21. परमेश्वर मसीह रो वायदो करे है

जेरां परमेश्वरे अणां जगत री रचना किदी ही, तो वो जाणतो हो के वणांए बाद मे कणेंक दन मसीह ने भेजणों वेगा। और वणीं आदम और हव्वा हुं यो वायदो किदो हो के वो असो करेगा। और वणीं केयूं हूं के हव्वा हुं एक वंशज जनम लेगा ज्यो हाँप रा सिर ने कचलेगा। और जणीं हाँपे हव्वा ने धोखो दिदो हो वो वास्तव मे शैतान हो। और परमेश्वर रे केवा रो अर्थ हो के मसीह पुरी तरह शैतान ने पराजित कर देगा।

परमेश्वरे अब्राहम हुं वायदो किदो हो के वणांरे द्वारा अणां जगत री सब जातियाँ आशीष पाएगा। और परमेश्वर कणांक समय पे मसीह ने भेजवा रे द्वारा अणां वायदा ने पुरो करेगा। और वो मसीह अणां जगत री हर एक जाति मे हुं लोगां ने वणांरे पाप हुं छोड़ावेगा।

परमेश्वरे मूसा हुं यो वायदो किदो हो के भविष्य मे वो मूसा रे समान एक बिजा व्यक्ति ने भेजेगा। और यो परमेश्वर री ओर हुं बोलवा वालों मसीह यीशु वेगा। और अणीं रीति हुं, परमेश्वरे फेर हुं यो वायदो किदो हो के वो मसीह ने भेजेगा।

परमेश्वरे राजा दाऊद हुं भी यो वायदो किदो हो, के वणांरो एक वंशज मसीह वेगा। और वो राजा वेगा और परमेश्वर रे लोगां पे सदा रे लिए शासन करेगा।

परमेश्वरे आपणीं ओर हुं बोलवा वालां यिर्मयाह हुं भी वात किदी ही के एक दन वो एक नवी वाचा बाँधेगा। और नवी वाचा इस्राएल रे हातीं सीनै पर्वत पे बाँध्यी ग्यी वणीं पुराणीं वाचा रे जसी नी वेगा। और जेरां लोगां रे हातीं वो आपणीं नवी वाचा ने बाँधेगा, तो वो वणांपे खुद ने व्यक्तिगत रूप हुं प्रकट करेगा। और हर एक व्यक्ति वणांहुं प्रीति राखेगा और वणांरी व्यवस्था रो पालन करवा री इच्छा राखेगा। पसे परमेश्वरे केयूं के ये वणांरी व्यवस्था रो वणांरे हृदयां पे लिखी देवा रे जसो वेगा। और वा लोग वणांरा वेगा, और परमेश्वर वणांरे पापां ने माफ करेगा। और वो मसीह वेगा ज्यो वणांरे हातीं वणीं नवी वाचा ने बाँधेगा।

परमेश्वरे यो भी केयूं के मसीह मारी ओर हुं बोलवा वालों वेगा। और मारी ओर हुं बोलवा वालों वो व्यक्ति विये है, ज्यो परमेश्वर रा वचन ने हुणे है और पसे लोगां पे परमेश्वर रे संदेशां री घोषणा करे है। जणांए भेजवा रो परमेश्वरे वायदो किदो हो। और वो मसीह एक सिद्ध पुरुष वेगा। अर्थात् वो मसीह परमेश्वर रा संदेशां ने अच्छी तरह हुं हुणेगा, और वो लोगां ने वणां संदेशां ने अच्छी तरह हुं हिकावेगा।

इस्राएली याजकां लोगां रे लिए परमेश्वर रे आगे बलिदान चढ़ाणों जारी राख्यो। और यो बलिदान लोगां रे पापां रे लिए वणांने परमेश्वर द्वारा दंडित किदा जावा रे स्थान पे चढ़ाया ग्या हा। और याजकां लोगां रे लिए प्रार्थना भी किदी। पण, वो मसीह सिद्ध महायाजक वेगा ज्यो परमेश्वर ने देवा रे लिए एक सिद्ध बलि रे रूप मे खुद ने चढ़ावी देगा। अर्थात्, वो कदी पाप नी करेगा, और जेरां वो खुद ने बलि वेवा रे लिए देई देगा, तो अणां जगत रो कोई भी बिजो बलिदान आवश्यक नी वेगा।

