। जब कुसेर येसवाङ बिस्वास जाट्ले, येसुओ हीवै होसे भर्मीयो पापौ मोल टेरीस्ले, अनी परमेसोरौ दण्डये होसे भर्मीकी डासार नुङ्ले।
परमेसोरै इस्राएलीको खाटा काट करार छ्याका, होखुरीक होसकुङ चुन्डीच भर्मीको लेया। तर अब परमेसोरै काट नयाँ करार खास्नने, जुन चहीँ पट्टओ निम्ति उपलब्ध ले। इसे नयाँ करारौ कारनै जाट्नाङ कुसेर भर्मीये येसुवाङ बिस्वास जाटार परमेसोरौ सन्तान छान्की माय्होक्ले।
मोशा महान अगमबक्टा लेया जुनै परमेसोरौ बचनौ घोषणा जाटा। तर येसुचाहीँ महान अगमबक्टा हो। होसको परमेसोर हो, होटबाटै होसकै जाट्च र डेच पट्ट ठोक परमेसोरौ बचनौ कामको लेया। होटबाटै येसुकी परमेसोरौ बचन डेले।
परमेसोरै दाउद राजाकी प्रतिग्या जाट्नन्या कि होच्यो सन्तानको मढ्याङ काट जनै राजौ रुपाङ सधैयो लागी परमेसोरौ भर्मीको मीटाक राज्य जाट्ले। हिजैडेनाङ येसु परमेसोरौ पुत्र र मसिह हो, होसकै दाउदौ होसे बिसेस सन्तान हो होसकै सधैभरी राज्य जाट्की य्होक्ले।
दाउद इस्राएलुङ राजा लेया तर येसु चहीँ सन्सारुङ राजा हो
बाइबलको कथा: उत्पत्ती १-३,६,१४,२२; प्रस्थान १२, २०; २ शमूएल ७; हिब्रु ३:१-६, ४:१४-५:१०, ७:१-८:१३, ९:११-१०:१८; प्रकाश २१ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।