24. यूहन्ना प्रभु यीशु ने बपतिस्मा देवे है

एलीशिबा और जकर्याह रो बेटो यूहन्ना, बडो वेइन एक परमेश्वर री ओर हुं बोलवा वालों वणीं ग्यो। और वो मंगरां मे रेतो हो, और जंगली मद और टिड्डियाँ खातो हो, और ऊँट रा बालां हूं वणयां हका कपडां पेरतो हो।

बोत सा लोग यूहन्ना री वातां ने हुंणवां रे लिए मंगरां मे निकलिन आया। और वणीं यो केइन वणांने प्रचार किदी के, " पश्चाताप करो, और मन फिरावो, क्योंकि स्वर्ग रो राज्य निकट है!"

जेरां लोगां यूहन्ना रा संदेश ने हुण्यो, तो वणां मे हूं बोत सा लोगां आपणे-आपणे पापां हूं पश्चाताप किदो, और यूहन्नाए वणांने पाणी रो बपतिस्मा दिदो। और यूहन्ना ने देखवा रे लिए बोत सा धर्म गुरुआं भी वटे आया, पण वणां आपणें पापां रो पश्चाताप या अंगीकार नी किदो।

यूहन्नाए वणां धार्मिक अगुवां हूं केयूं के, "हे जेरिले हाँपा रे बच्चों! पश्चाताप करो और आपणें व्यवहार ने बदलो। क्योंकि परमेश्वर हर वणां रुंकडां ने काट देगा ज्यो अच्छो फल नी लावे, पसे वो वणांने आग मे नाखी देगा।" और ज्यो परमेश्वर री ओर हुं बोलवा वालां व्यक्तियाँ केयूं हूं। यूहन्ने वणांने पुरो किदो, के "देख, बोत ही जल्दी मुं थारे आगे आपणां संदेशवाहक ने भेजूंगा ज्यो थारे लिए मार्ग तैयार करेगा।"

थोडाक धर्म गुरुआं यूहन्ना हूं पुछयूं के कई वो मसीह है। पण यूहन्नाए जवाब दिदो के, "मुं मसीह नी हूं, पण वो ज्यो मारे बाद आवी रेयो है, वो अतरो महान है के मुं वणांरे जूतां री लेश खोलवा रे लायक भी नी हूँ।"

वणांरे बिजे दन, प्रभु यीशु मसीह बपतिस्मा लेवा रे लिए यूहन्ना कोडे आयो। और जेरां यूहन्नाए वणांने देख्यो, तो वणांहु केयूं के, "देखो! परमेश्वर रो मेम्नो ज्यो अणां जगत रे पापां ने उठाई ले जाएगा।"

यूहन्नाए प्रभु यीशु मसीह हूं केयूं के, "मुं थने बपतिस्मा देवा रे योग्य नी हूँ। बजाए यो आवश्यक है, के थूं मने बपतिस्मा दे।" पण प्रभु यीशु मसीए केयूं के, "थने मई बपतिस्मा देणों चावे, क्योंकि करवा रे लिए सई काम योइस है।" अणीं वाते पसे यूहन्नाए वणांने बपतिस्मा दिदो, जेरां के प्रभु यीशु मसीए कदी पाप नी किदो हो।

बपतिस्मा दिदो जावा रे बाद जेरां प्रभु यीशु मसीह पाणी मे हूं निकलिन बाण्णे आयो, तो परमेश्वर रो आत्मा एक कबूतरा रे रूप मे प्रकट वियो और नीचे आविन वणांपे ठेर ग्यो। और वणांस समय, परमेश्वरे स्वर्ग हूं वात किदी। और वणीं केयूं के, "थूं मारो प्रिय बेटो है, और मुं तई हूं प्रेम करुं हूँ, और मुं तई हूं बोत ही प्रसन्न हूँ।"

परमेश्वरे यूहन्ना हूं केयूं हूं के, "पवित्र आत्मा नीचे आविन जणां पे ठेर जाएगा और जणांए थूं बपतिस्मा देगा।" वोइस परमेश्वर रो बेटो है और परमेश्वर एकुस है। पण जेरां यूहन्नाए प्रभु यीशु मसीह ने बपतिस्मा दिदो, तो वणीं परमेश्वर पिता ने वातां करतां हुण्यो, और पुत्र परमेश्वर ने देख्यो, ज्यो के प्रभु यीशु मसीह है, और वणीं पवित्र आत्मा ने कबूतरा रे रूप मे देख्यो।