44. पतरस और यूहन्ना एक भिखारी ने चंगो करे है

एक दन, पतरस और यूहन्ना मंदिर मे ग्या। और वटे एक लंगड़ो व्यक्ति भीख माँगवा रे लिए फाटक पे बैठ्यो हको हो।

पतरसे वणां लंगडा व्यक्ति री ओर देख्यो और वणांहुं केयूं के, "मारे कोडे थने देवा रे लिए पईसा तो नी हीं। पण ज्यो मारे कोडे है वो मुं थने देऊँ हूँ। पसे वणीं केयूं के प्रभु यीशु रे नाम हुं, उठ और चाल- फर!"

तुरन्तुस, परमेश्वरे वणां लंगड़ा व्यक्ति ने चंगो कर दिदो। पसे वणीं अटी हुं वटी चालणों और कूदणों, और परमेश्वर री स्तुति और महिमा करणीं आरम्भ कर दिदी। और वणां मंदिर रे आँगन मे उबा हकां लोग वणांने देखिन अचम्भित हा।

तुरन्तुस लोगां री एक भीड़ वणां व्यक्ति ने देखवा रे लिए आयी ज्यो चंगो वेई ग्यो हो। पसे पतरसे वणांहुं केयूं के, "यो मनक ठीक है, पण अणीं वात पे अचम्भित मत वो। क्योंकि मां अणांने आपणीं शक्ति हुं चंगो नी किदो है, और यो अणीं वाते भी नी है के मां परमेश्वर रो आदर करां हां। बल्कि, वो प्रभु यीशु है जणीं आपणीं शक्ति हुं अणांने चंगो किदो है, क्योंकि मां प्रभु यीशु पे भरोसो करां हां।"

वा थांस हो जणां वणां रोमी राज्यपाल ने प्रभु यीशु ने मार डालवा रे लिए केयूं हूँ। और थां वणांने मार डाल्यो ज्यो सब लोगां ने जीवन दिये है। पण परमेश्वरे वणांने मृतकां मे हुं पासो जीवित किदो। पण थां नी हमज्या के थां कई करी रेया हा, पण जेरां थां वणां कामां ने करी रेया हा, तो ज्यो परमेश्वर री ओर हुं बोलवा वालां लोगां केयो हो वो पुरो वियो। क्योंकि वणां केयूं हूँ के मसीह दुःख उठाएगा और मरी जाएगा। और परमेश्वरे अणांने अणीं रीति हुं वेवा दिदो। अणीं वाते अबार, पश्चाताप करो और परमेश्वर री ओर फिरो, ताकि वो थांरे पापां ने धोईन थांने शुद्ध करे।

जेरां मंदिर रे अगुवां पतरस और यूहन्ना री वातां ने हुण्यी, तो वा बोत ही घबराई ग्या। अणीं वाते वणां वणांने गिरफ्तार करिन जेलखाना मे डाल दिदा। पण ज्यो पतरसे केयूं हूँ वणीं वात पे बोत सा लोगां विश्वास किदो। और प्रभु यीशु पे विश्वास करवा वालां लोगां री संख्या बढ़िन लगभग 5,000 वेई ग्यी।

बिजे दन, वा यहूदी अगुवां पतरस और यूहन्ना ने महायाजक और बिजां धार्मिक अगुवां रे हामे लेईन आया। और वा वणां व्यक्ति ने भी लेईन आया ज्यो पेले लंगड़ो हो। पसे वणां पतरस और यूहन्ना हुं पुछयूं के, "कणां अधिकार हुं थां अणां लंगड़ा व्यक्ति ने चंगो किदो है?"

पतरसे वणांने जवाब दिदो के, "यो व्यक्ति ज्यो थांरे हामे खड़ो है वणांने प्रभु यीशु री सामर्थ्य रे द्वारा चंगो किदो ग्यो है। और थां प्रभु यीशु ने क्रूस पे चढ़ाई दिदो, पण परमेश्वरे वणांने मृतकां मे हुं पासो जीवित कर दिदो! और थां वणांने अस्वीकार कर दिदो, पण प्रभु यीशु रे अलावा उद्धार पावा रो और कोई बिजो मार्ग नी है!"

वा सब अगुवां बोत ही हैरान हा के पतरस और यूहन्ना बोत ही साहसपूर्ण तरीकां हुं वात किदी ही। और वणां देख्यो के या एक साधारण मनक हा ज्या के अनपढ़ हा। पण पसे वणांने याद आयो के या मनक प्रभु यीशु रे हातीं रेया हा। अणीं वाते वणां वणांहुं केयूं के, "मां थांने बोत अधिक दंड दियांगा यदि थां अणां मनक यीशु रे बारा मे लोगां ने कोई और संदेश दियोगा।" पसे असी और भी बोत सी वातां केवा रे बाद, वणां पतरस और यूहन्ना ने जावे दिदा।