47. ४७. पावल र सीलास फिलिप्पीयाङ
जब शाउल रोमी साम्राज्यभरी यात्रा जाटा, होचे मेन रोमी म्यार्मीन “पावल” लौ क्योट्की ठाला। कायाक पावल र मेन लाफा सिलास फिप्पीयुङ सहराङ येसुओ बारेयाङ सेछ समाचार सेटाक्की नुङा। होखुरीक नदिलकीङ छानार सहरौ बाहिरी काट ठावाङ नुङा होला भर्मीको प्रार्थना जाट्की भेला छान्नन्या। होला होखुरीकै लिडिया म्यार्मीन जाट्च काटजना मास्टोकी डुपा होसे चहीँ काट ब्यापारी लेया। होचे परमेसोरकी प्रेम र आरधना जाट्नन्या।
येसुओ बारे सन्देशकी बिस्वास जाट्की परमेसोरै लिडीयौ रीदय खोलिमयाहा, अनी होसे र होच्यौ परिवारै बप्टिस्मा ला। होचे पावल र सिलासकी लहो इमाङ ङुकी निम्टो याहा, होटबाटै होखुरीक होसे र होच्यौ परिवारखाटा ङुवा।
पावल र सिलास होसे प्रार्थना जाट्च ठावाङ भर्मीकोखाटा डुप्च जाट्नन्या। हरेक दिन होखुरीक होला ह्वाच जाट्नन्या, भुत आत्मा लकडीस्च काट कमारी मास्टोये होखुरीककी डुट्नन्या। होस भुत आत्मौ माध्यमलकीङ होचे भर्मीकुङ जोखना ङोस्च जाट्नन्या, इटजाट्न जोखना ङोसार होचे लहो मालिककुङ लागी वास्टै कमाइ जाट्न याम्हन्या।
होसे कमारी मास्टोये इट डेचै च्याक्की ठाला, “इसे भर्मीको सर्वोच्चो परमेसोरौ सेवकको हो। इखुरीकै नाखुरीककी मुक्टीयो लामौ घोषणा जाट्नन ले।
अन्तिमाङ जब होसे कमारी मास्टो च्याक्की थाला, पावल होसेपटिक ल्हेसा र होसे भिट्री लेच दुष्टआत्माकी डेया, “येसुओ म्यार्मीनाङ, होसेलकीङ बाहिर रान्हा।” अनी होसे दुष्टआत्मै होसे न घडी होसकी डासार नुङा।
होसे कमारी मास्टोओ मालिकको अति मिरिस ख्योवा
होटबाटै होसे कमारी मास्टोओ मालिकै पावल र सीलासकी रोमी अधिकारीको लेठाङ लार नुङा, होचे होखुरीककी डुङा र झ्यालखाना भिट्त्री का।
होखुरीकै पावल र सीलासकी झ्यालखानौ पट्टडेनाङ सुरक्षित ठावाङ डा र होखुरीकुङ मीखुट्याङ ठिँगुरो समेत ठोक्डीम याहा। हिजैडेनाङ मध्यरातौ समयाङ होखुरीक परमेसोरौ प्रंशसौ ल्हीङको ल्हीङ ङुमन्या।
एक्कासी, होला काट बाड्को भुईँचालो राहा
झ्यालखानुङ हाकिम मीमीकलकीङ रीङ्हा, अनी जब होचे झ्यालखानुङ गालामको खोलिस्न ङुच डाङा, होसे बिर्हिया
होसे बिर्हियार बुरुक्चै पावल र सिलासौ अघी राहा र गीना, “उद्धार डुप्कीयो लागी ङै ही जाट्की पर्ले?” पावलै जवाफ याहा, “येसु प्रभुवाङ बिस्वास जाट्नी, अनी नाको र नाकुङ परिवारै उद्धार डुप्ले।” अनी होसे हाकिमै पावल र सिलासकी लहो इम भिट्री आल्हा र होखुरीकुङ म्हाको हुर्न याहा। पावलै होच्यो इमाङ लेच पट्ट की येसुओ बारेयाङ सेछ समाचार सेटाका।
होसे हाकिम र होच्यो सारा परिवारै येसुवाङ बिस्वास जाटा र बप्टिसमा ला। अनी होसे हाकिमै पावल र सिलासकी भोजन याहा र होखुरीकै काठोवाङ न आनन्द मन्डीया।
होच्यो अर्को याक शहरुङ हाकिमकै पावल र सिलासकी झ्यालखानालकीङ डास्न याहा र होखुरीककी फोलिप्पीलकीङ ख्योखी डेया। पावल र सिलास लिडीया र अरु कुडीक लाफाकै डुपा र होटै शहर डासार ह्वा। येसुओ बारेयाङ सेछ समाचार फैलडीस्चै नुङा र मण्डली बट्डीस्चै नुङा।
पावल र अरु ख्रिष्टियान अगुवाको वास्टै शहराङ येसुओ बारेयाङ सेछ समाचार प्रचार जाट्चै र शिक्षा याछै यात्रा जाटा। होखुरीकै मण्डलीयाङ लेच बिस्वासीकोलाक उत्साह याकी र पाहाक्की वास्टै चिठीको रीका। इसे मढ्याङ कोइ कोइ चिठीको छिनी बाइबलौ किताबको छान्नने।
बाइबलको कथा: प्रेरित १६:११-४० बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।