43. ४३. मन्डलीयो शुरुवात
येसु सोर्गाङ ल्हेस्रखीङ, चेलाको येसुये आग्या जाट्च पछी यरुसलेमाङ न ङुमङुवा। होला लेच बिस्वासीको प्रार्थना जाट्की निरन्तर रुपाङ भेला छाना।
हरेक वर्ष निस्तार चाडौ ५० दिनपछि, युहुदिकै महत्वपुर्ण दिन, पेन्टिकोसौ दिन मन्डीच जाट्नन्या, जब यहुदिकै कटनीयो उत्सव मन्डीच जाट्नन्या। यहुदिको पट्ट न सन्सारलकीङ यरुशलेमाङ काठोवाङ न पेन्टिकोसौ दिन मन्डीकी राम्हन्या। होसे वर्ष पेन्टिकोषौ दिन चहीँ येसु स्वार्गारहण छान्च करिब १० याक पछि लेया।
जब विस्वासीको पट्ट न काठोवाङ लेया, अचानक होखुरीक ङुमङुच काट बाड्को सक्टीसाली नाम्सुओ झोक्का ल्याक्च न आवाजै न्हेपा। होटै न्हुइङ म्हेओ ज्वाला लेखान डाङ्च वस्टु पट्ट बीस्वासीकुङ शिरमीटाक डाङा। होखुरीक पट्ट न आट्मै भरिस्च लेया र होखुरीक अन्य भाषाकोवाङ ङाक्की ठाला।
जब यरुसलेमाङ लेच भर्मीकै होसे हल्ला सेया, भिड ही छान्ननेसा डेम ङोस्की राहा। जब भर्मीकै बिस्वासीकै परमेसोरौ अचम्मौ कामको प्रचार जाट्न ङुच सेया, होखुरीक आश्चार्यचकित चानाकी होखुरीकै इसे कुराको लहो न मातृभाषाकोवाङ सेमङुमन्या।
ही भर्मीकैचेलाकोलाक मढ्यये म्होर्च आरोप लैडीया। तर पत्रुस खडा छाना र होखुरीककी डेया, “ङौ कुरा सेनी
“इस्एलुङ भर्मीको हो, येसु काट भर्मी लेया जुनै परमेसोरौ सक्टीलकीङ वास्टै महान चिन्ह र अचच्मौ कामको जाट्न न्या जुन नाखुरीकै डाङ्ङने र थाहा जाट्नने। तर नाखुरीकै होसकोकी क्रुसाङ टाङ्गडीया
“येसु सीनाङ र पनि, परमेसोरै होसकोकी सिचलकीङ सोटा। इसे कुरै होसे भविष्यवाणी पुरा जाटा, जुनै डेमन्या कि, ‘नाकै लहो पवित्र जनकी चिहानाङ घेरेलकी माय्हाले।” कान होसेन कुराकुङ साक्षी हो, हिजैडेनाङ परमेसोरै येसुकी फेरी जीवाका।”
“येसु चाहा परमेसोर बोयौ दाहिने पटिक महिमित ले। अनी येसये प्रतिग्या जाट्नाङ लेखा न पवित्र आत्मा बिर्न्हकामने। नाखुरीकै चाहाँ डाङ्ङ ङुच र सेमङुच कुराको पवित्र आत्मै न जाट्न ङुच हो।”
“नाखुरीकै येसुकी क्रुसाङ टाङ्गडीया। तर इसे कुरा पक्का जाट्न वार्न्हीकी परमेसोरै येसुकी प्रभु र मसिह नीस न खासा।
पत्रुसौ कुरा सेमङुच भर्मीकै होचे डेच कुराकै गहिरो प्रभाव पार्या। होटबाटै होखुरीकै पत्रुस र चेलाकोलाक गीना, “भाइको, काल्है ही जाट्की पर्ले?”
पत्रुसै होखुरीककी जवाफ याहा, “नाखुरीक हरेकै पश्चताप जाट्की पर्ले र येसु खीरीस्टौ म्यार्मीनाङ बप्टिसमा लाकी पर्ले, होसे लकीङ परमेसोरै नाखुरीकुङ पाप क्षमा जाट्न याल्हे। अनी होसकै नाकोकी पवित्र आत्मौ वरदान याल्हे।”
करिब ३००० भर्मीकै पत्रुसै डेच कुराङ बिस्वास जाटा र येसुओ चेला छाना। होखुरीक डप्टिसमा छाना र होखुरीक यरुशलेमुङ मण्डलीयो हीस्सा छाना।
होसे चेलाकै निरन्तर रुपाङ प्रेरितकुङ शिक्षा सेमन्या, काठौवाङ समय बितडीमन्या, काठोवाङ ज्यामन्या र काटै काटकी प्रार्थना जाट्नन्या। होखुरीक काठोवाङ परमेसोरौ प्रशंसा जाट्की माह्राङ्न्या र होखुरीकै लाहाखाटा लेच पट्ट न ठोक काटै काटकी पुङ्ङ न लेया। हरेकै होखुरीकुङ बारेयाङ असल आर्मिट्नन्या। हरेक दिन, अझ वास्टै भर्मीको बिस्वासी छाना।
बाइबलको कथा: प्रेरित २ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।