2. २. सन्साराङ पाप राछ
परमेसोरै होखुरीकुङ न लागी खास्न याछ सुन्दर बगैचाङ आदम र हब्बा वास्टै मार्हाङार काठोवाङ न ङुमङुमन्या। नीस जना न बस्त्र बिना न ङुमन्या, तर पनि होखुरीककी काराम मासेमन्या, हिजै डेनाङ सन्साराङ कसेर पाप मालेया। होखुरीक प्राय बगैचाङ घुम्डीस्नन्या र परमेसोरखाटा कुराकानी जाट्नन्या।
तर होसे बगैचाङ काट धुर्त बुल लेया। होचे मास्टोकी गिना, “हि साच्ची न परमेसोरै नाङकी इला लेच मध्ये कुसेर मीस्या माज्याकी डेमने?”
मास्टोये जवाफ याहा, “परमेसोरै कानकी असल र खराबौ ग्यान छुटडीकी ह्योक्च म्यार्टुङुङ मीस्या बाहेक अरु पट्ट न म्यार्टुङुङ मीस्या ज्याकी छान्ले डेमने। परमेसोरै कानकी डेमने, इडीक नाखुरीकै होसे म्यार्टुङुङ मीस्या ज्या अथवा छुवा मट्टै डेनाङ र नाखुरीक सिले।”
होसे बुलै मास्टोकी जवाफ याहा, “होसे सट्य होइन
मास्टोये होसे मीस्या ङोस्कीयाङ सेछ र जाप्च डाङा।होसे र बुद्धिमान छान्च मीमन राहा, होटबाटै होचे होसे बगैचालकीङ धुमा र ज्या। होचे होसे मीस्या मेन मास्टो लेन्जाकी रज्याकी याहा होसे मेल्हाखाटा न लेया र होचे र होसे मीस्या ज्या।
अचानक, होखुरीकुङ मीमीक खोलिसा, नी लाहा नाङ्ग्या न ले डेम होखुरीकै थाहा डुपा। होखुरीकै मील्हा रुपार वस्त्र खासार लहो जीउकी हुप्की पा।
तब भर्मी र होच्यो मास्टोये बगैचालकीङ छानार ह्वाचै जाट्च आवाज सेया। होखुरीक नीस जना परमेसोरलकीङ आर्च्युवा। अनी परमेसोरै भर्मीकी आर्घार डेया, “नाङ कुला ले?” आदमै जवाफ याहा, “ङै नाको बगैचाङ ह्वाचै जाट्च सेया, अनी ङा नबिर्हीया, हिजैडेनाङ ङा नाङ्ग्या लेया। होटबाटै ङा आर्च्युवा।”
अनि परमेसोरै गिना, “नाङ नाङ्ग्या ले डेयार नाङ्की सुये डेया? ही ङै माज्याकी डेच मीस्या ज्या?” भर्मीये जवाफ याहा, “नाकै याछ मास्टोये ङाकी इसे मीस्या याहा।” अनि परमेसोरै मास्टोकी गिना, “निये इसे ही जाटा?” मास्टोये जवाफ याहा, “होसे बुलै ङाकी झुक्डीया।”
परमेसोरै बुलकी डेया, “नाङ सारापित छान्नने
होसन्हुइङ परमेसोरै मास्टोकी डेया, “ङा नुओ सुट्केरी बेथा बड्डीम याल्हे। र पनि नुओ इच्छा लेन्जा पटिक न छान्ने र होचे नाङ मीटाक अधिकार जाट्ले।”
परमेसोरै भर्मीकी डेया, “निये नुओ मास्टोओ कुरा सेयार ङौ आग्या मामन्डीच बाटै इसे भुमी सारापित छान्नने। ज्याकीयो लागी कडा परिश्रम जाट्की पर्ले। होटै नाङ सिले, र नुओ शरिर झाङ झा ल्हेस्ले।” भर्मीये मेन मास्टोओ म्यार्मीन हव्वा डा, इच्यो अर्थ हो “जीवन याछ” हिजैडेनाङ होसे पट्ट जातियो भर्मीकुङ मोइ हो डेले। अनी परमेसोरै आदम र हव्वाकी पशुओ छालौ बस्त्र खास्न याहा।
अनी परमेसोरै डेया, “अब भर्मीको र कान ल्याक्च न असल र खराब वार्छ छान्नने।” होटबाटै होखुरीकै अब जीवनौ म्यार्टुङौ मीस्या ज्यार होखुरीक सधैभरी जीवीत ङुकी माडुप्ख्यो डेयार परमेसोरै आदम र हव्वाकी होसे सुन्दर बगैचालकीङ डोन्न याहा। परमेसोरै जीवनौ म्यार्टुङौ निगरानी जाट्कीयो लागी शक्तिशालि सोर्गडुटकी बगैचौ मुल गालामाङ पहरेदारौ रुपाङ खटडीया।
बाइबलुङ कथा: उत्पति ३ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।