9. ९. परमेसोरै मोशाकी आर्घाच
योसेफ सेरखीङ, होच्यो पट्ट न लहो भर्मीको मिश्र देशाङ न ङुकी थाला। होखुरीकुङ सन्तानको र वास्टै वर्षसम्म निरन्तर रुपाङ होला बसोबास जाट्की डाला। र होखुरीकुङ वास्टै सन्तानको लेया। होखुरीककी ‘इस्राएली’ डेमन्या।
सयौ बर्स पछी इस्राएलीकुङ सङ्ख्या वास्टै बट्डीस्चै नुङ्ङन्या। मिश्रीकै योसेफ र होचे जाट्च होखुरीक मीटाक पट्टन असल कामको म्हाका। होखुरीक इस्राएलीको खाटा बिर्हिकी ठाला हिजैडेनाङ होखुरीकुङ सङ्ख्या वास्टै लेया। होटबाटै होसे समयाङ मिश्रदेशाङ राज्य जाट्च फारोये इस्राएलीकोलाक मिश्रीकुङ दास खासा।
मिश्रीकै इस्राएलीकोलाक वास्टै भवनको र पुरै सहर समेत खास्की लैडीया। कडा परिश्रमै होखुरीकुङ जीवनकी कठिन खासा, तर परमेसोरै होखुरीककी आसिस याहा, र होखुरीकुङ सन्तानको अझै बट्डीस्चै नुङा।
इस्राएलीकै वास्टै बालखको डीन्छ फारोये डाङा, होटबाटै होचे लहो भर्मीकोलाक पट्ट न इस्राएलीकुङ चाम चाम डीन्छ लेन्जा मीजाकोलाक नील नदियाङ लोहार साट्की आदेश याहा।
काट इस्राएली मास्टोये काट लेन्जा मीजा डीन्हा। होचे र मेन लेन्जै ह्योक्ठर सम्म होसे बालखकी आर्च्युकार डा।
जब होसे बालखौ मोइ- बोये होसकी अरु वास्टै समय आर्च्युकार डाकी माह्योका, होसकी सीकी लकीङ जोगडीकी काट कोक्रो खासार बालखकी होसे भित्र डार नील नदियो चेवाङ नर्कटौ झाडीयो मीघ्याङ डाम याहा। बालखौ डैये होसकी ही छान्ले डेम ङोस्न ङुवा।
फारोओ मीजै होसे कोक्रोकी डाङा अनी होसे भिट्री ही लेसा डेम खोल्हार ङोसा। जब होचे बालखकी डाङा, होचे होसकी लहो मीजौ रुपाङ डा। होचे काट इस्राएली मास्टोकी होसे बालखौ हेरचाह जाट्की ज्याला याहार डा तर होसे मास्टो बालखौ न लहो न मोइ लेया डेच कुरा होसकी थाहा मालेया। जब होसे बालख अब दुध गाकी मापर्च जति बाड्को छाना, होसे मास्टोये होसकी फारौ मीजा लेठाङ याम्हका होचे होच्यौ म्यार्मीन मोशा डा।
कायाक, जब मोशा बाड्को छाना, काट मिश्रिये काट इस्राएली दासकी डुङ्च डामा। मोशै लहो इस्राएली भर्मीकी बचडीकी पा।
जब मोशै लहाकी माडाङ्ले डेच आर्मीटार होसे मिश्रिकी साटार होसकी थाक्ङयाहा। तर मोशै होसे मिश्रीकी साटार जाट्च डाङ्ङन्या।
जब फारोये मोशै जाट्च हट्यौ बारेयाङ थाहा डुपा, होचे मोशाकी साट्की पा। होटबाटै फारौ सैनिककोलकीङ जीवाकी डेम मोशा मिश्रदेशलकीङ भोक्डीसार उजाड ठाउँपटिक ल्हेसा।
मिश्रदेशलकीङ लोस होसे उजाड ठावाङ मोशा काट गोटला ल्हेसा। होचे होसे ठाउँङ काट जना मास्टोखाटा ब्याहा जाटा र होच्यो नीस लेन्जा मीजाको छाना।
कायाक जब मोशा लहो भेडाको हेरचाह जाट्न ङुमन्या, होचे काट पोथ्रा डाङा होला चहीँ म्हे धाम ङुम्न्या। तर होसे पोथ्रा सिकार भस्म माछाना। होसे पोथ्राकी अझ सेम्हजा ङोस्की होच्यो खेरेप नुङा। जब होसे डाम्ह ढुच पोथ्रौ खेरेप टाहा, परमेसोरै डेया, “मोशा, नुओ जुआको डोनो। हिजै डेनाङ नाङ पवित्र भुमीयाङ टोङ्हने।”
परमेसोरै डेया, “ङै ङौ भर्मीकोलाक कस्टकी डाङ्ङने। ङा नाङ्की फारो लेठाङ बिर्न्हकाले ता कि इस्राएलीकोलाक मीश्रदेसुङ दासत्वलकीङ चुट्डीयार राक्ले। ङा होखुरीककी कनानुङ दे याल्हे, होसे देश मै अब्राहाम, इसहाक र याकुबखाटा प्रतिग्या जाट्नन्या।
मोशै गीना, “भर्मीकै ङाकी सुयर बिर्न्हकाच डेयार गीना डेनाङ, ङा ही डेकी?” परमेसोरै डेया, “ङा सु हो, होसे न हो। होखुरीकी इट डेमयाखी, मा हो डेचये ङाकी बिर्न्हकाच हो। होखुरीकी इसे र डेमयाखी, ‘ङा याहोवे हो, नाकुरीकुङ पितापुर्खा अब्राहाम, इसहाक, र याकुबौ परमेसोर’ ङौ म्यार्मीन सदा-सर्वदौ लागी इसे न हो।”
मोशा बिर्हीया र फारोलेठाङ नुङ्की मामन्डीमन्या हिजेडेनाङ लाहा ठिकखाटा ङाक्की माय्होक्च होचे आर्मीटा, होटबाटै परमेसोरै मोशौ भाइ हारुनकी होसेखाटा सहायतौ लागी बिर्न्हका। फारौ हठी छान्ले डेच कुरा परमेसोरै मोशा र हारुनकी सचेत जाटा।
बाइबलको कथा : प्रस्थान १-४ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।