44. ४४. पत्रुस र युहन्नै भिखारीकी गेपाक्च
कायाक, पत्रुस र युहन्ना मन्दिर नुङ्ङ न लेया। जस्तै होखुरीक मन्दिरौ गालामाङ टाराहा, होखुरिकै काटजना लङ्गडो भर्मीकोलाक डाङा जो पैसौ लागी भिख ङेम्हङुमन्या।
पत्रुसै होसे लङ्गडाकी भर्मीपटिक ङोसार डेया, “नाङकी याखी ङाखाटा पैसा च माले। तर ङाखाटा ही ले, ङा नाङ्की याल्हे। येसुओ म्यार्मीनाङ सोना र ह्वाना
तुरुन्तै, परमेसोरै होसे लङ्गडो भर्मीकी गेपाका, अनी होसे ह्वाचै र फोर्जोछै परमेसोरौ प्रशँसा जाट्की पा। मन्दिरौ चोकाङ लेच भर्मीकै इसे डाङार अचम्मित छाना।
काटछिनाङ भर्मीकै होसे गेप्च होसे भर्मीकी ङोस्की राहा। पत्रुसै होखुरीककी डेया, “इसे भर्मी गेप्ख्यो डेम नाखुरीक हीजै अचच्मित ले? कानै होसकी कानुङ लहो न शक्टी वा भलाइयो लागी गेपाक्च होइन बरु इसे च येसुओ सक्ति होसकै याछ बिस्वास हो, होचे इसे भर्मीकी गेपाका।”
नाखुरीक न ले जुनै रोमी राज्यपालकी येसुकी साट्की डेया। जीवनौ रचनाकी नाखुरीकै साटा तर परमेसोरै सीचलकीङ होसकोकी जीवाका। नाखुरीककी लाहा ही जाट्न न ले डेम थाहा माछान्नाङ र पनि, परमेसोरै अगबाणीकोलाक पुरा जाट्की नाकुङ कामकोलाक क्योटा हीजैडेनाङ मसिहये कष्ट भोग्डीले र सीले। होटबाटै अब, पश्चताप जाट्नी र परमेसोरपटिक ल्हेस्नी ताकि नाखुरीकुङ पापको हुर्ख्यो।”
पत्रुस र युहन्नै डेच कुराकै जाट्नाङ मन्डीरुङ अगुवाको वास्टै मिरिस ख्योमन्या। होटबाटै होखुरीकै होखुरीककी घोवा र झ्यालखानाङ काम याहा। तर वास्टै भर्मीकै पत्रुसौ सन्देशकी बिस्वास जाटा र येसुवाङ बिस्वास जाट्च भर्मीकुङ सङ्ख्या करिब ५००० लेया।
अर्को याक, यहुदी अगुवाकै पत्रुस र युहन्नाकी प्रधान पुजाहारी र अरु धार्मिक अगुवाकुङ म्याहासाङ राका। होखुरीकै पत्रुस र युहन्नाकी गीना, “कुसे सक्टीलकीङ नाखुरीकै इसे सक्टीलकीङ नाखुरीकै इसे लङ्गडा भर्मीकी गेपाका?”
पत्रुसै जवाफ याहा, “नाखुरीकुङ मीहासाङ टोङ्ह ङुच इसे भर्मी येसु मसिहौ शक्टीलकीङ गेपाका। नाखुरीकै येसुकी क्रुसाङ टङ्गडीसा, तर परमेसोरै होसकोकी फेरी जीवीत पार्या।
पत्रुस र युहन्नै होजाट्न साहस खाटा ङाक्च डाङार होसे अगुवाको छक्क पर्या हीजैडेनाङ होखुरीकै डाङ्की य्होक्न्या कि होखुरीक साधरण र अशिक्षित भर्मीको लेया। तर पछि इसे भर्मीको येसुखाटा ङुमन्या डेम होखुरीककी याद राहा। पत्रुस र युहन्नाकी चेतावनी याछपछि होखुरीकै होखुरीककी डास्न याहा।
बाइबलको कथा: प्रेरित ३:१-४:२२ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।