46. ४६. पावल बिस्वासी छाना
शाउल होसे जवान भर्मी लेया सुये स्तिफनसकी साट्चकुङ वस्त्रको हेरचाह जाट्नन्या। होचे येसुवाङ बिस्वास माजट्नन्या, होटबाटै होसे बिस्वासीकोलाक सटडीच जाट्नन्या। होसे यरुसलेमुङ इम इमाङ नुङ्न्या र लेन्जा मास्टोको नीसकी न घोवार झ्यालखानाङ कामयाम्हन्या। प्रधान पुजाहारीये शाउलकी दमस्कसौ सहराङ नुङार खीस्टीयनकोलाक घोवार होखुरीककी यरुशलेमाङ ल्हेटार राक्च स्वीकृति याम्हन्या।
जब शाउल दमस्कसलाक नुङ्ङ न लेया, सोर्गलकीङ काट ट्याङ्छ ज्योटी होच्यौ बुली न पटीक चम्कडीसा र होसे झाङ कुह्रुवा। शाउलै कुचेर इट डेच सेया, “शाउल
जब शाउल सोवा, होचे हीर डाङ्की माय्होका। होच्यो लाफाकै होसकी दमस्कससम्म डोरीयार आल्हा। शाउलै सोम डीनसम्म न हीर माज्या।
दमस्कसाङ हननिया म्यार्मीन लेच काट जना चेला लेया। परमेसोरै होसकी डेया, “होसे इमाङ नुङ्ना होला शाउल ङुमङुमने। नुओ मीहुटको होसे मीटाक डौ हिजैडेनाङ होचे फेरी डाङ्की ह्योक्ख्यो।” तर हननिये डेया, “प्रभ, इसे भर्मीये बिस्वासीकोलाक कुजाट्न सटडीमन्या डेम ङै सेमने।” परमेसोरै होसकी जवाफ याहा, “नुङ्ना
होटबाटै हननिया शाउल लेठाङ नुङा, होच्यो मीहुटको होसे मीटाक डा, र डेया, “येसु, नाङ राम्हन लेच लामाङ देखा पर्या, होसकै ङाकी नाङ लेठाङ बिर्नहकामने हिजैडेनाङ नाङ फेरी डाङ्की ह्योक्च छान्ख्यो र पवित्र आत्मै भरिपुर्ण छान्ख्यो।” शाउल तुरुन्तै ढाङ्की ह्योक्च छाना, र हननिये होसकी बप्टीस्मा याहा। अनी शाउलै हीर ज्याच कुरा ज्या र होसकी तागत राहा।
होच्यो लगातै, शाउलै दमस्कसाङ लेच यहुदिकोलाक इट डेचै प्रचार जाट्की ठाला, “येसु न परमेसोरौ मीजा हो
वास्टै दिन पछि, यहुदिकै शाउलकी साट्च योजना खासा। होसकी साट्कीयो लागी होखुरीकै शहरुङ गालामकोवाङ ढुक्डीस्की भर्मीको बिर्न्हका। तर शाउलै होसे योजनौ बारेयाङ सेया, र होच्यो लाफाकै होसकी भोक्डीस्की सहायता जाटा। कायाक नाबीक होखुरीकै होसकी डालोवाङ कार शहरौ पर्खाललकीङ म्हाका झालाक्ङ याहा। शाउल दमस्कसलकीङ भोक्डीस्च पछि होचे येसुओ बारेयाङ प्रचार जाट्च काम निरन्तर जाट्न न ङुवा।
शाउल चेलाकोखाटा डुप्की यरुशलेमाङ नुङा, तर होखुरीक बीर्हीया। अनी बरनाबास म्यार्मीन जाट्च काट जना बिस्वासीये शाउलकी पेरेरित लेठाङ आल्हा र होखुरीककी कुजाट्न शाउलै साहसखाटा दमस्कसाङ प्रचार जाट्नन्या डेम डेया। होटै चेलाकै शाउलकी स्वीकार जाटा।
यरुशलेममाङ लेच सतावतलकीङ भोक्डीस्च हीर बिस्वासीको लोस एन्टिओखियुङ शहराङ नुङा र येसुओ वारेयाङ प्रचार जाटा। एन्टिओखियुङ प्राय: भर्मीको यहुडीको मालेया, तर पहिलो पटक, होखुरीकलेठाङ र वास्टै जना बिस्वासी छाना। बरनाबास र शाउल होला इसे नयाँ बिस्वासीकोलाक येसुओ बारेयाङ अझ बढी शिक्षा याखी र मण्डलीकी बलियो खास्की नुङा। येसुवाङ बिस्वास जाट्चकोलाक पहिलो खेप “ख्रिष्टियनको” डेच ठाउँ एन्टीओखिया लेया।
कायाक, जब एन्टीओखियाङ लेच ख्रिष्टियनको उबास र प्रार्थना जाट्न न लेया, जब पवित्र आत्मै होखुरीककी डेया, “ङौ लागी बारनाबास र शाउलकी होसे कामौ लागी अलग जाटो जुन कामौ लागी ङै होखुरीककी आर्घामने।” होटबाटै एन्टीओखीयुङ मन्डलीये बरनाबास र शाउलौ लागी प्रार्थना जाटा र होखुरीकुङ मीहुट होखुरीक मीटाक डा। अनी होखुरीकै होखुरीककी येसुओ बारेयाङ अरु वास्टै ठाउँकोवाङ सेछ समाचार प्रचार जाट्की बिर्न्हका। बरनाबास र शाउलै खाल खालुङ जातियुङ भर्मीकोलाक शिक्षा याहा, र वास्टै भर्मीकै येसुवाङ बिस्वास जाटा।
बाइबलको कथा: प्रेरित ८:३; ९:१-३१; ११:१९-२६; १३:१-३ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।