42. ४२. येसु सोर्ग ल्हेस्च
येसु सीचलकीङ जीवाम सोच डीन, होसकुङ नीसजना चेलाको खेरेपुङ लाङ्घालाक नुङ्ङ न लेया। होखुरीक ह्वानाङ ह्वानाङ न होखुरीकै येसुकी ही छान्च डेच बिसयाङ कुरा जाटा। होखुरीकै आसा जाट्नन्या की होसको मसिह लेया तर होसको सीकी पर्या। अब मास्टोकै डेया कि होसको फेरी जीवीत ले। होखुरीककी ही मीटाक बिस्वास जाट्की होसे थाहा मालेया।
येसु होखुरीकलेठाङ टाहा र होखुरीक खाटा न ह्वाकी ठाला, तर होखुरीकै होसकोकी माचीन्डीया। होसकै होखुरीककी हीयो बारेयाङ कुरा जाट्च डेम गीना, अनी होखुरीकै होसकोकी बिगतुङ हीर डीनकोवाङ येसुओ सम्बन्धाङ लेच पट्ट उल्लेख जाट्च कुराको सेटाका। होखुरीकै आर्मीट्नन्या कि होखुरी काट परदेसीखाटा कुरा जाट्न न ले, होसकोकी यरुशलेमाङ ही छान्नन्या होसे थाहा मालेया।
होटै येसुये होखुरीककी परमेसोरौ वचनै मसिहौ बारेयाङ ही डेमने होसे ब्याख्या जाट्न याहा। होसकै होखुरीककी स्मरण जाटा की अगमबक्टाकै डेमन्या: मसिहये कष्ट भोक्डीले र सीले तर सोम याकाङ फेरी जीवाम सोले। जब होखुरीक होसे लाङ्घाङ टाराहा होला होसे नीस भर्मीकै ङुच योजना खासा, होडीक बेला करिब साझ पर्न भ्यामन्या।
होसे नीस भर्मीकै येसुकी होखुरीकखाटा न ङुच निम्टो याहा, होटबाटै होसको होखुरीकखाटा ङुवा। जब होखुरीक नाबेलुङ ज्यामा ज्यार तयार छाना, येसुये रोटीयो काट टुक्रा ला, परमेसोरकी होच्यो लागी धन्यवाद याहा, र होसे ग्याका। अचानक, होखुरीकै होसको येसु हो डेम चिन्डीया। तर होसे न घडी होसको होखुरीकूङ नजर लकीङ अलप छाना।
होसे नीस भर्मीकै काटै काटकी डेया, “होसको च येसु पो लेसा
जब चेलाको कुरा जाट्न ङुमन्या, अचानक येसु होसे कोठाङ होखुरीक लेठाङ डाङा र डेया, “नाङ्की शान्ति
येसुये डेया, “ङै नाखुरीककी डेमन्या कि ङौ बारेयाङ परमेसोरौ वचनाङ रीक्च पट्टन कुरा पुरा छान्की न पर्न्या।” अनी होसकै होखुरीकुङ म्याहासाङ खोलिम याहा ताकी होखुरीकै परमेसोरौ बचन बुझडीस्की य्होक्ख्यो। होसकै डेया, “इसे च धेरै पहिले रीक्ङन्या कि मसिहये कष्ट बोक्डीले सिले अनी सोम याकाङ सीचलकीङ जीवाम सोले।”
धर्मशास्त्राङ इट र रीक्ङने की ङौ चेलाकै घोषणा जाट्ले कि पट्ट जनै लहो पाप शमा डुप्कीयो लागी पश्चताप जाट्की पर्ले। होखुरीकै इसे कुरा यरुशलेमलकीङ शुरु जाट्ले, अनी होटै पट्ट न भर्मीको लेठाङ नुङ्ले। नाकुरीक इसे कुराकुङ साक्षि छान्ले।”
अनी चालीस याक सम्म येसु होसकुङ चेलाको लेठाङ वास्टै पटक देखा पर्या। काट खेप होसको ५०० जना डेनाङ वास्टै भर्मीको लेठाङ समेत डसङअ। होसकै लहो चेलाकोलाक वास्टै प्रकारै लाहा जीवीत ले डेम प्रमाणित जाटा, अनि होसकै होखुरीककी परमेसोरौ राज्यौ बारेयाङ पाहाका।
येसये होसकुङ चेलाकोलाक डेया, “सोर्ग र पृथ्वीयाङ लेच पट्ट न अढिकार ङाकी याम्हने। होटबाटै नुङ्नी पट्ट जातियुङ भर्मीकोलाक मीजा र पवित्र आत्मौ म्यार्मीनाङ बप्टिसमा याहार चेला खास्नी र होखुरीककी ङै नाखुरीककी आग्या जाट्च पट्ट न कुरा पालन जाट्की पाहाको। याद डौ ङा सधै नाखुरीकखाटा छान्ले।”
येसु सीचलकीङ जीवाम सोरखीङ चालिस याक पछि, होसकै चेलाकोलाक डेया, “ङौ बोये नाखुरीककी शक्ति याछ पछि जब पवित्र आत्मा नाखुरीक लेठाङ राल्हे, होडीक बेला सम्म नाखुरीक यरुशलेमाङ न ङुकी।” अनी येसु मीटाक सोर्गाङ नुङा र डेबुये होसकोकी होखुरीकुङ नजरलकीङ हुपा। येसु पट्ट न कुराको मीटाक राज्य जाट्की परमेसोरौ डोर मीहुट पटिक ङुवा।
बाइबलको कथा: मत्ती २८:१६-२०; मर्कूस १६:१२-२०; लूका २४:१३-५३; यूहन्ना २०:१९-२३; प्रेरित १:१-११ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।