8. ८. परमेसोरै योसेफ र मेन घरानाकी जीवाक्च
योसेफौ दाजेकै होसकू घृणा जाट्नन्या हिजैडेनाङ होखुरिक मढ्याङ बोयौ पट्ट डेनाङ जाक्ङ सेच मीजा लेया अनि योसेपै लहा होखुरीकुङ सासक छान्च सपना डाङ्ङन्या। जब योसेफ डाजेको लेठाङ टाहा, होखुरीकै होसकी घोवार दास ब्यापारीकुङ मीहुटाङ आर्लामका।
वास्टै बर्सपछि, जब याकुब बुढा छाना, होचे लहो पट्ट डेनाङ प्यारो, योसेफकी बगालको ङोस्न ङुच लहो डाजेको लेठाङ जाँच जाट्की बीर्न्हका।
योसेफौ डाजेकै इमाङ ल्हेस्की डेनाङ अगाडी योसफौ बढिनको च्याटा र होसकी र्हौ हीवाङ ठाक्ङ याहा। अनी होखुरीके होसे लबेडा लहो बोइकी टान्हाका ताकि योसेफकी जङ्गली जनावरकै साट्लेसा डेम आर्मीटै डेयार। इसे डाङार याकुब साफ्फी डुखी छाना।
होसे दास ब्यापारीकै योसेफकी मिस्र देसाङ आल्हा। मीस्र देस नील नदियो छेवाङ पर्न्या, इसे एकदम बाड्को लेया। होसे ब्यापारीकै योसेफकी काट जना धनी सरकारी कर्मचारीयो मीहुटाङ आर्लामका। योसेफै लहो मालिकौ सेम्हजा हेरचाह जाटा र परमेसोरै होसकी आसिस याहा।
योसेफौ मालिकौ मास्टोये योसेफकाटा मीस्की मीमन जाटा तर परमेसोरो बिरुढ इजाट्न पाप जाट्की होचे इन्कार जाटा। इचै जाट्न होसे मीरीस ख्योहा र योसेफौ बिरुढाङ झुटो आरोप लैडिया, होसकारन योसेफकी घोवा र झ्यालखानाङ का। झ्यालखानाङ लेनाङ र योसेफकी परमेसोराङ भरोसा डा र परमेसोरै योसेफकी आसिस याहा।
नीस बर्स पछि, निर्दोस लेनाङ र योसेफकी अझै झ्यालखानाङ न लेया। कायाक नाबिक मीस्रीकुङ राजा फारोये नीस सपना डाङा र होचे होसकी साह्रै सटडीया। होसे राजौ कुसेर सल्लाकारकै र होसे सपनौ रहस्य डेकी माह्योका।
परमेसोरै योसेफकी सपनौ अर्थ डेकी ह्योक्च वरडान यामन्या, होटबाटै फारोये योसेफकी झ्यालखानालकीङ आर्घाकी लैडाया। योसेफै फारो राजौ सपनौ अर्थ डेम याहा र डेया, “परमेसोरै अबओ सात बर्स सम्म प्रसस्त जाट्न अन्नको याल्हे र होसन्हुइङ सात वर्स अनिकाल पर्ले।”
योसेफखाटा फारौ साफ्फी मार्हाङा कि योसेफकी सारा मीस्र देसभरीयुङ दोस्रो शक्तिशाली भर्मी नियुक्ति जाटा।
योसेफै भर्मीकोलाक प्रसस्त फसलौ सात बर्स अन्न थपारीकी लैडीया। अनि सात बर्स अनिकालौ समयाङ योसेफै होसे अन्नको आर्ला ताकी भर्मीकुङ लागी चहडीस्च जति ज्याच कुरा ओल्ख्यो।
अनिकाल मिस्र देसाङ मात्र होइन कनान देशाङ र पर्या होला याकुब र मेन घरानाको ङुमन्या।
होटबाटै याकुबै लहो जेठा मीजाकोलाक मिस्राङ ज्याच कुरा लाकी बिर्न्हाका। दाजेको ज्याच कुरा लोकी मिश्र देशाङ नुङ्नाङ योसेफकी माचिन्डीया, तर योसेफै होखुरीककी चिन्डीया।
अनी लहो डाजेको परिवर्तन छान्ननेकी माछान्नने डेम जाँच जाट्च पछि योसेफै होखुरीककी डेया, “ङा नाखुरीकुङ भाइ योसेफ हो, माबिर्हीनी। नाखुरीकै ङाकी दासौ रुपाङ आर्लार दुष्ट काम जाट्की पा, तर परमेसोरै दुष्टतालकीङ असल कसमौ लागी क्योटा। रान्ही र मिश्र देशाङ ङुनी ताकी नाखुरीक र नाखुरीकुङ घरानाकी जुटडीकी ह्योकीङ।”
योसेफौ डाजेको इमाङ ल्हेसा अझै जिउदै लेच कबर लहो बोइकी सेटाका, अनि आसको साफ्फि खुसि छाना।
याकुब बुढा छान्नाङ र लहो सारा घरानाकी लार मिश्र देसाङ नुङा र होला न ङुकी थाला। सिकी डेनाङ अघि पट्ट न मीजाकोलाक आसिस याहा।
परमेसोरै अब्राहामकी प्रतिग्या जाट्च करार अब्राहामलकीङ इसहाक लेठाङ सरीसा, अनि याकुबलेठाङ, अनि याकुबौ बाह्र जना मीजाको र होखुरीकुङ घरानाङ। होसे बाह्र जना लेन्जा मीजाकुङ सन्तानको लकीङ न इस्राएलुङ बाह्र कुलको छाना।
बाइबलको कथा : उत्पत्ति ३७-५० बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।