6. ६. परमेसोरै इसहाककी याहा
अब्राहम बुढा छान्नाङ, होच्यो लेन्जा मीजा इसहाक, काट परिपक्क भर्मी छान्नभ्यामन्या। होटबाटै अब्राहमै लहो काट नोकरकी लहो भर्मीको लेच देसाङ इसहाकौ लागी काट भौजा पार राक्की बिर्न्हका।
अब्राहामौ लहो भर्मीको ङुच देसपटिक लोक्च यात्रा पस्चात, परमेसोरै होसे नोकरकी रेबिका म्यार्मीन काट जना मास्टो जजा लेठाङ टाहाका। होसे अब्राहामौ भाइयो नातिनी लेया।
रिबेका लहो परिवारकी डासार होसे नोकरखाटा इसहाकौ इमाङ नुङ्की मन्डीया। होसे टाछ बितक्कै इसहाकै होसेखाटा ब्याहा जाटा।
वास्टै समयपछि, अब्राहाम सिया अनी परमेसोरै होसे खाटा छ्याक्च पट्ट न करार अब इसहाकलेठाङ सरीसा। परमेसोरै अब्राहामौ वास्टै हील्की माय्होक्च सन्तान छान्ले डेम प्रतिग्या जाट्नन्या, तर इसहाकौ मास्टो रिबेकौ सन्तान माछान्नन्या।
इसहाकै रिबेकौ लागी प्रार्थना जाटा, अनी परमेसोरै होच्यो कोखाङ जुम्ल्या मीजाको याहा। होसे नीस मीजाकै रिबेकौ गर्भ भिट्री लेनाङ न पुन्खी ठा, होटबाटै रिबेकै परमेसोरखाटा इसे ही छान्न न ले डेम गीना।
परमेसोरै रिबेकाकी डेया, “नाङ भिट्री लेच इसे नीस लेन्जा मीजाको नीस न राष्ट्राङ राल्हे। होखुरीक नीस जना पुन्हे र जेठा मीजै कान्छा मोजौ सेवा जाट्ले।”
जब रेबीकौ लेन्जा मीजाको डीन्हा, जेठा चही ग्याच र भुट्ला न भुट्ला लेच लेया अनी होच्यो म्यार्मीन एसाब डा। तर कान्छा चहीँ लहो मीहुटै जेठौ कुर्कुच्चा घोवार क्योहा र होच्यो म्यार्मीन याकुब डा।
बाइबलुङ कथा : उत्पत्ति २४:१-२५:२६ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।