4. ४. अब्राहामखाटा परमेसोरौ करार
जलप्रलयौ वास्टै बर्स न्हुइङ, संसाराङ भर्मीकुङ संख्या फेरी बट्डीस्चै नुङा, र होखुरीक पट्ट न काट न भाषा ङाक्च जाट्न्या। तर परमेसोरै आग्या जाट्चअनुसार पृथ्वीयाङ न्हेप्कीयो साटो होखुरीक काठोवाङ भेला छानार काट सहर खास्की ठाला।
होखुरीक साह्रै घमन्डी लेया, अनी परमेसोरै डेच कुराकी होखुरीकै वास्टा माजाटा। होखुरीकै सोर्गसम्म टाछ धरहरा खास्की ठाला। इडिक होखुरीक अझै काट न छानार दुष्ट कामको जाट्चै नुङा होखुरीक अझै वास्टै अधर्मि छान्की ह्योक्च परमेसोरै डाङा।
होटबाटै परमेसोरै होखुरीकुङ भाषाकी अरु वास्टै भाषाकोवाङ बदलिम याहा अनि भर्मीकोलाक सारा संसार भरी तितरबीतर पार्न याहा। होखुरीकै खास्की सुरु जाट्च “बाबेल” लेया, जुनौ अर्थ “अलमल्लाङ पर्की” लेया।
वास्टै बर्स न्हुइङ, परमेसोर अब्राहाम म्यार्मिन जाट्च काटजना भर्मीखाटा ङाका। परमेसोरै होसकी डेया, “नुओ देश र घरानाकी डासो र ङै टान्हाक्च ठावाङ नुङ्ना। ङा नाङ्की आसिस याल्हे। र नाङ्की याछ ठाउँकी काट महान राष्ट्र खास्ले। ङा नुओ म्यार्मिन महान खास्ले। ङा नुओ म्यार्मिनकी बाड्को खास्ले। नाङ्की आसिस याछकोलाक ङा आसिस याल्हे अनी नाङ्की सराप याछकोलाक ङा साराप याल्हे। पृथ्वीयाङ लेच पट्ट घरानाको नुओ कारन आसिसित छान्ले।”
अनी अब्रामै परमेसोरौ आग्या मन्डीया। होचे लहो मास्टो साराइ, लहो पट्ट न नोकरकोलाक र लहो पट्ट न ठोक परमेसोरै टान्हाक्ङच देश कनान पटिन नुङा।
जब अब्राम कनानाङ टाराहा, परमेसोरै डेया, “लहो वरीपरी ङोसो। नाङ र नुओ सन्तानकी नीये डाङ्च जटि पट्ट न देश पैतृक सम्पत्तियो रुपाङ नाङकी याल्हे।” अनी अब्राम होसे देशाङ ङुकी पा।
कायाक, अब्रामै सर्वोच्च परमेसोरौ पुजाहारी, मल्कीसेदेककी डुपा। मल्कीसेदेकै अब्राहकी आसिस याहार डेया, “सर्घा र पृथ्वीयो मालिक, सर्वोच्चओ परमेसोरै आसिस याख्यौ।” अनी अब्रामै मल्कीसेदेककी लहो पट्ट न सम्पत्तियो दशौ भाग याहा।
वास्टै वर्ष बिटडीस्न भ्यानाङ र साराइयो मीजा मालेया। परमेसोर अब्रामखाटा ङाका र फेरी प्रतिग्या जाटा कि आस्कुङ काट लेन्जा मीजा छान्ले र आसकुङ मीजाको सर्घुङ टुगा सरह छान्ले। अब्रामै परमेसोरौ प्रटिग्याङ बीस्वास जाटा।
अनी परमेसोरै अब्रामखाटा काट करार छ्याका। करार चहीँ नीस पक्षमीघ्याङ सम्झौता हो। परमेसोरै डेया, “नुओ सरिरलकीङ ङा नाङ्की काट लेन्जा मीजा याल्हे। कनान देश ङा नुओ सन्तानकोलाक याल्हे।” तर अब्रामखाटा अझै र काट लेन्जा मीजा मालेया।
बाइबलुङ कथा : उत्पत्ति ११-१५ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।