लोगां रे समूहां पे राजा और प्रधान शासन करता हा, और कदी-कदिक तो वा गलतियाँ भी करता हा। और राजा दाऊदे तो केवल इस्राएलियां पे शासन किदो हो, पण राजा दाऊद रो वंशज मसीह यीशु अणां पुरा जगत पे शासन करेगा, और वो सदा रे लिए शासन करेगा। और अणांरे अलावा वो हमेशा न्यायपूर्ण रीति हुं शासन करेगा, और सई निर्णय लेगा।

परमेश्वरे मसीह यीशु रे बारा मे बोत सी वातां केयी ही। और उदाहरण रे लिए, मलाकीए केयूं हूं के मसीह रे आवणां हुं पेले एक बिजो व्यक्ति आवेगा। और वो व्यक्ति बोत ही महत्वपूर्ण वेगा। और अणांरे अलावा, यशायाह लिख्यो है, के मसीह यीशु एक कुँवारी हुं जनम लेगा। और मीका भी केयूं हुं के मसीह यीशु बैतलेहेम नगर मे जनम लेगा।

यशायाह केयूं हुं, के मसीह गलील रा क्षेत्र मे वास करेगा। और ज्या लोग बोत ही दुखी हीं वणांने मसीह यीशु शान्ति प्रदान करेगा। और वो कैदियां ने भी आजाद करेगा। और मसीह यीशु बीमारां ने और ज्या नी हुणीं ही और नी बोलीं हकीं हीं और ज्या नी चालीं हकीं हीं वणांने भी चंगाई प्रदान करेगा।

यशायाह यो भी केयूं के लोग मसीह यीशु हुं नफरत करेगा और वणांए स्वीकार करवा हुं इनकार कर देगा। और बिजां व्यक्तियाँ भी केयूं है के मसीह यीशु रो एक हाती वणांरे विरुद्ध उठेगा। और जकर्याह केयूं के वणांरो यो हाती असो करवा रे लिए बिजां लोगां हुं रूपा रा तीस सिक्का लेगा। और अणांरे अलावा, बिजां और केयूं है के लोग मसीह यीशु ने मारी नाखेगा, और यो भी केयूं के वा लोग वणांरे वस्त्रां रे लिए चिट्ठियां नाखेगा।

परमेश्वर री ओर हुं बोलवा वालां व्यक्तियाँ यो भी वतायो के मसीह यीशु किस्तर मरेगा। और यशायाए भविष्यद्वाणी किदी के लोग मसीह यीशु पे थूंकेगा, और वणांरो मजाक उड़ावेगा, और वणांए कुटेगा। और वा वणांए छेदीं देगा और वो बोत ही पीड़ा और यातना मे आपणों प्राण त्यागी देगा, जबकि वणीं कोई भी गलत नी किदो वेगा।

परमेश्वर री ओर हुं बोलवा वालां व्यक्तियाँ यो भी वतायो हो, के मसीह यीशु कोई पाप नी करेगा। और वो सिद्ध वेगा। पण वो अणीं वाते मरेगा क्योंकि परमेश्वर वणांने बिजां लोगां रा पापां रे कारण दंडित करेगा। और वणांरे मरवा हुं लोग परमेश्वर रे हातीं फेर हुं संम्बंध स्थापित करवा मे सक्षम वेगा। और अणींस वाते परमेश्वर चावतो हो के मसीह यीशु मरे।

परमेश्वर री ओर हुं बोलवा वालां व्यक्तियाँ यो भी वतायो, के परमेश्वर मसीह यीशु ने मृतकां मे हुं पासो जीवित करेगा। और यो सब यो दर्शावे है, के यो सब नवी वाचा ने बाँधवा री परमेश्वर री एक पूर्व नियोजित योजना ही। ताकि वो वणां लोगां ने वचाड़ी हके जणां वणांरे विरुद्ध पाप किदो हो।

परमेश्वर री ओर हुं बोलवा वालां व्यक्तियाँ रे द्वारा मसीह यीशु रे बारा मे बोत सी वातां ने प्रकट किदी, पण मसीह यीशु वणां व्यक्तियाँ मे हुं कणांरे भी जीवनकाल मे नी आयो हो। और अणीं भविष्यद्वाणियां रे दिदा जावा रे 400 सालां हुं भी अधिक सालां रे बाद, सई समय पे, परमेश्वर मसीह यीशु ने अणां जगत मे भेजेगा।