45. ४५. फिलिप र इथियोपिकौ उच्च पदाधिकारी
शुरुउङ मण्डलीयुङ अगुवाको मढ्याङ स्तिफनस म्यार्मीन जाट्च काट भर्मी लेया। होखुरीक असल प्रतिष्ठा अनी पवित्र आत्मा र बुद्धिये भरपुर लेच भर्मी लेया। स्तिफनसै वास्टै आश्चर्यकर्मको जाटार भर्मीकै येसुवाङ बिस्वास जाट्की पर्ले डेम सशक्त ढङ्गये तर्क जाट्नन्या।
कायाक, जब स्तिफनसै येसुओ बारेयाङ शिक्षा याम्हन लेया, येसुवाङ बिस्वास माजाट्च सुर यहुदिको स्तिफनसखाटा विवाद जाट्की पा। होखुरीक वास्टै मिरिस ख्योवा र स्तिफनसकी सम्बन्धाङ धार्मिक अगुवाकोलाक झुटो गवाही याहा। होखुरीकै डेया, “होचे मोशा र परमेसोरौ बारेयाङ दुष्ट कुराको डेच कानै सेया।
प्रधान पुजाहरीकै स्तिफनसकी गीना, “ही इसे कुराको सत्य हो?” स्तिफनसै होखुरीककी परमेसोरै अब्राहाम लकीङ लार येसुओ समयसम्म जाट्च कयौँ महान कामको र कुजाट्न परमेसोरौ भर्मीकै निरन्तर रुपाङ होसकुङ आग्यापालन माजाट्च डेम आर्मीटाक्चै जवाफ याहा। अनी होचे डेया, “नाको हठी र बिद्रोही भर्मीकै सधै पवित्र आत्माकी इन्कार जाटा र होसकुङ अगमबक्टाकोलाक साटा। तर नाखुरीकै च हीर कुरा अझ बढी जाटा, जुन होखुरीकै जाटा डेनाङ खराब लेया।
जब होसे धार्मिक अगुवाकै इसे कुरा सेया, होखुरीकै इडीक क्रोधित छाना की होखुरीकै लहो मेनेकेप ठुनार चर्को सोरै च्याका। होखुरीकै स्तिफनसकी शहर बाहिर घिसारीयार आल्हा र होसकी साट्की ल्हुङै ङापा।
जब स्तिफनस सिकी पामन्या, होचे च्याकार डेया, “येसु, ङौ आत्माकी ग्रहण जाट्नी।” अनी होचे लहो घुँडा टेक्डीया र फेरी चर्को सोरै इट डेयार च्याका, “प्रभु, इसे पापौ दोष इखुरीक मीटाक मालक्डीस्ख्यो।” होटै होसे सिया।
शाउल म्यार्मीन जाट्च काट जना जवान भर्मी स्तिफनसकी साट्च भर्मीकोखाटा सहमत छाना र होखुरीकै ल्हुङ ङाप्चै जाट्नाङ होखुरीकुङ बढीनकुङ रखवाली जाट्न याहा। होसे याक लकीङ, यरुशलेमाङ वास्टै भर्मीकै येसुओ चेलाकोलाक सटडीकी ठाला, होटबाटै बिस्वासीको अरु ठाउँकोवाङ भोग्डीसार नुङा। तर होडीक छान्नाङ र पनि होखुरीकै लाहा नुङ्च पट्ट न ठाउँकोवाङ येसुओ प्रचार जाटा।
फिलिप म्यार्मिन लेच येसुओ काट जना चेला लेया होसे सटावटौ समयाङ यरुसलेमलकीङ भोग्डीसार नुङ्च बिस्वासीको मढ्याङ काट लेया। होखुरीक सामरीयाङ नुङा जहाँ होचे येसुओ प्रचार जाटा र होलुङ पट्ट न भर्मीको जीवाक्ङन्या। अनी कायाक, परमेसोरौ काट दुतै फिलिपकी मरुभुमीयो लामाङ नुङ्की डेया। होटै होसे होसेन लामाङ ह्वामन लेया, फिलिपै इथियोपियुङ काट जना महत्वपुर्ण सरकारी कर्मचारीकी लहो रथाङ काल्हार नुङ्ङ न लेच डाङा। अनी पवित्र आत्मै फिलिपकी नुङार होसे भर्मीको खाटा कुरा जाट्की डेया।
जब फिलिप होसे रथौ खेरेप टाराहा, होचे इथियोपियाली भर्मीकै यशैया अगमबक्टै रीक्च पत्रलकीङ परेस्न ङुच सेया। होसे भर्मीये परेसा, “जसरी भेडा डठ्याक्की आल्हे, होजाट्न न होचे लहो मेङ्गेर माखोलीया। होच्यो अपमानित अवस्थाङ होसकी न्याय माखाटा। हिजैडेनाङ होच्यो जीवन पृथ्वीलकीङ म्हाटा।”
फिलीपै होसे इथियोपियालीकी गीना, “नाकै परेस्न ङुच कुरा ही नाकै बुझडीसा?” होसे इथियोपियालीये जवाफ याहा, “अहँ। सुयेर मासेटाक्ङ ङा जुजाट्न बुझडीस्की ह्योक्ले र? कशपाया रान्ही र ङौ छेवाङ ङुनी। ही यसैये लहो बारेयाङ रीक्च हो वा अरु सुओर बारेयाङ?”
फिलिपै होसे इथियोपियाली भर्मीकोलाक यसैये येसुओ बारेयाङ रीक्ङन्या डेम ब्याख्या जाट्न याहा। फिलिपै होसकी येसुओ बारेयाङ सेछ समाचार सेटाक्की अरु पत्रकुङ र प्रयोग जाटा।
जब फिलिप र होसे इथियोपियाली यात्रा जाट्न न लेया, होखुरीक डी लेच ठावाङ टाराहा। होसे इथियोपियालीये डेया, “ङोस्नी
होटबाटै होखुरीक म्हाका डी लेच ठावाङ नुङा, अनी फिलिपै होसे इथियोपियालीकी बप्टिसमा याहा। होखुरीक डीलकीङ बाहिर राछ पछि अचानक पवित्र आत्मै फिलिपकी अरु पटिक न आल्हा होला होचे भर्मीकोलाक येसुओ बारेयाङ सेटाक्ङ ङुवा।
हो से इथियोपियाली भर्मी चहीँ लहो इम पटिक नुङ्की लामकी निरन्तरता याहा, होचे येसुकी चिन्डीच बाटै होसे निकै खुसी लेया।
बाइबलको कथा: प्रेरित ८:५; ८:२६-४० बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।