3. ३. जलप्रलय
वास्टै समय पछि, संसाराङ वास्टै भर्मिको लेया। होखुरीक ज्यादै दुष्ट छान्चै नुङ्ङन्या। इसे अब वास्टै खराब छाना कि परमेसोरै सारा संसारकी काट बाड्को जलप्रलाये नष्ट जाट्च निधो जाटा।
तर नोहै परमेसोरलकीङ निगाह डुपा। दुष्ट भर्मीकुङ मीघ्याङ आसको काट धर्मी भर्मी लेया। परमेसोरै नोहाकी लहे बिर्न्हकाकी पाच जलप्रलायौ बारेयाङ डेया। होसकै नोहाकी काट बाड्को जहाज खास्की लैडीया।
परमेसोरै नोहाकी करिब १४० मिटर लोक्च, २३ मिटर चौडाई र १३.५ मिटर घाङ्च जहाज खास्की डेया। नोहै होसे जहाजकी सिङौ प्रयोग जाटार सोम तहाङ खास्की पर्च लेया होला वास्टै कोठाको, छतको र झ्यालको छान्की पर्न्या। होसे जहाजाङ नोहा, मेखोलौ परिवार र पट्ट न किसिमुङ जमिनाङ ङुच जनावरको जलप्रलायो समय लकीङ सुरक्षित छान्की पर्च लेया।
नोहै परमेसोरौ आग्या मन्डीया। नोहा र आस्कुङ सोम लेन्जा मीजाकै परमेसोरै डेच लेखान जहाज खासा। जहाज एकदमै बाड्को लेच बाटै होसे खास्की वास्टै बर्स लक्डीसा। नोहै भर्मीकोलाक जलप्रलायौ बारेयाङ चेटावनी याहा र होखुरीककी परमेसोरपटिक ल्हेस्की सचेत जाटा तर होखुरीकै आस्कुङ कुरा बीस्वास माजाटा।
परमेसोरै नोहाकी, आसकुङ परिवार र जनावरकी चहडीस्च जति ज्याच कुरा जम्मा जाट्की लैडीया। जब पट्ट कुरा तयार छाना, परमेसोरै नोहाकी अब समय राहा डेया र आसको र मेखोलौ मास्टो, आस्कुङ सोम लेन्जा मीजाको र आसकुङ मास्टोको पट्ट न जहाजाङ पर्की डेया (होखुरीक जम्मा जाट्न आठ जना लेया।)
परमेसोरै भाल्या र गोटो जाट्न पट्ट न किसिमुङ पशुपंक्षि हरेकौ सात-सात जोडी भ्ल्या र गोटो जाट्न बिर्न्हका। जब होखुरिक पट्टन जहाज भित्र नुङा, तब परमेसोरै न जहाजौ गालम थुन्न याहा।
होसन्हुइङ नामास राखी सुरु छाना। चालिस याक चालिस नाबिक निरन्तर नामास राम्हन ङुवा। पृथ्वी म्हाकीङ र डी बेगखाटा राहा। सारा संसार र घाङ्च चुचुराको समेत डीयाङ ठाहा।
सुख्खा जमिनाङ जीवाच पट्ट न ठोक सीया, अनि जहाज भिट्री लेच भर्मी र पशुपंक्षिको जीउदै न ङुवा। जहाज डीयाङ टैरडीस्न न ङुवा र भिट्री ङुच पट्टनकी ठाखी लकीङ जोगडीयार डा।
नामास बाछ बाङा मिहनासम्म जहाज टैरडीस्न ङुवा र होटै डी छोक्चै नुङा। अनी कायाक काट पहाडौ मीडुमाङ जहाज रोकडीसा, तर पृथ्वी अझ सम्म र डीयाङ थाम्हन लेया। सोम महिना पछि अरु पहाडौ मीचुट्को डाङ्की थाला।
अरु चालिसयाक न्हुइङ काट कागकी डी सीप्नेकी मासीप्ने डेम ङोस्की बीर्न्हका। काग इलाक आलाक जाट्चै सुख्खा जमिन पाम फुर्न ह्वा तर कुलार माडुपा।
पछि नोहै काट ढुकुरकी बिर्न्हका। तर होचे र कुसेर सुख्खा जमिन डुप्की माह्योका, होटबाटै होसे नोह लेठाङ ल्हासार राहा। होच्यौ काट हप्टा पछि होचे फेरी होसे ढुकुरकी बाहिर बिर्न्हका अनि होचे मेन चुच्चाङ काट जैटुनौ हाँगा लार राहा। डी सीप्चै नुङ्ङ न लेया र बिरुवाको फेरी फैलडीस्चै नुङा।
अर्को काट हप्टा लेन्च पछि नोहै तेस्रो खेप होसे ढुकुरकी बाहिर बिर्न्हका। इसेपाली चहीँ होचे आराम जाट्च ठाउँ डुपा र होसे ल्हेसार माराहा। डी सीप्चै नुङ्ङन लेया।
नीस महिनापछि परमेसोरै नोहाकी डेया, “नाङ र नुओ परिवार पट्ट न पशुपंक्षिको जहाजलकीङ बाहिर ख्योखी ह्योक्ले। नाखुरीकै वास्टै मीजाको डीन्ही र फेरी पट्ट न पृथ्वीयाङ न्हेप्चै नुङ्नी।” अनि नोहा र मेन परिवार जहाजलकीङ बाहिर राहा।
जहाजलकीङ बाहिर राछ पछि नुहै परमेसोरौ लागी काट बेदि खासार होसे बेदियाङ बलि याखी डेयार डाच जनावरकोलाक बलि याहा। परमेसोर होसे बलिलकीङ खुसि छाना अनि नुहा रमेन परिवारकी आसिस याहा।
परमेसोरै प्रतिग्या जाटा, “अब ङा फेरि भर्मीकी दुस्टटौ खातिर इसे पृथ्वीकी सारापित माखास्ले, अथवा जलप्रलाय लकीङ संसारकी नष्ट माजाट्ले, अनि भर्मीकुङ रिदयुङ भावनाको मार्जालकीङ न खराब छान्ले।”
अनि परमेसोरै प्रतिग्यौ चिन्हौ रुपाङ याभो खासा। हरेक चोटि जब सर्घाङ याभो डाङ्ले, परमेसोरै लहो भर्मीकोखाटा जाट्च प्रतिग्या आर्मिट्ले।
बाइबलुङ कथा : उत्पत्ति ६-८ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।