36. ईसू रूप बदलाना

योक दिही, ईसूय त्या तीन चेला, पतरस, याकोब, आने योहानाल त्या आरी लेदा.(ओ योहान नावा चेलो तीं माअहू नाय हेय ज्याय ईसूल बाप्तिस्मा देनलो आतो) त्या प्रार्थना कोअरा हाटी योका उचा डोगावोय गोया.

जोवे ईसू प्रार्थना कोई रोयलो आतो तोवे त्या मुंय दिहया रोका चमकुनारा ओय गोया. त्या फाडके उजाळा रोके उजळे ओय गोये, जेहकोय दोरती वोय कादा कोई सके त्याकोअता बी वोदारी उजळा.

तोवे मोशे आने एलिया भविष्यो कोअनारा प्रकट ओअयो. यें माअहे दोरती वोय ये समये हीने होव वोरहे पोयला रोत. त्याहाय ईसू आरी त्या मोअना बदल गोठ कोअयी, काहाका तो माहारुज यरुशेलेम माय मोई जाय.

जोवे मोशे आने एलिया ईसू आरी गोठ कोय रोयला आता तोवे पतरसाय यीसूल आख्या, “आमेहाटी ई ओअना हारा हेय. आपा तीन मांडवा बोनाडहू, योक तो हाटी, योक मोशे हाटी, आने योक एलिया हाटी.’’ पेन पतरस नाय जाएतो आतो का तो काय कोई रोयलो हेय.

जोवे पतरस गोठ कोई रोयलो आतो, तोवे योक चमकूनारा वादळा निचे येयन त्यावोय सावली कोअयी. पासे वादळा माने योक आवाज येतां वोनायो. त्याय आख्यां, “ओ मा पोहो हेय ज्यावोय आंय माया कोअहूं. आंय त्याकोय खुश हेतो. त्या वोनाया. “त्या तिनी चेला गाबराय गोया आने दोरतीवोय हुवी गोया.

तोवे ईसूय त्याल आथल्या आने आख्यां, “बीयहा मा. उठा. “जोवे त्याहाय च्यारी-चामखी देख्या, तोवे जी बी तांअ आता तो फक्त ईसू आतो.

ईसू आने त्या तिनी चेला त्या डोगावोरे पासी निचे उती येना. तोवे ईसूय त्याहाल आख्यां, “आमी जी ईही ओअया तीं गोठ कादा आरी नाय कोअना. आंय माहारुज मोई जाही आने पासी जीवतो ओय जाही. त्या पासे, तुमा माअहाल आखी सोकताहा.