5. ५. प्रतिज्ञौ सन्तान
कनानाङ बसाइ सरीस्च १० वर्ष छान्न भ्यानाङ र अब्राम र सराइयो मीजा न माछान्नन्या। होटबाटै अब्रामौ मास्टो सराइये आसकोकी डेया, “परमेसोरै ङौ कोख बन्द जाट्न याम्हने र अब मीजा मीजा डीन्खीयो लागी ङा बुढी छान्न भ्या, होटबाटै ङौ डासी हागारखाटा ब्याहा जाट्नी र होचे ङौ लागी काट मीजा डीन्ह याल्हे।”
होटबाटै अब्रामै हागारकी ब्याहा जाटा। हागारै काट लेन्जा मीजा डीन्हा, अनि अब्रामै होच्यो म्यार्मीन इस्माएल डा। तर साराइये हागारकी डाह जाट्की थाला। इस्माएल तेह्र बर्स टान्हाङ, परमेसोर फेरी अब्रमखाटा ङाका।
परमेसोरै डेया, “ङा सर्वशक्तिमान परमेसोर हो। ङा नाङखाटा काट करार छ्याक्ले।” अनी अब्रामै छापटिक घोप्टो छानार दण्डवत जाटा। परमेसोरै फेरी डेया, “नाङ वास्टै राष्ट्रौ बोइ छान्ले। कनान देशकी ङा नाङ र नुओ सन्तानकुङ मीहुटाङ याल्हे र ङा सधैभरि होखुरीकुङ परमेसोर छान्ले। नीये लहो घरानाकी पट्ट लेन्जाकुङ खटना जाट्की पर्ले।”
“नुओ मास्टो साराइये काट लेन्जा मीजा डीन्ल्हे- होसे चाहीँ प्रतिग्या जाट्च मीजा छान्ले। नीये होच्यो म्यार्मीन इसहाक डाकी। होसे खाटा ङा करार छ्याक्ले र होच्यो काट बाड्को राष्ट्र छान्ले। ङा इस्माएकी र बाड्को राष्ट्र याल्हे तर ङौ करार चहीँ इसहाक खाटा न छ्याक्ले।” होसन्हुइङ परमेसोरै अब्रामौ म्यार्मीन अब्राहाम डाम याहा, होच्यो अर्थ चहीँ वास्टै जनौ बोइ हो। परमेसोरै साराइयो म्यार्मीन र अब ‘सारा’ डामयाहा, होच्यो अर्थ “राजकुमारी”।
होसयाक अब्राहामै लहो घरानुङ पट्ट न लेन्जा भर्मीकोलाक खटना जाट्नन याहा। होच्यो लगभग काट बर्स पछि, अब्राहाम सय बर्स र सारा नब्बे बर्स छान्नाङ, सारै अब्राहामौ लेन्जा मीजा डीन्हयाहा। परमेसोरै डेनाङ लेखान होच्यो म्यार्मीन इसहाक डा।
जब इसहाल बालख न लेया, परमेसोरै अब्राहामकी बीस्वासौ जाँच जाटा र डेया, “नुओ काट मट्टै लेन्जा मीजाकी लार नुङ्ना र होसकी ङौ नीम्टी बली योहो।” अब्राहामै परमेसोरै डेच कुराकी मन्डीया र लहो लेन्जा मीजाकी बलिडान याखी तयार छाना।
जब अब्राहाम र इसहाक वेदि पटिक नुङ्ङ न लेया, इसहाकै गीना, “बोइ, काल्हाखाटा बलियो लागी सीङको च ले, तर थुमा चहीँ खै त?” अब्राहामै जवाफ याहा, “हे ङौ मीजा परमेसोरै न बलियो थुमा जुटडीम याल्हे।””
होखुरीक जब वेदि लेच ठावाङ टाहा, अब्राहामै लहो मीजाकी छ्याका र होसकी वेदियाङ डा। जब होचे मेन मीजाकी बलि याखी पा, परमेसोरै डेया, “लेनो,
होला खेरेप अब्राहामै काट थुमाकी झाडीयाङ अल्झडीस्च डाङा। परमेसोरै होसे थुमाकी इसहाकौ सट्टाङ बलिडानौ लागी होला डामयाम्हन्या। अब्राहामै खुसी खाटा होसे थुमाकी बलि याहा।
अनी परमेसोरै अब्राहामकी डेया, “नीये ङौ लागी लहो पट्ट न ठोक याकी तयार लेचबाटै, अनी नुओ काट मट्टै लेन्जा मीजाकी र बाकी माडाचबाटै, ङा नाङकी आसिस याखी प्रतिग्या जाट्ले। नुओ सन्तानको सर्घुङ ताराको डेनाङ वास्टै छान्ले। नीये ङौ आग्या मन्डीचबाटै, संसारुङ पट्ट न घरानाको नुओ घरानालकीङ आसिसित छान्ले।
बाइबलुङ कथा : उत्पत्ति १६-२२ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।