20. बंधुवाई और लौटणों

इस्राएल रा राज्य और यहूदा रा राज्य दोयां परमेश्वर रे विरुद्ध पाप किदो हो। और वणां वणीं वाचा ने तोड़ दिदी, ज्या परमेश्वरे वणांरे हातीं सीनै पर्वत पे बाँध्यी ही। और परमेश्वरे वणांने पश्चाताप करवा और फेर हुं वणांरी आराधना करवा रे लिए चेतावनी देवा रे लिए आपणीं ओर हुं बोलवा वालां लोगां ने भेज्या, पण वणां वणांरी वातां ने मानवा हूं इनकार कर दिदो।

अणीं वाते परमेश्वरे वणांरे शत्रुआं ने वणांने नाश करवा मे सक्षम करवा रे द्वारा वणां दोयां राज्यां ने दंडित किदा। और अश्शूर एक बिजो देश हो ज्यो बोत ही शक्तिशाली वेई ग्यो हो। और अश्शूर रा लोग बिजां देशां रे प्रति बोत ही निर्दयी भी हा। और वणां आविन पसे इस्राएल रा राज्य ने नाश कर दिदो। और अश्शूरियां आविन इस्राएल रा राज्य मे बोत सा लोगां ने मौत रे घाट उतार दिदा और राज्य मे सब कुछ लूटी लिदो और देश रा अधिकतर हिस्सा ने जलाई दिदो।

अश्शूरियां सब अगुवां ने और धनवान लोगां ने और असा लोगां ने ज्या कीमती वस्तुआं ने वणांवी सकता हा वणांने एक हातीं इकट्ठा किदा, पसे वणांने अश्शूर देश मे लेई ग्या। पसे इस्राएल मे सिर्फ गरीब लोगुस वची ग्या हा।

पसे अश्शूरी लोग वणां देश मे रेवा रे लिए विदेशियां ने लेईन आया। और वणां विदेशियां वणां नगरां ने फेर हुं वणांया। और ज्या इस्राएली वटे वची ग्या हा वणांहुं वणां विवाह किदो। और अणां लोगां रा वंशज सामरी केवाणां।

यहूदा रे राज्य रा लोगां देख्यो, के किस्तर परमेश्वरे वणांपे विश्वास नी करवा और वणांरी वातां ने नी मानवा रे कारण इस्राएल रे राज्य रा लोगां ने दंडित किदा हा। पण तौभी वणां कनानियां रे देवता री मूर्तियां री उपासना किदी। पसे परमेश्वरे वणांने चेतावनी देवा रे लिए आपणीं ओर हुं बोलवा वालां लोगां ने भेज्या, पण वणां हुंणवा हुं इनकार करी दिदो।

लगभग 100 सालां रे बाद अश्शूरियां इस्राएल रा राज्य ने नाश कर दिदो। पसे परमेश्वरे बेबीलोन रा राजा, नबूकदनेस्सर ने यहूदा रा राज्य पे हमलो करवा रे लिए भेज्यो। और बेबीलोन एक शक्तिशाली देश हो। और यहूदा रो राजा नबूकदनेस्सर रो दास वणवा और हर साल वणांए बोत सा धन रो भुगतान करवा रे लिए सेहमत वेई ग्यो।

पण थोडाक सालां रे बाद, यहूदा रा राजाए बेबीलोन रे विरुद्ध बलवो कर दिदो। अणीं वाते बेबीलोनियां पासा आविन यहूदा रा राज्य पे हमलो कर दिदो। पसे वणां यरूशलेम नगर पे आपणों कब्जो कर लिदो, और यरूशलेम रा मंदिर ने नष्ट कर दिदो, और नगर और मंदिर रा खजाना ने भी लूटी लेई ग्या।

बलवो करवा रे कारण यहूदा रा राजा ने दंडित करवा रे लिए, नबूकदनेस्सर रे सैनिकां राजा रा बेटा ने वणांरे हामेस मारी नाख्यो पसे वणांए आंधो कर दिदो। पसे अणांरे बाद वा राजा ने लेई ग्या, ताकि वो बेबीलोन रा जेलखाना मे मरी जाए।

नबूकदनेस्सर और वणांरी सेना यहूदा रे राज्य रा लगभग सब लोगां ने बेबीलोन लेईन ग्यी, और सिर्फ सबहूं गरीब लोगां नेस पाछे छोड़िन ग्या, ताकि वा लोग खेतां मे फसल उगावीं। और समय रा अणां काल ने बंधुवाई केयो ग्यो है। जणांमे परमेश्वर रे लोगां ने वायदा रा देश हुं निकल जावा रे लिए विवश किदा ग्या हा।

भलेई परमेश्वरे आपणें लोगां ने वणांरे पाप रे कारण बंधुवाई मे लेई जावा रे द्वारा दंडित किदा हा, तौभी वो वणांने या आपणां वायदा ने नी भूल्यो हो। और परमेश्वरे आपणें लोगां री निगराणी करणों जारी राख्यो और आपणीं ओर हुं बोलवा वालां लोगां रे द्वारा वणांहूं वात करतो रेयो। और वणीं यो वायदो किदो हो के 70 सालां रे बाद, वा लोग पासा वायदा रा देश मे लौट आवेगा।

लगभग 70 सालां रे बाद, फारस रा राजा कूस्रूए बेबीलोन ने पराजित किदो, अणीं वाते बेबीलोन रा साम्राज्य रे बजाए फारस रा साम्राज्ये बोत सा देशां पे शासन किदो। और इस्राएली लोग अबार यहूदी केवाता हा। और वणांमे हुं अधिकतर लोगां आपणों पुरो जीवन बेबीलोन मेईस विताई दिदो हो। और वणांमे हूं केवल थोडाकुस बुढ़ा थाया हका यहूदियां ने यहूदा रो देश याद हो।

फारसी लोग बोत ही सामर्थी हा, पण वणां आपणें द्वारा जीतया हकां लोगां पे दया किदी ही। और फारसी लोगां रो राजा वणवा रे थोडाक दनां रे बाद, कुस्रूए एक आदेश दिदो के कोई भी यहूदी ज्यो यहूदा देश मे जाणों चावे है, वो फारस हूं निकलिन पासो यहूदा मे जाई सके है। और अटे तक के वणीं वणांने मंदिर ने फेर हुं वणावणां रे लिए बोत सो धन भी दिदो। और बंधुवाई रा 70 सालां रे बाद, यहूदियां रो एक छोटो समूह यहूदा मे यरूशलेम नगर मे लौट आयो।

जेरां वा लोग यरूशलेम मे पोंच्या, तो वणां मंदिर ने और नगर रे चारों ओर री दीवार ने पासी वणांई। और फारसी लोग अबार भी वणांपे शासन करता हा, लेकिन एक बार वा पासा वायदा रा देश मे रेई रेया हा और आपणां मंदिर मे परमेश्वर री आराधना करी रेया हा।