25. शैतान यीशु री परीक्षा करे है

यीशु मसीह रो बपतिस्मा वेवा रे तुरन्त बादुस, पवित्र आत्मा वणांने मंगरां मे लेईन ग्यो। और यीशु मसीह वटे चालीस दन और चालीस रात रेयो हो। और वणीं चालीस दनां तक उपवास किदो हो, पसे शैताने यीशु मसीह रे कोडे आविन वणांए पाप करावणां रे लिए वणांरी परीक्षा किदी।

पेले शैताने प्रभु यीशु हुं केयूं के, "यदि थूं परमेश्वर रो बेटो है, तो अणां भाटां री रोटियां वणांवी दे ताकि थूं खाई सके।"

पण यीशु मसीए शैतान हुं केयूं के, "परमेश्वर रा वचन मे यो लिख्यो है के, 'जीवतो रेवा रे लिए मनक ने केवल रोटी रीस आवश्यकता नी वे है, पण वणांने हर वणीं वात री आवश्यकता है, ज्यो परमेश्वर वणांहुं किये है!"

पसे शैतान यीशु मसीह ने मंदिर रा सब हुं ऊँचा सिरा पे लेईन ग्यो। पसे वणाहुं केयूं के, "यदि थूं परमेश्वर रो बेटो है तो अटे हुं नीचे कूदी जा, क्योंकि लिख्यो है के, 'परमेश्वर थनें उठावा रे लिए आपणें स्वर्गदूतां ने आज्ञा देगा, ताकि थारे पगां मे भाटां हुं ठेस नी लागे।"

पण यीशु मसीए वो नी किदूं ज्यो शैताने वणाहुं करवा रे लिए केयूं हूं। लेकिन अणांरे बजाए, वणीं केयूं के, "परमेश्वर हर एक हूं किये है के, थूं प्रभु आपणां परमेश्वर री परीक्षा मत करजे।"

पसे शैताने वणांए अणां जगत रा सब राज्य ने दिखाया। और वणीं दिखायो के वा कतरा शक्तिशाली हा, और वा कतरा सम्पन्न हा। पसे वणीं यीशु मसीह हुं केयूं के, "मुं थनें यो सब देई दूंगा, यदि थूं आपणां घूटणां टेकिन मारी उपासना करे।"

प्रभु यीशुए वणांने जवाब दिदो के, "हे शैतान, थूं मारे कोडे हुं छेटी परो जा! क्योंकि परमेश्वर रा वचन मे वो लोगां ने आदेश दिये है के, थां केवल आपणां प्रभु परमेश्वर रीस आराधना करो।"

प्रभु यीशुए शैतान रे द्वारा किदी ग्यी परीक्षा मे हार नी मान्यी, अणीं वाते शैतान वणां कोडे हुं छेटी परो ग्यो। पसे स्वर्गदूत आविन यीशु मसीह री सेवाटहल करवे लागा।